Qyrǵyzstanda Halyq quryltaıy ótpek, dep habarlaıdy qyrǵystandyq Kabar aqparat agenttigi
Qyrǵyzstan prezıdenti Sadyr Japarovtyń «Halyq quryltaıyn shaqyrý týraly» Jarlyǵymen Halyq quryltaıy týraly ýaqytsha ereje bekitildi.
Qyrǵyz Prezıdentiniń baspasóz hatshysy Erbol Sultanbaev Sadyr Japarovtyń birinshi quryltaı ótkizý týraly sheshimin túsindirdi.
Onyń aıtýynsha, Qyrǵyzstan Respýblıkasy Konstıtýsıasynyń 4-babyna sáıkes, Qyrǵyzstanda memlekettik bılik jalpy halyq saılaǵan prezıdentpen qamtamasyz etiletin halyq bıliginiń ústemdigi prınsıpine negizdelgen.
«Qyrǵyz Respýblıkasynyń Konstıtýsıasy men zańdaryna sáıkes azamattardyń respýblıkalyq jáne jergilikti mańyzy bar zańdardy talqylaý jáne qabyldaýǵa qatysýǵa quqyǵy bar. Qyrǵyz Respýblıkasynyń azamattary qoǵam men memleket isterin basqarýǵa tikeleı jáne óz ókilderi arqyly qatysýǵa quqyly. Azamattardyń memlekettik organdar men jergilikti ózin-ózi basqarý organdarynyń qyzmetine qatysty máseleler boıynsha, basqa da mańyzdy máseleler boıynsha quryltaılar ótkizýge quqyǵy bar.
Halyq quryltaıy – qoǵamdy damytýdyń baǵyttary boıynsha usynystar beretin áleýmettik-ókiletti, keńesshi, qadaǵalaýshy jınalys.
Qyrǵyzstanda bılikti basyp alý maqsatynda jappaı tártipsizdik uıymdastyrmaq bolǵan 7 adam qamaýǵa alyndy. Bul týraly Qyrǵyz İİM habarlady.
Málimetterge qaraǵanda, bul uıymdasqan top jappaı tártipsizdikter uıymdastyryp, bılikti kúshpen basyp alý maqsatynda qurylǵan.
«Ulttyq sport oıyndaryn ótkizemiz degen syltaýmen kúdiktiler 2024 jylǵy 17 qarashada ótetin jergilikti keńes saılaýy kúni kúsh kórsetýge úndep, konstıtýsıaǵa qaıshy shaqyrýlardy nasıhattap, keıinnen bılikti kúshpen basyp alý arqyly jaǵdaıdy turaqsyzdandyrýdy kózdegen, – delingen habarlamada.
Osy is boıynsha jappaı tártipsizdikter uıymdastyrýǵa daıyndalý faktisi boıynsha qylmystyq is qozǵalǵan.
Tergeý barysynda bul toptyń 7 múshesi ustaldy. Olardyń arasynda sheteldik azamattar da bar.
Memleket basshysy Qasym-Jomart Toqaev Bishkektegi «Yntymaq Ordo» ǵımaratyna bardy. Bul týraly Aqordanyń baspasóz qyzmeti habarlaıdy.
Qasym-Jomart Toqaevty Qyrǵyzstan prezıdenti Sadyr Japarov qarsy aldy.
Sálden keıin Túrki memleketteri uıymynyń samıti bastalady. Shara «Ekonomıkalyq ıntegrasıa, turaqty damý, sıfrlyq bolashaq jáne qaýipsizdik» taqyrybynda ótedi.
Memleket basshysy Qyrǵyzstannyń Syrtqy ister mınıstri Jeenbek Kýlýbaevty qabyldady, dep habarlaıdy Aqorda.
Prezıdent Qyrǵyzstan Syrtqy ister vedomstvosynyń basshysyna iltıpat bildire otyryp, berik dostyq pen tatý kórshilik baılanystarǵa arqa súıegen qazaq-qyrǵyz qarym-qatynasy strategıalyq seriktestik jáne odaqtastyq sıpatynda qarqyndy ári dáıekti damyp kele jatqanyn atap ótti.
Qasym-Jomart Toqaev buǵan deıin joǵary deńgeıde qol jetkizilgen ýaǵdalastyqtardy tolyqqandy iske asyrýdyń mańyzdylyǵyna nazar aýdardy. Onyń pikirinshe, bul kelisimder strategıalyq sıpatqa ıe ári memleketaralyq yqpaldastyqty aıtarlyqtaı nyǵaıtady.
Jeenbek Kýlýbaev Memleket basshysyna eki eldiń syrtqy ister vedomstvosy basshylarynyń arasynda ótken kelissózderdiń nátıjesi men ekijaqty yntymaqtastyqty tereńdetý boıynsha birlese atqaratyn jumystyń negizgi baǵyttary jóninde málimet berdi.
Kezdesý barysynda saýda-ekonomıkalyq yqpaldastyqty arttyrýǵa, kólik-logıstıka ınfraqurylymyn damytýǵa, ózara ınvestısıalar jáne mádenı-gýmanıtarlyq baılanystardy odan ári jandandyrýǵa aıryqsha mán berildi.
Sondaı-aq halyqaralyq jáne óńirlik kún tártibindegi ózekti máseleler talqylandy.
