Memleket basshysynyń Jarlyǵymen Álim Dáýrenuly Baıel Qazaqstan Respýblıkasynyń Ázerbaıjan Respýblıkasyndaǵy Tótenshe jáne Ókiletti Elshisi laýazymyna taǵaıyndaldy, dep habarlaıdy Aqordanyń baspasóz qyzmeti.
Álim Dáýrenuly Baıel – 1984 jylǵy 16 qańtarda dúnıege kelgen. Taıaý Shyǵys tehnıkalyq ýnıversıtetin (Ankara q., Túrkıa) bıznes-ákimshilik mamandyǵy boıynsha támamdaǵan. Djordj Vashıngton ýnıversıtetiniń (Vashıngton q., AQSH) memlekettik basqarý salasyndaǵy magıstratýrasyn bitirgen. «Bolashaq» baǵdarlamasynyń túlegi.
Qazaqstan Respýblıkasy Prezıdenttik jastar kadr rezerviniń quramynda.
2008–2012 jyldary jekemenshik sektorda jumys istegen.
2012–2014 jj. – Túrkitildes memleketter yntymaqtastyq keńesiniń sarapshysy.
2014–2015 jj. – Túrki akademıasynyń halyqaralyq qatynastar ortalyǵynyń dırektory.
2016 j. – QR Memlekettik qyzmet isteri mınıstrliginde halyqaralyq yntymaqtastyq basqarmasynyń basshysy.
2016–2018 jj. – QR Memlekettik qyzmet isteri jáne sybaılas jemqorlyqqa qarsy is-qımyl agenttiginde halyqaralyq yntymaqtastyq basqarmasynyń basshysy, strategıalyq ázirleý basqarmasynyń basshysy.
2018–2020 jj. – Qazaqstannyń Túrkıadaǵy Elshiliginiń saıası máselelerge jaýapty birinshi hatshysy.
Qazaqstannyń Ázerbaıjandaǵy Elshisi bolyp taǵaıyndalǵanǵa deıin Ystanbuldaǵy QR Bas konsýly bolyp qyzmet atqardy.
II cynypty Tótenshe jáne Ókiletti Ýákil dıplomatıalyq dárejege ıe.
Sondaı-aq Memleket basshysynyń Jarlyǵymen Serjan Oralbaıuly Ábdikárimov Qazaqstan Respýblıkasynyń Ázerbaıjan Respýblıkasyndaǵy Tótenshe jáne Ókiletti Elshisi laýazymynan bosatyldy.
