Toqaev Úkimettiń jumysyn jandandyrý qajet ekenin aıtty

Úkimet

Foto: Aqorda 17 qazan 2024

Toqaev Úkimettiń jumysyn jandandyrý qajet ekenin aıtty

Prezıdent Premer-Mınıstr Oljas Bektenovti qabyldady. Qasym-Jomart Toqaevqa 2024 jyldyń úshinshi toqsanyndaǵy áleýmettik-ekonomıkalyq damý kórsetkishteri týraly baıandaldy, dep habarlaıdy Aqorda.

Memleket basshysynyń tapsyrmalaryn júzege asyrý aıasynda ekonomıkany ártaraptandyrý sharalary kúsheıtilgen. Esepti kezeńde shıkizattyq emes sektordy damytý nátıjesinde ishki jalpy ónimniń ósimi 4 paıyzdy qurady. Eń joǵary ósimdi aýyl sharýashylyǵy (11,4%), qurylys (10,1%), kólik (8%), baılanys (6,4%), saýda (6,3%), óńdeý ónerkásibi (4,8%) salalary kórsetken. 14 óńirde óńdeý ónerkásibindegi óndiris kólemi artqan.

Bıylǵy qańtar-tamyz aılarynda syrtqy taýar aınalymy 91,7 mıllıard dollardy qurady, onyń ishinde eksporttyń úlesi 3,3 paıyzǵa kóbeıdi. Oń saýda balansy 34,8 paıyzǵa ósip, 15,4 mıllıard dollarǵa jetti.

Qasym-Jomart Toqaevqa el búdjetine 14,9 trıllıon teńge túskeni týraly málimet berildi. Áleýmettik tólemder búdjet shyǵysynyń negizgi bóligin quraıdy.

Sonymen qatar Memleket basshysyna zańsyz ıelengen aktıvterdi qaıtarý jónindegi tapsyrmalarynyń oryndalý barysy jaıynda aıtyldy. Jyl basynan beri komısıa 450 mıllıard teńgege jýyq aktıvterdi qaıtarý jónindegi kelisimderdi maquldaǵan. Búginde memleketke 265 mıllıard teńgeni quraıtyn aktıvter, sonyń ishinde aqshalaı 177 mıllıard teńge qaıtaryldy. Barlyq qaıtarylǵan qarajat áleýmettik mańyzy zor jobalarǵa jumsalyp jatyr. «Zańsyz ıemdenilgen aktıvterdi memleketke qaıtarý týraly» Zańnyń sýbektileri birqatar jobalardy, atap aıtqanda, muqtaj adamdardy ońaltý jáne áleýmettendirý baǵdarlamalaryn, mádenı-bilim berý ortalyǵy men sporttyq manej qurylysyn qarjylandyrýdy bastady.

Qasym-Jomart Toqaevqa Islamabadta ótken Shanhaı yntymaqtastyq uıymyna múshe memleketterdiń Úkimet basshylary keńesi otyrysynyń qorytyndysy jóninde baıandaldy.

Prezıdent Úkimettiń jumysyn jandandyrý qajet ekenin atap ótti. Bul rette el ekonomıkasyn ártaraptandyrý arqyly onyń turaqty ósimin qamtamasyz etý, shaǵyn jáne orta bıznesti qoldaý, agroónerkásip kesheninde ınovasıany damytý, iri ındýstrıaldyq jáne ınfraqurylymdyq jobalardy júzege asyrý sharalaryn jalǵastyrýdy tapsyrdy.

RELATED NEWS

Úkimet

09 sáýir 2025

Azyq-túlik dúkenderi qosylǵan qun salǵynan bosatylmaq

Premer-mınıstrdiń orynbasary – ulttyq ekonomıka mınıstri Serik Jumanǵarın qandaı qyzmetter men taýarlar qosylǵan qun salyǵynan bosatylatynyn túsindirdi, dep habarlaıdy Ulys.

Onyń aıtýynsha, áleýmettik mańyzy bar azyq-túlik, kitap basyp shyǵarý, arheologıa qosylǵan qun salyǵyn tóleýden bosatylady.

«Áleýmettik salada, densaýlyq saqtaý salasynda Úkimet qosylǵan qun salyǵynan bosatylǵan dári-dármektiń áleýmettik tizimin aıqyndaıdy. Qosylǵan qun salyǵy tek aqyly medısınalyq qyzmetterge salynady. Qosylǵan qun salyǵynyń mólsherlemesi 10% bolady. Áleýmettik saladaǵy korporatıvtik tabys salyǵy 2026 jyldan bastap 5% jáne 2027 jyldan bastap 10% bolady. Al bank operasıalaryna qosylǵan qun salyǵy salynady. Olardyń qymbattaýyna jol bermeý úshin Básekelestikti qorǵaý agenttigi Úkimetpen birlesip qazirgi baǵalardyń durystyǵyna taldaý júrgizedi», - dedi Jumanǵarın Májilistiń jalpy otyrysynda.

Sonymen qatar, arnaýly salyq rejımi boıynsha ruqsat etilgen tizim emes, tyıym salynǵan tizim engiziledi. Tyıym salynbaǵannyń bárine ruqsat etiledi.

Jumanǵarın aýyl sharýashylyǵy taýaryn óndirýshiler úshin bári ózgerissiz qalatynyn atap ótti. Iaǵnı, 70% jeńildik qalady. Al óńdeý ónerkásibine korporatıvtik tabys salyǵynyń 20% mólsherlemesi boıynsha salyq salynady.

Úkimet

06 aqpan 2025

QQS kóterý: Úkimet Májiliske 20 aqpanǵa deıin usynys engizedi

Búgin Senat qabyrǵasynda vıse-premer, ulttyq ekonomıka mınıstri Serik Jumanǵarın qosymsha qun salyǵyn kóbeıtý týraly usynysty Májiliske 20 aqpanǵa deıin engizetinin aıtty, dep habarlaıdy Ulys

Jobany 20 aqpanǵa deıin Májiliske engizýimiz kerek. Qazir Májiliste Salyq kodeksine tolyqtyrýlar engizý týraly zań jobasy jatyr. Soǵan qosymsha retinde bizdiń túzetýler enedi, - dep málim etti ol.

Úkimet

11 naýryz 2025

Qazaqstanda 2,3 myńnan astam ǵylymı joba qarjylandyrylady

Úkimet otyrysynda ǵylym jáne joǵary bilim mınıstri Saıasat Nurbek respýblıkanyń ǵylymı áleýeti týraly baıandady. Bul týraly Úkimettiń baspasóz qyzmeti habarlady.

Ol búgingi tańda elimizdiń ǵylymı áleýeti – 25,5 myń ǵalymdy quraıtynyn, onyń 46%-y 40 jasqa deıingi mamandar ekenin atap ótti. Ǵylym salasynda 425 uıym jumys isteıdi.

«Endi granttyq konkýrstar jyl saıyn ótkiziledi, buryn 3 jylda bir ókiziletin. Sonymen qatar memlekettik qoldaý tetikteri keńeıtildi: postdoktoranttar men jas ǵalymdarǵa granttar, ázirlemelerdi komersıalandyrýdy qarjylandyrý, irgeli ınstıtýttardy tikeleı qarjylandyrý, sheteldik taǵylymdamalar jáne mega-granttar engizildi. Qazirgi ýaqytta 264 ǵylymı-tehnıkalyq baǵdarlama, 2,3 myńnan asa ǵylymı joba jáne 208 komersıalandyrý jobasy qarjylandyrylýda. 1,4 myńnan astam ǵalym shetelde ǵylymı taǵylymdamadan ótti»,

— dedi Saıasat Nurbek.

Mınıstr jas ǵalymdarǵa arnalǵan granttar konkýrstarynyń arqasynda 2 myńnan astam zertteýshi 835 jobany júzege asyrýǵa múmkindik alǵanyn aıtty.

Mınıstr dobavıl, chto blagodará konkýrsam grantov dlá molodyh ýchenyh bolee 2 tys. ıssledovateleı polýchılı vozmojnostrealızovat 835 proektov.

📱 @KZgovernment

Jańalyqtar

13 mamyr 2025