ۆاليۋتا باعامى
  • USD -

    454.5
  • EUR -

    488
  • RUB -

    5.03
قازاقستاندىق سپورتتىق گيمناستيكادان ازيا چەمپيونى اتاندى
17 مامىر 2024
قازاقستاندىق سپورتتىق گيمناستيكادان ازيا چەمپيونى اتاندى

سپورتتىق گيمناستيكادان ازيا چەمپيوناتىندا قازاقستاندىق ميلاد كاريمي كۇمىس مەدال جەڭىپ الدى. 

ۇلتتىق وليمپيادا كوميتەتىنىڭ مالىمەتىنشە، كاريمي كوپسايىستان 84.632 ۇپاي جيناپ، جالپى ەسەپتە ەكىنشى ورىنعا تابان تىرەگەن.

التىن مەدالدى الەم چەمپيوناتىنىڭ بىرنەشە دۇركىن جۇلدەگەرى، فيليپپيندىك كارلوس يۋلو ەنشىلەدى.

وزبەكستاندىق ابدۋللا ازيموۆ 82.431 ۇپايمەن ءتۋرنيردىڭ قولا مەدالىن يەلەنىپ قانا قويماي، پاريج وليمپياداسىنا جولداما الدى.

كاريمي دە، يۋلو دا جولداما ماسەلەسىن شەشىپ قويعاندىقتان، كۆوتا وزبەك گيمناستىنا بەرىلەدى.

قازاقستاندىق دميتريي پاتانين 79.598 ۇپايمەن كوپسايىستا جۇلدەگە ىلىگە الماي، تيىسىنشە، وليمپياداعا ىرىكتەۋدەن وتكەن جوق.

ەسكە سالا كەتەيىك، ميلاد كاريمي ازيا چەمپيوناتىندا كوپسايىستان كۇمىس مەدال الۋ ارقىلى تاريحي جەتىستىكتى تىركەپ وتىر.

بۇعان دەيىن وتاندىق گيمناستار جەكەلەگەن سناريادتاردا جۇلدە العانىمان، قۇرلىق دوداسىندا كوپسايىس قورىتىندىسى بويىنشا تۇعىرعا شىقپاعان.

تاشكەنتتەگى ازيا بىرىنشىلىگىندە پاريج وليمپياداسىنىڭ جولداماسىن العان ناريمان كۋربانوۆ تا ب ا ق سىنايدى.

RELATED NEWS
ۇلتتىق سپورت تۇرلەرى قاۋىمداستىعىنا ۆيسە-پرەزيدەنت تاعايىندالدى
05 جەلتوقسان 2019
ۇلتتىق سپورت تۇرلەرى قاۋىمداستىعىنا ۆيسە-پرەزيدەنت تاعايىندالدى

قۋانىش قۇراشيەۆ قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ ۆيسە-پرەزيدەنتى – «تەڭگە ءىلۋ» فەدەراسياسىنىڭ پرەزيدەنتى قىزمەتىنە تاعايىندالدى.

 

قۋانىش نۇرالى ۇلى 1984 جىلى 23 قازاندا دۇنيەگە كەلگەن.

قازاق مەملەكەتتىك زاڭ اكادەمياسىن، ەكونوميكا جانە قۇقىك اكادەمياسىن، اباي اتىنداعى قازاق ۇلتتىق پەداگوگيكالىق ۋنيۆەرسيتەتىن، رەسەي فەدەراسياسى پرەزيدەنتىنىڭ جانىنداعى حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.

يۋريسپرۋدەنسيا ماگيسترى، زاڭ عىلىمىنىڭ كانديداتى.

ەڭبەك جولىن 2003 جىلى الماتى قالاسىندا «سلوۆكازستروي» ج ش س باستاعان.

ءار جىلدارى قازاقستان رەسپۋبليكاسى جوعارعى سوتى، قازاقستان رەسپۋبليكاسى ادىلەت مينيسترلىگى، قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتىندە جاۋاپتى قىزمەتتەر اتقارعان. قازىرگى تاڭدا قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىگىندە جاۋاپتى قىزمەتتە . جەكە سەكتوردا دا ەڭبەك تاجىريبەسى مول.

قازاقستان فۋتبول قۇراماسىنىڭ باس باپكەرى قىزمەتىنەن كەتتى
31 مامىر 2024
قازاقستان فۋتبول قۇراماسىنىڭ باس باپكەرى قىزمەتىنەن كەتتى

قازاقستان فۋتبول فەدەراسياسىنىڭ پرەزيدەنتى ادىلەت بارمەنقۇلوۆ فۋتبول ۇيىندە قازاقستان ۇلتتىق قۇراماسىنىڭ جاتتىقتىرۋشىلار شتابىمەن كەزدەسۋ وتكىزدى، دەپ حابارلايدى Ulys.

باس باپكەر ماگومەد ادييەۆ مۇنداي شەشىمدى وتباسىلىق جاعدايىنا بايلانىستى قابىلداعانىن العا تارتىپ، قىزمەتىنەن كەتتى.

قفف مۇنداي باعىتقا دا دايىن بولدى جانە كەلەسى اپتانىڭ باسىندا جاڭا باپكەردى تاڭدايدى.

ايتا كەتەيىك، ماگومەد ادييەۆ فۋتبولدان قازاقستان ۇلتتىق قۇراماسىنىڭ تىزگىنىن 2022 جىلدىڭ ءساۋىر ايىندا ۇستاعان ەدى. ول سوڭعى كەزدەرى شەشەنستاننىڭ «احمات» كلۋبىن قوسا جاتتىقتىرىپ ءجۇردى.

ب ا ق وكىلدەرى اراسىندا شاعىن فۋتبولدان تۇڭعىش رەت ق ر پرەزيدەنتىنىڭ جۇلدەسى ءۇشىن تۋرنير ءوتتى
30 تامىز 2019
ب ا ق وكىلدەرى اراسىندا شاعىن فۋتبولدان تۇڭعىش رەت ق ر پرەزيدەنتىنىڭ جۇلدەسى ءۇشىن تۋرنير ءوتتى

كونستيتۋسيا كۇنىنە وراي تۇڭعىش رەت ب ا ق وكىلدەرى اراسىندا قازاقستان رەسپۋبليكاسى پرەزيدەنتىنىڭ جۇلدەسى ءۇشىن شاعىن فۋتبولدان  رەسپۋبليكالىق تۋرنير بولىپ ءوتتى.

ءتۋرنيردىڭ اشىلۋ سالتاناتىنا ق ر مادەنيەت جانە سپورت ءمينيسترى اقتوتى رايىمقۇلوۆا، نۇر-سۇلتان قالاسىنىڭ اكىمى التاي كۇلگىنوۆ پەن ق ر پرەزيدەنتىنىڭ ءباسپاسوز-حاتشىسى بەرىك ءۋالي قاتىسىپ، جارىسقا قاتىسۋشىلاردى اتا زاڭ مەرەكەسىمەن قۇتتىقتاپ، ساتتىلىك تىلەدى. «استانا-ارەنا» ستاديونىندا وتكەن جارىسقا ەلىمىز بويىنشا 32  كوماندا قاتىستى. تارتىستى وتكەن دودادا باس جۇلدەنى  اقتىق سىندا قارسىلاستارى "Qazsport " كومانداسىن 5-1 ەسەبىمەن ۇتقان «حابار» ارناسى جەڭىمپاز اتانىپ، 1،5 ملن تەڭگەنى قانجىعاعا بايلادى. ەكىنشى ورىن العان "Qazsport" 700 مىڭ تەڭگە، ال ءۇشىنش ورىن العان  «حابار24» كومانداسىنا 300 مىڭ تەڭگە بۇيىردى. سونىمەن قاتار، «ۇزدىك قاقپاشى»، «ۇزدىك شابۋىلشى»، «ۇزدىك قورعاۋشى»، «ۇزدىك سۇرمەرگەن» جانە «ۇزدىك ويىنشى» اتالىمدارى بويىنشا دارالانعاندار 100 مىڭ تەڭگە كولەمىندەگى اقشالاي سىيلىقپەن ماراپاتتالدى. جالپى جارىستىڭ جۇلدە قورى- 3 500 000تگ بولدى.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.