Shyǵys Qazaqstan oblysyndaǵy «Ertis» shahtasynda apat bolyp, 4 adam qaza tapty. Bul týraly QR Eńbek jáne halyqty áleýmettik qorǵaý mınıstrligine silteme jasap Ulys habarlaıdy.
«Shahtadan 4 adamnyń máıiti tabyldy. Olardyń ekeýi kásiporynnyń, ekeýi merdiger uıymnyń jumysshylary bolǵan. Aldyn ala derek boıynsha jumysshylar gazdan ýlanyp qalǵan», - dedi KAZ Minerals kompanıasynyń baspasóz qyzmeti.
Eńbek mınıstrliginiń málimetinshe, 4 adam qaza tapqan toptyq jazataıym oqıǵany tekserý úshin arnaıy komısıa quryldy.
«Komısıany Shyǵys Qazaqstan oblysynyń bas memlekettik eńbek ınspektory Batyrbek Qızatov basqarady, onyń quramyna QR TJM Ónerkásiptik qaýipsizdik komıteti men QR DSM Sanıtarlyq-epıdemıologıalyq baqylaý komıtetiniń aýmaqtyq departamentteriniń, jumys berýshiler men jumyskerlerdiń ókilderi kirdi.
Eńbekmıniniń ujymy qaza tapqandardyń týystary men jaqyndaryna qaıǵyryp kóńil aıtady», - delingen mınıstrlik habarlamasynda.
Jazataıym oqıǵa osy jyldyń 31 tamyzynda bolǵan. Saǵat 16.25-te Shyǵys Qazaqstan oblysy Altaı kentinde, «Vostoksvetmet» JSHS Ertis kenishiniń «Ertis» shahtasynda aýysym kezinde belgisiz zatpen ýlaný belgileri bar 4 jumyskerdiń denesi tabyldy.
«Vostoksvetmet» JSHS eki qyzmetkeri:
- uńǵymashy A. B. Baqytov, 1894 j. t.;
- uńǵymashy A. B. Keńesbaev, 1989 j. t.
«Shahtstroı Injınırıń» JSHS merdiger uıymynyń eki qyzmetkeri:
- uńǵymashy A. T. Jaırǵazın, 1978 j. t.;
- uńǵymashy A. K. Qusaıynov, 1983 j. t.
«Vostoksvetmet» JSHS-niń taǵy bir jumyskeri, uńǵymashy A.K. Qambarov aýrýhanaǵa jatqyzyldy.
Komısıa jazataıym oqıǵanyń sebepterin anyqtaıtyn bolady.
