Valúta baǵamy
  • USD -

    515.1
  • EUR -

    576
  • RUB -

    6.33
Toqaev Úkimet basshysyna birqatar tapsyrma berdi
Foto: Aqorda 17 jeltoqsan 2024
Toqaev Úkimet basshysyna birqatar tapsyrma berdi

Memleket basshysy Premer-Mınıstr Oljas Bektenovti qabyldady. Bul týraly Aqorda habarlady.

Qasym-Jomart Toqaevqa ekonomıkalyq ósimdi qamtamasyz etý jáne áleýmettik saıasatty jetildirý boıynsha tapsyrmalarynyń oryndalý barysy týraly baıandaldy.

Oljas Bektenovtiń aıtýynsha, bıylǵy qańtar-qarasha aılarynda jalpy ishki ónimniń ósimi 4,4 paıyzdy quraǵan. Ekonomıkany ártaraptandyrý aıasynda aýyl sharýashylyǵy (13,4 paıyz), qurylys (10,3 paıyz), saýda (8,2 paıyz), kólik (8,1 paıyz), óńdeý ónerkásibi (5,3 paıyz), sonyń ishinde metalýrgıa (7,2 paıyz) jáne mashına jasaý (6,9 paıyz), hımıa ónerkásibi (8,4 paıyz), sondaı-aq aqparat jáne baılanys (5,3 paıyz) salalarynda ósim baıqalǵan.

Bıyl ekonomıkanyń ósimine munaıdan tys salalardyń damýy esebinen qol jetkizildi. Soǵan qaramastan munaıdy ıgerýdiń boljamdy kórsetkishiniń oryndalmaýy ekonomıka damýynyń jalpy qarqynyna áser etti.

Memleket basshysyna otandyq óndirýshilerdi qoldaý jáne tereń óńdeýdi yntalandyrý boıynsha qabyldanǵan sharalardyń nátıjesi jóninde málimet berildi. Atap aıtqanda, óńdelgen taýar eksporty 10,2 paıyzǵa ósip, 23,3 mıllıard dollarǵa jetken. Taýar ımportynyń kórsetkishi 3,3 paıyzǵa kemigen.

Negizgi kapıtalǵa salynǵan ınvestısıa kólemi 3,1 paıyzǵa ulǵaıǵan. Bul oraıda shıkizattyq emes salalarda aıtarlyqtaı ósim bar.

Prezıdentke iskerlik belsendilikti odan ári arttyrý jáne aımaqtardaǵy ómir súrý sapasyn jaqsartý boıynsha jumystardy kúsheıtý jospary tanystyryldy.

Kezdesý sońynda Qasym-Jomart Toqaev óńdeý ónerkásibi, aýyl sharýashylyǵy, qurylys jáne kólik salalaryndaǵy oń dınamıkany saqtaý baǵytyndaǵy jumysty jalǵastyrýdy tapsyrdy. Sondaı-aq ınvestısıa tartý, áleýmettik jáne ınjenerlik ınfraqurylymdy jańǵyrtý, ımport almastyrý jáne áleýmettik mańyzǵa ıe azyq-túliktiń baǵasyn turaqtandyrýdy baqylaý boıynsha birqatar tapsyrma berdi.

RELATED NEWS
Azyq-túlik dúkenderi qosylǵan qun salǵynan bosatylmaq
09 sáýir 2025
Azyq-túlik dúkenderi qosylǵan qun salǵynan bosatylmaq

Premer-mınıstrdiń orynbasary – ulttyq ekonomıka mınıstri Serik Jumanǵarın qandaı qyzmetter men taýarlar qosylǵan qun salyǵynan bosatylatynyn túsindirdi, dep habarlaıdy Ulys.

Onyń aıtýynsha, áleýmettik mańyzy bar azyq-túlik, kitap basyp shyǵarý, arheologıa qosylǵan qun salyǵyn tóleýden bosatylady.

«Áleýmettik salada, densaýlyq saqtaý salasynda Úkimet qosylǵan qun salyǵynan bosatylǵan dári-dármektiń áleýmettik tizimin aıqyndaıdy. Qosylǵan qun salyǵy tek aqyly medısınalyq qyzmetterge salynady. Qosylǵan qun salyǵynyń mólsherlemesi 10% bolady. Áleýmettik saladaǵy korporatıvtik tabys salyǵy 2026 jyldan bastap 5% jáne 2027 jyldan bastap 10% bolady. Al bank operasıalaryna qosylǵan qun salyǵy salynady. Olardyń qymbattaýyna jol bermeý úshin Básekelestikti qorǵaý agenttigi Úkimetpen birlesip qazirgi baǵalardyń durystyǵyna taldaý júrgizedi», - dedi Jumanǵarın Májilistiń jalpy otyrysynda.

Sonymen qatar, arnaýly salyq rejımi boıynsha ruqsat etilgen tizim emes, tyıym salynǵan tizim engiziledi. Tyıym salynbaǵannyń bárine ruqsat etiledi.

Jumanǵarın aýyl sharýashylyǵy taýaryn óndirýshiler úshin bári ózgerissiz qalatynyn atap ótti. Iaǵnı, 70% jeńildik qalady. Al óńdeý ónerkásibine korporatıvtik tabys salyǵynyń 20% mólsherlemesi boıynsha salyq salynady.

QQS kóterý: Úkimet Májiliske 20 aqpanǵa deıin usynys engizedi
06 aqpan 2025
QQS kóterý: Úkimet Májiliske 20 aqpanǵa deıin usynys engizedi

Búgin Senat qabyrǵasynda vıse-premer, ulttyq ekonomıka mınıstri Serik Jumanǵarın qosymsha qun salyǵyn kóbeıtý týraly usynysty Májiliske 20 aqpanǵa deıin engizetinin aıtty, dep habarlaıdy Ulys

Jobany 20 aqpanǵa deıin Májiliske engizýimiz kerek. Qazir Májiliste Salyq kodeksine tolyqtyrýlar engizý týraly zań jobasy jatyr. Soǵan qosymsha retinde bizdiń túzetýler enedi, - dep málim etti ol.

Prezıdent jastar memleketke masyl bolmaý kerek dedi
28 qańtar 2025
Prezıdent jastar memleketke masyl bolmaý kerek dedi

Memleket basshysy Qasym-Jomart Toqaev Úkimettiń jalpy otyrysynda áleýmettik kómekti naqty ıesine jetkizý jaıly aıtty, dep habarlaıdy Azattyq Rýhy.

«Taǵy bir másele – memleket tarapynan beriletin áleýmettik kómektiń naqty ıesine jetýi. Kómek shyn muqtaj adamdarǵa berilýge tıis ekeni qanshama ret aıtyldy. Qazaqstan – shyn máninde áleýmettik memleket. Biraq bul – azamattarymyzdyń, ásirese, óskeleń urpaqtyń eńbek etýge yntasyn azaıtyp, olardy masyldyqqa úıretý degen sóz emes», - dedi Toqaev úkimettiń keńeıtilgen otyrysynda.

Prezıdenttiń aıtýynsha, Qazaqstanǵa kórshi elderden júz myńdaǵan eńbek mıgranty jumys izdep kelip jatyr.

«Olardyń bul áreketin qurmetke laıyq deýge bolady. Sebebi olar otbasyna nápaqa tabý úshin jumys istegisi keledi. Úkimet áleýmettik kómek máselesine kelgende tym saqtyq tanytýda. Desek te, naqty usynystar men ony sheshý joldaryn qaraý qajet. Taǵy bir mańyzdy mindet – turǵyn úı qoryn basqarý júıesin jappaı reformalaý. Qala qurylysyn josparlaýdan bastap, nysandardy paıdalanýǵa berýge deıingi barlyq úderisti sıfrlyq formatqa tolyq kóshirý qajet. Biryńǵaı aqparat júıesin jyl sońyna deıin ázirleý kerek», - dedi Toqaev.

Prezıdent byltyr turǵyn úı qurylysy boıynsha rekordtyq kórsetkishke (19 mln. sharshy metr) qol jetkizilgenin aıtty.  

«Bul – óte jaqsy. Biraq turǵyn úıdiń sanyna emes, sapasyna jáne onyń qoljetimdi bolýyna basa nazar aýdarǵan jón», - dedi ol.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.