Ulys atalǵan kompanıanyń málimdemesin tolyq jarıalaıdy.
***
Qyzmetkerlerdiń zańsyz ereýilge shyǵýyna baılanysty kompanıa kún saıyn mıllıondaǵan qarjyǵa shyǵynǵa batýda, bul somma búgingi tańda 1 mıllıard teńgeden asty. Osyǵan deıin habarlanǵandaı, jumys oryndaryna oralǵysy kelmeıtin qyzmetkerlerdi sottyń sheshimimen jumystan bosatýyna kompanıanyń tolyq quqy bar. Jumysqa shyqpaǵandardyń basym bóligi muny óz qalaýynsyz, destrýktıvti elementterdiń qysymymen jasap jatqandaryn jaqsy bilemiz.
Al, ishki túısigine senip, jumysqa oralǵan azamattarǵa rızashylyǵymyzdy bildiremiz. (Olardyń sany 120). Biz kompanıamyzdyń qarjylyq turaqtylyǵyn nyǵaıtyp, sizderdiń eńbek jaǵdaılaryńyzdy jaqsartyp, eńbekaqylaryńyzdy turaqty jáne ýaqytyly alýlaryńyz úshin bar kúshimizdi salamyz dep sendirgimiz keledi.
Kásiporynnyń jabdyqtaryn jáne tehnıkasyn jańartý prosesi júrip jatyr. Tehnıkaǵa arnalǵan jańa jyly boksterdin qurylysyn bastap, eńbek jaǵdaıyn jaqsartý isi josparlanýda.
Óz mindetterin oryndaý úshin jumysqa oralǵan qyzmetkerlerimiz kompanıanyń qazirgi jaǵdaıyn túzetýge zor úlesterin qosýda. Qalǵan azamattardy da qatarǵa qosylyp, birneshe jyl eńbek etken ujymyna, óz jumystaryna oralýǵa shaqyramyz. Biz zań aıasynda qazirgi oryn alǵan jaǵdaıdan birge shyǵýdyń jolyn qarastyrýymyz kerek.
Sondaı-aq, búgingi tańda jańa qyzmetkerlerdi jumysqa qabyldaýǵa ishki daıyndyq jumystarynyń bastalǵanyn habarlaımyz.
Durys tańdaý jasaıtyndaryńyzǵa senemiz jáne zańsyz áreketter jasaǵandar úshin jaýapkershiliktiń bar ekenin eskertemiz.
***
Eske salsaq, bul týraly biz birneshe aqparat bergen edik.
