Qyrǵyzstan respýblıkasynyń prezıdenti Sadyr Japarov Memleket basshysy Qasym-Jomart Toqaevtyń shaqyrýymen 8-10 tamyzda Ortalyq Azıa memleketteri basshylarynyń VI konsýltatıvtik kezdesýine jáne «Ortalyq Azıa+Japonıa» dıalogy memleketteri basshylarynyń samıtine qatysý úshin Astanaǵa keledi, dep habarlaıdy Ulys qyrǵyzstandyq 24kg saıtyna silteme jasap.
Qyrǵyzstan Prezıdenti ákimshiliginiń Syrtqy saıasat bóliminiń meńgerýshisi Muratbek Ázimbaqıevtiń aıtýynsha, sapar aıasynda qyrǵyz basshysy Japonıa Premer-mınıstri Fýmıo Kısıdamen kelissózder júrgizedi.
«Astanada ótetin aldaǵy Ortalyq Azıa memleketteri basshylarynyń altynshy Konsýltatıvtik kezdesýi men «Ortalyq Azıa+Japonıa» dıalogy memleketter basshylarynyń samıti kópjaqty yntymaqtastyqtyń ózekti máselelerin talqylaýǵa baǵyttalady»,- dedi Muratbek Ázimbaqıev.
Sondaı-aq Sadyr Japarov «Ortalyq Azıa+Japonıa» bıznes-forýmyna qatysady.