Shyǵys Qazaqstan oblysyna jańa ákim taǵaıyndaldy, dep habarlaıdy Aqorda.
«Memleket basshysynyń Jarlyǵymen Nurymbet Amanuly Saqtaǵanov Shyǵys Qazaqstan oblysynyń ákimi laýazymyna taǵaıyndaldy», - delingen Aqorda habarlamasynda.
Aıta keteıik, osyyǵan deıin SHQO ákimi bolǵan Ermek Kósherbaev úkimet basshysynyń orynbasary bolyp taǵaıyndalǵany habarlanǵan bolatyn.
Nurymbet Saqtaǵanov 1970 jyly Túrkistan oblysynda dúnıege kelgen. Qorqyt Ata atyndaǵy Qyzylorda memlekettik ýnıversıtetin, Máskeý memlekettik ekonomıka, statısıka jáne ınformatıka ýnıversıtetin, S.Amanjolov atyndaǵy Shyǵys Qazaqstan memlekettik ýnıversıtetin bitirgen.
Eńbek jolyn 1992 jyly Qyzylorda oblysynyń Syrdarıa aýdanyndaǵy №172 orta mektepte oqytýshy retinde bastaǵan. Ár jyldary memlekettik qyzmet, sonyń ishinde keden organdarynda jaýapty basshylyq qyzmetterde bolǵan.
2007-2012 jyldary Qazaqstan Respýblıkasy Ekonomıka jáne búdjettik josparlaý mınıstrligi Syrtqy ınvestısıa kózderin josparlaý bólimi basshysy, atalǵan mınıstrdiń keńesshisi, Eńbek jáne áleýmettik qorǵaý mınıstrligi mıgrasıa komıteti tóraǵasynyń orynbasary, Qazaqstan Respýblıkasy Prezıdenti Ákimshiliginiń memlekettik ınspektory bolyp qyzmet etti.
2012-2021 jyldary Shyǵys Qazaqstan oblysy ákiminiń orynbasary, birinshi orynbasary, Ulan aýdanynyń jáne Semeı qalasynyń ákimi qyzmetterin atqarǵan.
2021 jyldyń aqpan aıynan 2022 jyldyń maýsym aıyna deıin Shyǵys Qazaqstan oblysy Jarma aýdanynyń ákimi laýazymynda eńbek etti.
2022 jyldyń 24 maýsymynan 2023 jyldyń qyrkúıegine deıin Qyzylorda oblysy ákiminiń orynbasary boldy.
2023 jyldyń qyrkúıeginde SHQO ákiminiń birinshi orynbasary bolyp taǵaıyndaldy.
