3،9 جىلدا ۇلتتىق ۇلان قاتارىندا 11 سارباز قازا تاپقانىن. بۇل تۋرالى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى قايرات ۇمبەتوۆ ءمالىم ەتتى، دەپ حابارلايدى Ulys.
«AMANAT» پارتياسى جانىنداعى جاستاردى قولداۋ جونىندەگى رەسپۋبليكالىق كەڭەستىڭ كەزەكتى وتىرىسىندا بايانداما جاساعان ۇمبەتوۆ ءوز سوزىندە سوڭعى ءۇش جىل مەن 2024 جىلدىڭ 9 ايىندا ۇلتتىق ۇلان قاتارىندا 58 اسكەري قىزمەتشى قازا تاپقانىن، ءبىراق، ونىڭ ءبارى سارباز ەمەس جانە جۇمىستا قازا تاپپاعانىن ايتتى.
«ۇلتتىق ۇلان قاتارىندا سوڭعى ءۇش جىل مەن 2024 جىلدىڭ 9 ايىندا 58 اسكەري قىزمەتشى قازا تاپقان بولسا، ونىڭ ىشىندە ساربازدار سانى 11 ادام. قالعاندارى – وفيسەرلەر مەن كەلىسىمشارت بويىنشا جۇمىس ىستەيتىن اسكەري ادامدار»، - دەگەن ول ولاردىڭ قالاي جانە نەدەن كوز جۇماتىنىن ءتۇسىندىردى.
ۇمبەتوۆ ايتقانداي، 2022 جىلى ەكى سارباز قاڭتار وقيعاسى كەزىندە قازا تاپقان. ءبىر سارباز، ياعني، الماتى قالاسىندا ورنالاسقان 5574 اسكەري ءبولىمىنىڭ ساربازى الماز شاحيموۆ ۇلتتىق ۇلاننىڭ اۋەل باستا بەرگەن مالىمەتى بويىنشا ۇستىنە شاتىر قۇلاپ قازا تاپقان.
الايدا، اناسى ونىڭ سۇيەگىن قازىپ الىپ، زەرتتەۋ جۇرگىزگەندە، ۇلىنىڭ دەنەسىنە الدەكىمدەر پىشاق سۇققانىن جانە تەمەكى ىزدەرى بارىن انىقتاعان.
«تاعى ەكى اسكەري قىزمەتكەر جول اپاتىنان قازا تاپتى. ياعني، وزدەرى دەمالىپ جۇرگەندە نەمەسە جۇمىستان تىس ۋاقىتتا جول اپاتىنان قازا تاپقاندار»، - دەدى ول.
ۇمبەتوۆتىڭ سوزىنە سەنسەك، 3،9 جىل كەزىندە ۇلتتىق ۇلاننىڭ قاتارىنداعى 29 اسكەري قىزمەتشى اۋرۋدان قازا تاپقان.
«ولاردىڭ ىشىندە سولدات بولىپ قازا تاپقانى 4 ادام. ياعني، اسكەرگە كەلگەن ءتورت ادام دەنساۋلىعى جارىمسىز بولىپ اۋرۋدان قازا تاپقان. تاعى ءبىر اسكەري قىزمەتشىنى توق ۇرىپ قازا تاپتى. بيىل ءبىر اسكەري قىزمەتشى دەمالىسى كەزىندە قايتىس بولدى. وسىلايشا، وسى 58 فاكتىنىڭ ىشىندە 2021 جىلى 5 سولدات، 2022 جىلى – 4 سولدات، 2023 جىلى - ءبىر سولدات قازا تاپسا، 2024 جىلى توعىز اي ىشىندە قازا تاپقان سولداتىمىز جوق. بۇنى مەنىڭ رەسمي مالىمدەم دەپ قابىلداڭىزدار»، - دەدى وتىرىستا ول.
بۇعان دەيىن حابارلاعانداي، ءتورت جىل ىشىندە ۇلتتىق ۇلانعا جانە وزگە دە اسكەري قۇرامالارعا بورىشىن وتەۋگە بارعان 310 سارباز كوز جۇمعان.
