الماتىدا 2025 جىلى ۇزىندىعى 5،7 كم، اۋماعى 23،4 گا بولاتىن ۇلكەن الماتى وزەنىنىڭ جاعالاۋىن كورىكتەندىرۋ جۇمىستارى باستالادى.

2025–2027 جىلدارعا ارنالعان ءتيىستى بيۋدجەت جوباسى الداعى ءماسليحات سەسسياسىندا قارالادى. بۇل تۋرالى قالالىق ءماسليحاتتىڭ باسپا ءسوز قىزمەتى حابارلادى.

جوباعا بەتوندى تىرەك قۇرىلىمدارىن جاڭارتۋ، جاياۋ جۇرگىنشىلەر مەن ۆەلوسيپەد جولدارىن سالۋ، كوپىرلەر ورناتۋ، جارىقتاندىرۋ تىرەكتەرىن، بەينەباقىلاۋ كامەرالارىن، بالالار مەن سپورت الاڭدارىن، دەمالىس ايماقتارىن جانە مودۋلدىك قوعامدىق دارەتحانالاردى ورنالاستىرۋ كىرەدى. سونىمەن قاتار، اۋماقتى كوگالداندىرۋ جانە قاراۋ الاڭدارىن جاساۋ كوزدەلگەن.

ايتا كەتسەك، 2024 جىلى الماتىنىڭ الاتاۋ اۋدانىندا بورالداي وزەنى بويىنداعى 24 گەكتار اۋماقتى قامتيتىن جاسىل ايماقتى كورىكتەندىرۋ اياقتالعان بولاتىن. بۇل جەردە جاياۋ جۇرگىنشىلەرگە ارنالعان كوپىر، سكەيتپارك، بالالار مەن سپورت الاڭدارى، ورىندىقتار، قوقىس جاشىكتەرى جانە مودۋلدىك دارەتحانالار ورناتىلدى. مۇنداي جوبالاردىڭ تاجىريبەسى كورسەتكەندەي، كورىكتەندىرىلگەن جاعالاۋلار مەن جاسىل ايماقتار تۇرعىنداردىڭ سۇيىكتى دەمالىس ورنىنا اينالىپ، قالالىق ورتانىڭ ساپاسىن ارتتىرادى.

الماتى وبلىسىنىڭ اكىمى مارات سۇلتانعازييەۆ ورتالىق كوممۋنيكاسيالار قىزمەتىندە وتكەن بريفينگتە شەرزات پولاتتىڭ وتباسىنا ءۇي سالىپ بەرەتىن مەسەناتتار بار ەكەنىن ايتتى، دەپ حابارلايدى Ulys OKق سىلتەمە جاساپ.

«ارينە، بۇل وتباسىنىڭ ءۇي ماسەلەسى، كومەك بەرۋ ماسەلەسىنە قاتىستى مالىمەت بەرگەنمىن. ءبىزدىڭ اۋدان، اۋىل اكىمدىكتەرى، كەيىن ءوزىمىزدىڭ قۇرىلىمدار ولارمەن (شەرزات پولاتتىڭ وتباسىمەن) تولىق بايلانىستا. ءتيىستى كومەگىن مەملەكەتتىك ەمەس ۇيىمدار، مەسەناتتار ارقىلى كورسەتتىك. ءقازىر مەسەناتتار مەن دەمەۋشىلەرىمىز ءۇي سالۋعا دايىن. ەگەر يەلەرى ارتىنان ماقۇلداپ جاتسا، جۇمىسقا كىرىسۋگە دايىنبىز. ءقازىر ءبىز ولارعا ۇسىندىق. قىس مەزگىلى كەزىندە ءۇيدىڭ ءتيىستى قۇجاتتارىن دايىنداپ الايىق دەگەن»، - دەيدى سۇلتانعازييەۆ.

وسىعان دەيىن وبلىس اكىمى تالعارداعى جاعدايعا بايلانىستى حالىقتى سابىرعا شاقىرعان بولاتىن.

بۇعان دەيىن شەرزات پولاتتىڭ اكەسى قارجاۋباي نۇرىموۆتىڭ ۇستىنەن نۇرعانات عايىپبايەۆتى جەرلەۋ راسىمىندەگى ارەكەتى ءۇشىن قىلمىستىق ءىس قوزعالعان ەدى.

مەملەكەت باسشىسى قاسىم-جومارت توقايەۆ جەتىسۋ وبلىسىنا ساپارى بارىسىندا ۇشتوبە قالاسىندا ورنالاسقان كەمەل توقايەۆ اتىنداعى ورتا مەكتەپكە باردى، دەپ حابارلايدى اقوردا.

قاسىم-جومارت توقايەۆقا مەكتەپ ديرەكتورى ءلاززات يسپانوۆا وقۋشىلاردىڭ جەتىستىكتەرى تۋرالى ايتىپ، جازۋشى مۇراجايىمەن تانىستىردى.

1997 جىلى قۇرىلعان مۋزەيگە قالامگەردىڭ تۇتىنعان زاتتارى، فوتوسۋرەتتەرى، قۇجاتتارى مەن كىتاپتارى قويىلعان. پرەزيدەنتكە جازۋشىنىڭ ءومىرى مەن شىعارماشىلىعىنا ارنالعان زياتكەرلىك ويىن جانە پوۆەستەرىنىڭ جەلىسى بويىنشا شاعىن قويىلىم كورسەتىلدى.

سونداي-اق مەملەكەت باسشىسىنا «كەمەل توقايەۆ اتىنداعى قايىرىمدىلىق قورى» اتقارعان جۇمىستار جونىندە باياندالدى. بيىل قوردىڭ قۇرىلعانىنا 15 جىل تولىپ وتىر.