Valúta baǵamy
  • USD -

    518.9
  • EUR -

    587
  • RUB -

    6.23
QAZAQSTAN ÓZBEKSTANǴA ELEKTR ENERGIASYN JÓNELTE  BASTAIDY
18 shilde 2019
QAZAQSTAN ÓZBEKSTANǴA ELEKTR ENERGIASYN JÓNELTE BASTAIDY

 

Qazaqstan elektr energıasynyń eksporttaý úshin jańa naryqtarǵa shyǵa bastaıdy. QR Energetıka mınıstrliginiń Baspasóz qyzmetiniń habarlaýynsha, osy jyldyń maýsym aıynyń sońynda kóp jyldardan keıin alǵashqy ret Qazaqstan elektr energıasyn Ózbekstanǵa eksporttaı bastamaq.

 

Eki eldiń ýákiletti uıymdarynyń arasynda jasalǵan shartqa sáıkes 2019 jyldyń ishinde Ózbekstan energıa júıesine 1 mlrd. kvt/ saǵ. astam elektr energıasy eksporttalmaq. Baspasóz paraqshasynda sonymen qatar, «Ózbekstanǵa elektr energıanyń eksportyn júzege asyrý úshin mańyzdy sharttardyń biri eń aldymen Qazaqstannnyń ishki qajettilikterin qamtamasyz etý bolyp tabylady. Qazaqstan tutynýshylaryn senimdi jáne úzdiksiz elektrmen jabdyqtaýdy qamtamasyz etý maqsatynda avarıaǵa qarsy avtomatıkany baptaý (júktemeni ajyratýdyń arnaıy avtomatıkasy - JAAA) jáne tehnologıalyq buzýshylyq bolǵan jaǵdaıda ózbek tutynýshylaryna shekteýler engizý boıynsha keshendi is-sharalar kózdelgen.
Elektr energıasynyń eksporttyq jetkizilimi bastaldy, jáne búgingi tańda (maýsym aıynyń sońynan bastap 17 shilde boıynsha) Ózbekstanǵa 145 mln. kvt/ saǵ. elektr energıasy satylǵan.
Qazaqstannyń elektr energıasynyń eksporttyq jetkizilimi Qazaqstan Respýblıkasy Úkimetiniń Qazaqstan elektr stansıalaryn ýaqtyly jańǵyrtý, rekonstrýksıalaý jáne keńeıtý boıynsha júrgizilgen saıasatynyń nátıjesinde alynǵan elektr qýatynyń qoldanystaǵy profısıtiniń arqasynda múmkin bolyp otyr.
Eki el arasyndaǵy saýdany damytý jónindegi qadamdar tek elektr energetıkasy salasyndaǵy ǵana emes, sonymen qatar bolashaqta basqa da ekonomıka salalarynda ózara tıimdi yntymaqtastyqqa yqpal etetin bolady»-dep jazylǵan.

RELATED NEWS
 Qazaqstan men Ózbekstan arasyndaǵy baılanystar túbegeıli ózgerdi - Toqaev
08 tamyz 2024
Qazaqstan men Ózbekstan arasyndaǵy baılanystar túbegeıli ózgerdi - Toqaev

Qazaqstan men Ózbekstan prezıdentteri shaǵyn quramda kelissóz júrgizdi, dep habarlaıdy Aqorda.

Kelissóz aldynda Aqordada elimizge memlekettik saparmen kelgen Ózbekstan Prezıdentin saltanatty qarsy alý rásimi ótti.

Qasym-Jomart Toqaev pen Shavkat Mırzıóev bir-birine resmı delegasıa múshelerin tanystyrdy. Qurmet qaraýylynyń bastyǵy memleketter basshylaryna raport berip, eki eldiń ánurandary shyrqaldy. Sodan keıin prezıdentter shaǵyn quramda kelissóz júrgizdi.

Memleket basshysy Ózbekstan Prezıdentine iltıpat bildire otyryp, bul sapar eki el arasyndaǵy yntymaqtastyq pen odaqtastyqty damytýǵa tyń serpin beretinin aıtty.

– Qazaqstan halqy Sizdiń búgingi saparyńyzǵa úlken mán berip otyrǵanyn atap ótkim keledi. Munyń ózi kóp dúnıeden habar beredi. Jalpy, sońǵy jyldary Qazaqstan men Ózbekstan arasyndaǵy baılanystar jaqsy jaǵyna qaraı túbegeıli ózgerdi. Eki el yntymaqtastyǵyn naqty mazmunmen tolyqtyrýǵa bar kúsh-jigerimizdi salamyz. Búgin biz memleketterimiz arasyndaǵy yntymaqtastyq pen odaqtastyqtyń negizgi baǵyttaryn aıqyndaıtyn qujattarǵa qol qoıamyz. Sondyqtan bul sapardyń jóni bólek, – dedi Qazaqstan Prezıdenti.

Óz kezeginde Ózbekstan Prezıdenti kórsetken syı-qurmeti úshin Qasym-Jomart Toqaevqa alǵys aıtyp, Qazaqstanǵa jasaǵan memlekettik saparynyń mańyzyna toqtaldy.

– Bul sapar tarıhı mánge ıe. Búgingi kezdesýimiz eki halyq arasyndaǵy san ǵasyrǵa jalǵasqan dostyq jáne tatý kórshilik qatynastardyń tinin nyǵaıta túsip, strategıalyq seriktestik pen odaqtastyq baılanystardy jańa deńgeıge kóteredi, – dedi Shavkat Mırzıóev.

Kelissóz barysynda taraptar saıası, saýda-ekonomıkalyq, kólik-tranzıt, ınvestısıa, energetıka, aýyl sharýashylyǵy, sý resýrstary, mádenı-gýmanıtarlyq jáne ónerkásip kooperasıasy salalaryndaǵy yqpaldastyqty odan ári nyǵaıtý perspektıvalaryn talqylady. Sondaı-aq óńirlik jáne halyqaralyq kún tártibindegi máselelerdi qarastyrdy.

Prezıdentter qazaq-ózbek qatynastary barlyq baǵyt boıynsha órkendep kele jatqanyn atap ótti.

Qazaqstan men Ózbekstan prezıdentteri telefon arqyly sóılesti
23 sáýir 2024
Qazaqstan men Ózbekstan prezıdentteri telefon arqyly sóılesti

Memleket basshysy Ózbekstan Prezıdenti Shavkat Mırzıóevpen telefon arqyly sóılesti, dep habarlaıdy Aqorda.

Qasym-Jomart Toqaev elimizdiń birqatar óńirinde bolǵan sý tasqynyna baılanysty tileýlestik tanytyp, kómek kórsetkeni úshin Shavkat Mırzıóevke jáne baýyrlas Ózbekstan halqyna alǵys aıtty.

Prezıdentter qazaq-ózbek strategıalyq seriktestigin odan ári nyǵaıtý, sondaı-aq buǵan deıin qol jetkizilgen ýaǵdalastyqtardy júzege asyrý máselelerin talqylady. Taraptar ekijaqty qatynastar men óńirlik deńgeıdegi kooperasıanyń qarqyndy damyp kele jatqanyna nazar aýdardy.

Sonymen qatar memleketter basshylary aımaqtyq jáne halyqaralyq kún tártibindegi ózekti máseleler boıynsha pikir almasty.

Buǵan deıin Ózbekstan Respýblıkasynan Qazaqstanǵa 15 júk kóligine tıelgen gýmanıtarlyq kómek kelgenin jazǵan bolatynbyz.

Toqaev Ózbekstan prezıdentiniń qyzy ári kómekshisi Saıda Mırzıóevany qabyldady
05 tamyz 2024
Toqaev Ózbekstan prezıdentiniń qyzy ári kómekshisi Saıda Mırzıóevany qabyldady

Memleket basshysy Qasym-Jomart Toqaev Aqordada Ózbekstan prezıdentiniń kómekshisi Saıda Mırzıóevany qabyldady, dep habarlaıdy Aqorda.

Aıta keteıik, birneshe kúnnen keıin elimizge Ózbekstannyń prezıdenti, Saıda Mırzıóevanyń ákesi Shavkat Mırzıóev keledi.

Al, búgin Aqorda habarlaǵandaı, Toqaev pen Mırzıóeva kezdesý barysynda eki el arasyndaǵy kópjaqty seriktestikti odan ári ilgeriletýge qatysty ózekti máselelerdi talqylady

«Qasym-Jomart Toqaev Qazaqstan men Ózbekstannyń odaqtastyq ári strategıalyq sıpattaǵy qarym-qatynasyn atap ótip, joǵary deńgeıdegi saıası dıalogtyń tıimdiligin arttyra túsý úshin eki el prezıdentiniń ákimshilikteri arasyndaǵy tyǵyz baılanysty jolǵa qoıý mańyzdy ekenine nazar aýdardy», - delingen Aqorda habarlamasynda.

Búgin Aqordada Toqaev Astanada osy halyqaralyq «Zakovat» ıntellektýaldyq oıynynyń ótkizilýine qoldaý bildirip, mundaı is-sharalar halyqtarymyzdyń arasyn jaqyndata túsetinin atap ótken.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.