“ازاماتتىق ۇشاق رەسەي اۋماعىندا، گروزنىي قالاسىنىڭ ماڭىندا سىرتتان زاقىمدانىپ، ءىس جۇزىندە باسقارۋدان ايىرىلعان. ءبىز سونىمەن بىرگە ۇشاقتى راديوەلەكتروندى كۇرەس قۇرالدارى ارقىلى باسقارا المايتىنداي جاعدايعا جەتكىزگەنىن دە بىلەمىز. بۇل ۇشاققا كەلتىرىلگەن العاشقى زاقىم” دەدى الييەۆ ازەربايجان تەلەارناسىنا بەرگەن سۇحباتىندا. 

ول اتقىلاۋدىڭ سالدارىنان ۇشاقتىڭ ارتقى بولىگى قاتتى زاقىمدانعانىن ايتتى. 

ونىڭ سوزىنشە، تۇپكىلىكتى قورىتىندى قارا جاشىكتى اشقاننان كەيىن بەلگىلى بولادى. ازەربايجان پرەزيدەنتىنىڭ سوزىنشە، ۇشاقتى قاساقانا اتقىلاماعان.

الييەۆ سونىمەن بىرگە "قانداي دا ءبىر گاز باللونى جارىلدى" دەپ مالىمدەگەن رەسەي بيلىگى كىناسىن مويىنداپ، ازەربايجاننان كەشىرىم سۇراۋدىڭ ورنىنا "ماسەلەنى جاسىرۋعا" تىرىستى دەدى.

“رەسەيدىڭ رەسمي قۇرىلىمدارىنىڭ قانداي دا ءبىر گاز باللونى جارىلعانى جونىندە بولجامدى العا تارتۋى ءبىزدىڭ كوڭىلىمىزدى قالدىردى ءارى تاڭعالدىردى. ياعني، رەسەي جاعى ماسەلەنى جاسىرعىسى كەلەتىنىن ايقىن كورسەتتى جانە بۇل ارينە، ابىروي اكەلەتىن نارسە ەمەس” دەدى الييەۆ. 

باكۋ-گروزنىي رەيسىن ورىنداعان Embraer 190 جولاۋشىلار ۇشاعىنىڭ اپاتقا ۇشىراۋىنا بايلانىستى 26 جەلتوقساندا ازەربايجاندا ازا تۇتۋ كۇنى جاريالاندى، دەپ حابارلايدى اzertag اگەنتتىگى.

ازەربايجان رەسپۋبليكاسىنىڭ پرەزيدەنتى يلحام الييەۆ ءتيىستى جارلىققا قول قويدى.

ەسكە سالايىق، بۇگىن باكۋدەن گروزنىيعا بەت العان «ازەربايجان اۋە باعىتتارى» كومپانياسىنا تيەسىلى ۇشاق اقتاۋ ماڭىندا قۇلاپ ءتۇستى. بورتتا 37 ءازىربايجان، 6 قازاقستان، 3 قىرعىزستان، 16 رف ازاماتى بولعان. ازىرگە 28 ادام امان قالعانى ايتىلۋدا.

ازەربايجاننىڭ قازاقستانداعى مادەنيەت كۇندەرىنە وراي وتكەن گالا-كونسەرتكە مىڭعا جۋىق ادام قاتىستى، دەپ حابارلايدى Ulys مادەنيەت جانە اقپارات مينيسترلىگىنە سىلتەمە جاساپ.

ازەربايجاننىڭ قازاقستانداعى مادەنيەت كۇندەرى ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىندا وتكەن گالا-كونسەرتپەن قورىتىندىلاندى. اۋقىمدى ءىس-شاراعا مىڭعا جۋىق كورەرمەن - شىعارماشىلىق زيالى قاۋىم، ۆەدومستۆولىق باعىنىستى ۇيىمدار وكىلدەرى، سونداي-اق ەلوردا تۇرعىندارى مەن قوناقتارى جينالدى.

سونداي-اق كونسەرتكە ق ر مادەنيەت جانە اقپارات ءمينيسترى ايدا بالايەۆا مەن ازەربايجان رەسپۋبليكاسىنىڭ مادەنيەت ءمينيسترى اديل كەريملي قاتىستى.

ساحنادا ازەربايجاننىڭ حالىق ارتىستەرى سامير دجافاروۆ، اليحان سامەدوۆ، تۋنزاليا اگايەۆا، ازەر زەينالوۆ، گۋلياز مامەدوۆا، ازەربايجاننىڭ ەڭبەك سىڭىرگەن ارتىستەرى راشاد يلياسوۆ، لالا مامەدوۆا جانە باسقا دا تانىمال ونەرپازدار ونەر كورسەتتى. ءىس-شارادا قازاقستان مادەنيەتىن قازاقستاننىڭ ەڭبەك سىڭىرگەن ءارتىسى الىشەر كارىموۆ پەن حالىقارالىق جانە رەسپۋبليكالىق بايقاۋلاردىڭ لاۋرەاتى اياۋلىم قاجىمۇحان قىزى جۋمكەنوۆا تانىستىردى.

كونسەرت بارلىق قاتىسۋشىلاردىڭ قازاقستان مەن ازەربايجان اراسىنداعى مادەني بىرلىك پەن دوستىقتىڭ سيمۆولىنا اينالعان مۋسليم ماگومايەۆتىڭ ايگىلى «ازەربايجان» ءانىن ورىنداۋىمەن اياقتالدى.

ايتا كەتەيىك، 24-26 قىركۇيەك ارالىعىندا قازاقستاندا ازەربايجاننىڭ مادەنيەت كۇندەرى ءوتتى. ونىڭ اياسىندا استانادا كىتاپتاردىڭ تۇساۋكەسەرى، ەتنو-دجاز كونسەرتى، ەكى ەلدىڭ ۇلتتىق كىتاپحانالارى اراسىنداعى مەموراندۋمعا قول قويۋ، سونداي-اق «ازەربايجان ونەرىنىڭ ءىنجۋ-مارجاندارى» كورمەسىنىڭ اشىلۋى جانە ازەربايجان مەملەكەتتىك بي ءانسامبلىنىڭ كونسەرتى ءوتتى. 

2023 جىلدىڭ جەلتوقسان ايىندا باكۋدە قازاقستاننىڭ ازەربايجانداعى مادەنيەت كۇندەرى جوعارعى دەڭگەيدە ءوتىپ، ەكى مەملەكەت اراسىنداعى مادەني بايلانىستى نىعايتۋداعى ماڭىزدى قادام بولعان ەدى.