Qazaqstandyq dzúdoshy Sanjar Erulanuly dzúdodan jasóspirimder arasynda álem chempıony atandy. Bul týraly Ulys Qazaqstan dzúdo federasıasynyń baspasóz qyzmetine silteme jasap.
90 kelige deıingi salmaq dárejesinde beldesken ol fınalda ýkraınalyq qarsylasy Lebıd Dmıtrony ýaqytynan buryn ıppon upaıymen jeńdi.
Álem reıtıńinde 5-orynda turǵan otandasymyz álem birinshiligin ekinshi aınalymnan bastady. Jalpy jarys barysynda tórt kezdesý ótkizip, tórteýinde de qarsylas shaq keltirgen joq. Alǵashqy qarsylasy Mýngýn Ýchral Ýýganbaıardy (Mońǵolıa), odan keıin shırek fınalda Gıorgı Gelashvılıdi (Grýzıa) jeńdi. Al jartylaı fınalda ýkraınalyq Arkadıı Smaılovtan basym túsken bolatyn.
Aıta keterligi, jasóspirimder arasynda synǵa túsken Sanjar Erulanulynyń bul álem chempıonatyndaǵy alǵashqy júldesi. 17 jastaǵy Sanjar buǵan deıin 2024 jylǵy maýsymda Qazaqstan chempıonatyn jáne Azıa kýbogyn utqan, sondaı-aq Eýropa kýbogynda kúmis júldeger atanyp úlgergen.
Dzúdodan jasóspirimder arasyndaǵy álem chempıonaty Perýdiń Lıma qalasynda ótip jatyr. Álem birinshiligine 48 elden 403 jas tatamı sheberi qatysýda.
