24 aqpanda Pýtın Donbasta arnaıy operasıa bastaýǵa buıryq berdi. Sol kúni tańǵa jaqyn Ýkraınanyń keıbir qalalarynda jarylys bolǵany habarlandy. Soǵystyń bolyp jatqanyna 8 kún boldy.
Álemniń kóptegen elderi ýkraın halqymen birge Reseı basqynshylǵyna qarsy turdy.
Ýkraınadaǵy basqynshylyqqa qarsy qandy soǵys jalǵasyp jatyr. Qazirgi kezde qaza bolǵandar sany kún sanap ósýde. Onyń naqty aıtý qıyn. Qaza bolǵandar arasynda áskerılermen birge, beıbit turǵyndar men balalar bar.
Kún saıyn Ýkraınanyń ondaǵan aımaǵynda áýe dabyly qaǵylady. Kıev, Harkov sekildi birqatar qalaǵa shabýyl jasaldy. Qalanyń kóptegen ınfraqurylymy búlindi, turǵyn úıler qırap qaldy.
Qazirgi kezde Ýkraınanyń kóptegen qalalary qorshaýda qalǵan. Azyq-túlik jáne qajetti zattar qory taýsylǵan. Muny eki tarap ta rastap otyr.
Ýkraına men Reseı tarapynan da qaza tapqandar kóp. Ýkraına Reseıdiń 9 myń sarbazyn jer jastandyrdyq dep otyr. Al Reseı tarapy shyǵyn bar dep naqty sıfrdy aıtpaı keldi. Tek 2 naýryzda ǵana Reseı qorǵanys mınıstrligi alǵash ret qaza tapqan sarbazdarynyń sanyn aıtty. Resmı taratqan málimet boıynsha, Ýkraınada 498 reseılik sarbaz opat bolyp, 1957 sarbaz jaraqat alǵan.
Reseı men Ýkraına arasyndaǵy kelissózderdiń birinshi jáne ekinshi raýndy Belarýs aýmaǵynda ótti. Biraq nátıjesi joq. Tek keshe ótken kelissózderdiń ekinshi kezeńinde taraptar gýmmanıtarlyq dáliz ashýǵa kelisim jasaǵan.
BUU soǵys bastalǵaly Ýkraınadan 1 mıllıonǵa jýyq adam shetelge bas saýǵalap ketkenin aıtty.
Álemniń damyǵan elderi Reseıge jan-jaqtan sanksıa salyp jatyr. Kóptegen elder áýe qatynasyn toqtatty. Reseı rýbli tarıhta bolmaǵan jaǵdaıda qunsyzdanýda.
Sonymen qatar Ýkraınaǵa ıadrolyq qaýip týdy. Búgin tańda Reseı áskeri Zaporoje atom elektr stansıasyn atqylaǵannan keıin stansıadaǵy energoblok pen oqý-jattyǵý korpýsynda órt bastalǵan. Ýkraına tótenshe jaǵdaı qyzmeti úshinshi energobloktyń birtutas energojúıeden ajyratylǵanyn habarlady.
Aıta ketsek, Zaporoje atom elektr stansıasy Eýropadaǵy eń iri stansıa bolyp sanalady.
