Foto: primeminister.kz
Sý tasqynynan keıin 13 myńnan astam qazaqstandyq otbasy memlekettik qoldaýǵa ıe boldy. Bul týraly Úkimettiń baspasóz qyzmeti habarlaıdy.
Elimizde aýqymdy sý tasqynynan zardap shekken azamattarǵa keltirilgen zalaldy óteý prosesi jalǵasýda. Úkimet atalǵan jumysty Memleket basshysy Qasym-Jomart Toqaevtyń tapsyrmasy boıynsha júzege asyrýda. Atyraý, Batys Qazaqstan, Qostanaı, Soltústik Qazaqstan jáne respýblıkanyń basqa da birqatar oblystarynyń turǵyndary arnaıy qurylǵan óńirlik komısıalarǵa tıisti ótinishter berip keledi. Búgingi tańda 22 475 ótinim qabyldandy.
Bıylǵy 29 sáýirdegi jaǵdaı boıynsha 13 259 otbasy 4,8 mlrd teńgeden astam somaǵa 100 AEK mólsherinde birjolǵy tólem aldy. Mal shyǵyny úshin tólenetin ótemaqy kólemi 278 mln teńgege jetti.
Búgingi tańda zardap shekken óńirlerde 3 956 turǵyn úı tekserilip, 2649 nysan boıynsha baǵalaý jumystary júrgizildi.
524 úıde jóndeý jumystaryn júrgizýge 670 mln teńgeden astam qarjy bólindi.
Keltirilgen shyǵyndy óteý jumystary jalǵasýda jáne Úkimettiń qatań baqylaýynda. Prezıdent tapsyrmasy boıynsha zardap shekken azamattardyń barlyǵyna jan-jaqty kómek pen qoldaý kórsetiledi.