19 maýsym kúni Tblısıde Grýzıa úkimetaralyq pravoslavıe assambleıasynyń 26-shi otyrysy bastalǵan bolatyn. Oǵan 25 elden júzdeı delegasıa qatysyp jatqan. Keshe Grýzıa Parlamentinde ótip jatqan úkimetaralyq pravoslavıe assambleıasynyń otyrysynyń bastalýynda Grýzıa Parlamenti tóraǵasynyń oryndyǵyna otyryp alyp tóraǵalyq etip otyrǵan Reseı memlekettik dýmasynyń depýtaty Sergeı Gavrılovtiń áreketi oppazısıanyń narazylyǵyn týdyrdy.
Jıyndy bel ortadan úzgen «Eýropalyq Grýzıa» partıasy ókilderi Reseı delegasıasyna otyrysty tastap shyǵýyn talap etti. Sebebi, ol Tbılısıge keler kezde 2008 jyly Reseı men Grýzıa arasynda bolǵan teketires kezinde Abhazıada bolyp, reseı seperatısteri arasynda belsendi jumys istegen degen aqparat taraǵan edi. Parlament qabyrǵasyndaǵy oqıǵa keshke ýshyǵyp, on myńdaǵan adam kóshege shyǵyp, Parlament aldynda mıtıń ótkizdi. Polısıa kúsh qoldanyp, qaqtyǵys nátıjesinde eki jaqtan júzdegen adam jaraqattanǵan. Halyq parlament tóraǵasy Iraklıı Kobahıdze men ishki ister mınıstri Georgıı Gaharıany qyzmetten ketýin talap etýde. Assambleıa prezıdenti Sergeı Gavrılovtiń tóraǵylyǵymen 22 maýsymǵa deıin ótýi tıis assambleıa otyrysy osylaısha orta joldan toqtady. Al Reseı memlekettik dýmasynyń depýtaty Sergeı Gavrılovtyń óz bolsa bul sharany reseıge narazy toptyń aldyn ala josparalap, daıyndaǵan aksıasy dep otyr. Reseı aqparat quraldary da radıkaldy oppazısıanyń aıqaı-shýy dep kórsetip jatyr.
Bul oqıǵaǵa qatysty Grýzıanyń burynǵy prezıdenti Mıhaıl Saakashvılı óz feısbýk áleýmettik jelisinde «Ózim qurǵan grýzın polısıasyn Ivanıshvılıge baǵynǵaı, halyq jaǵyna shyǵýdy shaqyramyn» dep jazdy. Al Grýzıa prezıdenti Salome Zarabıshvılı «Búgin bolǵan oqıǵa úlken qylmys, elimizdiń ar-namysyna qaıaý túsiretin oqıǵa» deı kele «Reseı bizdiń jaýymyz, okkýppant, olardyń basqaryp otyrǵan qazirgi besinshi kollonasy olardyń agresıasynan áldeqaıda qaýipti bolýy múmkin» dep bitirgen óz oıyn.
Vıdeo Eho Kavkaza saıtynan alyndy
