Zımbabveniń qorshaǵan ortany qorǵaý mınıstrligi elde pil tym kóbeıip ketti dep málimdep, olardy óltirip jatyr, dep habarlaıdy BILD basylymy.
Zımbabve bıligi bıyl 200 pili atyp óltirmek. Bul tez ósip kele jatqan pilder popýlásıasyn baqylaýǵa kómektesedi, sonymen qatar tótenshe qurǵaqshylyqtyń saldaryn joıýǵa sebepshi bolmaq.
Zımbabvede barlyǵy 100 myńǵa jýyq pil mekendeıdi, el osy janýarlardyń sany boıynsha Botsvanadan keıingi ekinshi orynda.
Zımbabvede pilder sońǵy ret 1988 jyly atylǵan.
Buǵan deıin Namıbıa sońǵy onjyldyqtaǵy eń aýyr qurǵaqshylyq saldarynan 700 jabaıy janýardyń, onyń ishinde pilder men sýsıyr joıylatynyn málimdegen. Namıbıanyń qorshaǵan ortany qorǵaý mınıstrligi 160-qa jýyq janýardyń óltirilgenin habarlady.
