Qazaqstan Respýblıkasy Aqparat jáne qoǵamdyq damý mınıstri Dáýren Abaevtyń buıryǵymen belgili jýrnalıs Erjanar Ásheıhan «Qazaqstan» RTRK» AQ Basqarma Tóraıymynyń orynbasary-Qoǵam Basqarmasynyń múshesi laýazymyna saılandy.

Erjanar Ásheıhan buǵan deıin «Qazaqstan» RTRK» aımaqtyq habar taratýdy damytý departamentiniń dırektory bolyp qyzmet atqaryp kelgen bolatyn.                                                                                                                                                            Ol eńbek jolyn 2003 jyly «Era» telekompanıasy» JSHS-da reporter qyzmetinen bastaǵan.

2006 jyldan beri «Qazaqstan» RTRK» AQ jumys istep keledi.   

2012 - 2015 jyldar aralyǵynda «Qazaqstan» Korporasıasynyń Almaty qalasyndaǵy fılıalynda baǵdarlamalar óndirisi jónindegi shyǵarmashylyq birlestiktiń shef-redaktory, atqarýshy prodúseri qyzmetterin atqardy.

2017 jyldyń qarashasynan aımaqtyq habar taratýdy damytý departamentiniń dırektory qyzmetinde jumys istedi. BBC qory jarıalaǵan "Ortalyq Azıadaǵy ana men bala ólimi" taqyrybyndaǵy telebaıqaýdyń, 2014 jyly Ázirbaıjan astanasy Baký qalasynda ótken "TEFI-Dostastyq" halyqaralyq baıqaýynyń laýreaty. Ónertaný magıstri. Qazaq televızıasynyń 60 jyldyǵyna arnalǵan "Eldıdar" kitabynyń soavtory.

Tanymal jýrnalıs, syıly ustaz  Meıramhan Jápek búdan bylaı Mádenıet jáne sport mınıstrliginiń "Internet jobalary jáne SMM qyzmeti" bólimin basqarady.

Meıramhan Saǵynqyzy ınternet tilin alǵash meńgerip, kóptegen saıttardyń dúnıege kelip, damýynda ózindik qoltańbasy bar belgili maman. Uzaq jyldar boıy ustazdyqtyń syrtynda qazaq aqparat naryǵyn sapaly aqparatpen tolyqtyrý jolynda eren eńbek etip keledi.  Meıramhan Jápek  1972 jyly Jambyl oblysy, Qordaı aýdany Qarasý aýlynda dúnıege kelgen. Ál Farabı atyndaǵy QazUÝ-dyń jýrnalısıka fakúltetin jýrnalısıka mamandyǵy boıynsha bitirgen. Atalǵan oqý ornynyń magıstratýrasyn da támamdaǵan. Biraz jyl  E.A. Bóketov atyndaǵy QarMÝ-da ustazdyq etip, birtalaı shákirtti jýrnalısıkaǵa baýlydy. Keıin astanaǵa qonys aýdaryp  «Qazaqstan» RTRKnyń Internet jobalar bóliminiń basshysy boldy. Oǵan deıin  2001-2007 jyldar aralyǵynda shyqqan www.arka.medialaw.kz saıtynyń avtory ári bas redaktory bolǵanyn da aıta ketý kerek. 2004 jyly AWARD-2004 Ulttyq Internet syılyǵyn ıelendi. Qazaqstan Jýrnalıser Odaǵynyń múshesi.

Bilim salasyndaǵy bilikti menedjerlerdiń biri, «Bolashaq» baǵdarlamasynyń túlegi, PhD doktory Aqerke Abylaıhan Óskemen qalasynyń bilim bóliminiń basshysy bolyp taǵaıyndaldy. Resmı aqparatqa súıensek, jańa basshyny ujymyna jáne bilim berý uıymdarynyń dırektorlaryna qala ákimi Jaqsylyq Omar tanystyrǵan.

Aqerke Abylaıhan Shyǵys Qazaqstan oblysynyń týmasy. 1997 jyly «Bıologıa jáne hımıa pánderiniń muǵalimi» mamandyǵy boıynsha Sh.Qudaıbergenov atyndaǵy «Semeı» memlekettik ýnıversıtetin támámdaǵan. 2002-2005 jyldary «Bolashaq» halyqaralyq stıpendıasynyń doktorantýra baǵdarlamasy boıynsha Germanıanyń Hemnıs tehnıkalyq ýnıversıtetinde oqyǵan. Fılosofıa ǵylymdarynyń doktory, PhD-ǵylymdarynyń kandıdaty (Ph.D.) jáne jaratylystaný ǵylymdary boıynsha PhD-doktory (nemis júıesinde).

Eńbek jolyn Semeı memlekettik ýnıversıtetinde ıntern-pedagog retinde bastaǵan. Sodan keıin Ál-Farabı atyndaǵy QazUÝ-da, Hemnıs tehnıkalyq ýnıversıtetinde (Germanıa) ǵylymı qyzmetker bolyp jumys istedi.

2006 jyldan bastap 12 jyl boıy QR bilim jáne ǵylym mınıstrliginde kafedra meńgerýshisi, bilim jáne ǵylym mınıstrliginiń damý strategıasy departamentiniń halyqaralyq baǵdarlamalaryn iske asyrý bóliminiń basshysy, aqparattyq tehnologıalar departamenti dırektorynyń orynbasary jáne halyqaralyq yntymaqtastyq departamenti dırektorynyń orynbasary qyzmetterin, sonymen qatar, «Nur Otan» partıasy saıası basqarý akademıasy dırektorynyń orynbasary laýazymdaryn atqarǵan. Sońǵy jumys orny — Shymkent qalasynyń bilim basqarmasynyń (2018-2019) basshysy.

Aqerke Abylaıhan bilim jáne ǵylym mınıstrliginiń qurmet gramotasymen jáne belgisimen, «Qazaqstan Respýblıkasynyń bilim berý isiniń qurmetti qyzmetkeri», Aýǵanstannyń joǵary bilim mınıstrliginiń Qurmet gramotalarymen, TMD-nyń bilim berý jobalary jónindegi atqarýshy komıtetiniń, SHYU-nyń medalimen marapattalǵan. Osy jyldar aralyǵynda IýNESKO jáne ISESKO isteri jónindegi QR Ulttyq komısıasynyń materıaldyq emes mádenı murany qorǵaý jónindegi ulttyq komıtetiniń múshesi, TMD-nyń bilim berý jobalary boıynsha saraptamalyq tobynyń tóraǵasy, QR SİM-niń resmı damytý jónindegi jumys tobynyń múshesi boldy. 2018 jyly — BUU-nyń áıelder isi jónindegi ǵylymı keńesshisi.

Qazaq tilimen qatar orys, aǵylshyn jáne nemis tilderin erkin meńgergen.