Qaraǵandy oblysynda 332 esirtki qylmysy ashyldy

Qylmys

Foto: Qaraǵandy oblysynyń ákimdigi 12 qarasha 2024

Qaraǵandy oblysynda 332 esirtki qylmysy ashyldy

Qaraǵandy oblysynda jyl basynan beri 332 esirtki qylmysy anyqtalyp, 445 kg esirtki tárkilendi. Eki jerasty fotolaboratorıasy joıyldy. Esirtki bıznesimen aınalysqandardyń qyzmeti toqtatyldy: jyldyq qarjy kólemi 2,5 mlrd teńgeden asqan 16 kúdikti ustaldy.

Aımaq aralyq shtabtyń otyrysynda esirtkige qarsy saıasat qanshalyqty deńgeıde júzege asyrylyp jatqandyǵy aıtyldy. Keńeste memlekettik organdardyń ókilderi oblysty esirtkiden taza aımaqqa aınaldyrý úshin taǵy qandaı sharalar qabyldaý kerektigi talqylandy.

Polıseıler narkograffıtı-men kúres júrgizýde.

– Bul baǵyttaǵy jumystardy jandandyrý maqsatynda Qaraǵandy, Temirtaý, Saran, Shahtınsk jáne Balqash qalalarynda eriktiler men qoǵamdyq uıymdardyń qoldaýymen «STOP-graffıtı» uranymen aýqymdy aksıalar ótkizildi. 2024 jyldyń 16 qazanyna deıin 410 reıd júrgizilip, 11 902 narkograffıtı boıap tastady, – dep habarlady oblystyq polısıa departamenti basshysynyń mindetin atqarýshy Jasqaırat Qaıyrov.

Zamanaýı tehnologıalar dáýirinde qylmyskerler esirtkini taratý úshin áleýmettik jeliler men messendjerlerdi kóbirek paıdalanady. Oblystyq polısıa departament ókilderi esirtkini jarnamalaıtyn 177 saıt pen paraqshany buǵattady.

Otyrysta esirtkiden emdeý men onyń aldyn alý máselelerine erekshe nazar aýdaryldy. Jaqyn arada oblystyq psıhıkalyq densaýlyq ortalyǵynda gazdy hromatograf jumys isteı bastaıdy.

Densaýlyq saqtaý basqarmasynyń basshysy Bıbigúl Tólegenova bul quraldyń kómegimen adamnyń aǵzasynda 100-den astam esirtki túrin anyqtaýǵa bolatynyn aıtady.

Aımaq basshysy esirtkige qarsy profılaktıka joǵary oqý oryndarynda, kolejder men mektepterde qoljetimdi formada júrgizilýi kerektigin atap ótti. Sondaı-aq, ata-analarmen aqparattyq-túsindirý jumystaryn kúsheıtý qajet ekendigin eskertti.

– Polısıa qyzmetkerleri qala jáne aýdan ákimderimen birge únemi aýlalardy aralap, esirtkini jarnamalaıtyn oryndardy aldyn ala anyqtaýy qajet. Densaýlyq saqtaý basqarmasy mektep oqýshylary men stýdentter arasynda únemi skrınıng uıymdastyrýy tıis. Oblystyq dıspanser janynan anonımdi keńes beretin konsýltasıalyq ortalyq ashý qajet. Aımaqta esirtkige qarsy kúrestiń negizgi maqsaty – qoǵamdy esirtkige táýeldilikpen kúresýge shaqyratyn qoǵamdyq qozǵalys qurý kerek. Qaraǵandy oblysy esirtkiden taza aımaqqa aınalýy tıis, – dep atap ótti Ermaǵanbet Bólekpaev.

RELATED NEWS

Qylmys

26 naýryz 2025

Pavlodarda týysqan qaryndasyn zorlaǵan jetkinshek 10 jylǵa sottaldy

Byltyr jazda Pavlodar oblysy Sharbaqty aýdanyndaǵy aýyldardyń birinde týysqan aǵasy zorlap, artynan júkti bolǵan qyz bosanǵan edi. Búgin Pavlodar oblysynda osy iske qatysty sot ótti, dep habarlaıdy Ulys.

Kúdikti bolǵan 17 jastaǵy bala kámelet jasyna tolmaǵandyqtan, sot ony 10 jylǵa bas bostandyǵynan aıyrdy. Sottyń búgingi sheshimi ázirge zańdy kúshine engen joq.

Jazda oqýshy qyzdyń bosanǵany belgili bolǵan soń Pavlodao oblysyndaǵy bala quqyqtary jónindegi ýákil Sáýle Shákenova 12 jasar qyzdyń aýylyna barǵan. Qyz bala otbasymen Pavlodar oblysy Sharbaqty aýdany Galkıno aýylynda ómir súrip jatyr. Atajurtqa kóship kelgen qandastardy Qazaqstanǵa erte kóship kelgen týystary osy aýylǵa qonystandyrǵan kórinedi.

Qylmys

04 naýryz 2025

Aqmola oblysynda ájesi nemeresin óltirip, denesin úıdiń aýlasynda kómgen

Aqmola oblysynyń Shýchınsk qalasynda asyrap alynǵan balanyń ólimine baılanysty sot úkimi shyqty, dep habarlaıdy Ulys.

HALYQSTAN habarlaýynsha, bes jylǵa jýyq ýaqyt boıy jan túrshigerlik qylmystyń izderi jasyrýly bolyp kelgen. Bul atyshýly is boıynsha bala asyrap alǵan anasy men ájesi sot aldynda jaýap berdi.

Bes jasar balanyń denesi úıdiń baqshasyna jerlengen, al bul sumdyq oqıǵa tek ótken kóktemde ǵana anyqtaldy. Qylmystyń beti kútpegen qateliktiń arqasynda ashylǵan.

Asyrap alǵan anasy basqa balasyn denesi kógerip júrgendikten aýrýhanaǵa alyp kelgen, alaıda qujattardy shatastyryp alǵan. Keıinirek onyń tórt jyl boıy qaıtys bolǵan balaǵa tıesili týý týraly kýálikti qoldanyp júrgeni anyqtaldy.

Basty kúdikti 65 jastaǵy ájesi birden qamaýǵa alynsa, 29 jastaǵy asyrap alǵan anasy da ýaqytsha ustaý ızolátoryna jiberildi.

Sot jabyq esik jaǵdaıynda ótip, úkim shyqty. Balanyń ájesi – 21 jylǵa, ógeı anasy 4 jylǵa bas bostandyǵynan aıyryldy.

Qylmys

12 mamyr 2025

SQO-da súıiktisin sábıimen birge órtep jibergen qylmysker sottaldy

Petropavlda súıiktisin sábıimen birge jáne óziniń inisin óltirgen qylmysker Aleksandr Kanıshev ómir boıyna sottalyp ketti, dep habarlaıdy Ulys.

Adam shoshyrlyq qandy oqıǵa 2023 jyldyń qyrkúıek aıynda bolǵan. Sot úkimimen sottalǵan er adam bastapqyda órtten aman qalǵan jalǵyz adam bolyp eseptelgen. Alaıda, medısınalyq saraptama shyqqannan keıin ol kúdiktilerdiń qataryna ótti.

Alapat órtten keıin qylmyskerdiń súıiktisi bolǵan, biraq zańdy nekede turmaǵan 20 jastaǵy Alına Kotáshtyń, onyń bir jasar qyzy Aleksandranyń jáne inisi Savelıanyń denesin eksgýmasıaǵa jiberýge májbúr boldy.

Medısınalyq saraptama nátıjesinde búldirshinder órtke deıin-aq kóz jumǵany dáleldendi. Al jas kelinshek ýly gazǵa ýlanyp kóz jumǵan. Tergeý barysynda prokýror qylmystyq istiń osy nusqasyna turyp aldy. Sot alǵashqyda kúdikti retinde bolǵan Kanıshevti aqtap alǵan. Bul qandy oqıǵadan keıin bir jyldan soń boldy.

Degenmen memlekettik aıyptaýshy sot sheshimine shaǵym túsirdi. Aıyptaýshy tarap súıengen negizgi dálelderdiń biri balalardyń qanynda kómirqyshqyl gazynyń bolmaýy boldy. Buǵan qosa, saraptama kishkentaı qyz balanyń kózi tirisinde bas-mı jaraqatyn alǵanyn anyqtady. Sondyqtan prokýror zardap shekkenderdiń órtke deıin kóz jumǵany tolyqtaı dáleldengen dep sanady.

Uzaqqa barmaı is qaıtadan sot aldynda qaraldy. Bul joly sot ony ómir boıyna bas bostandyǵynan aıyrý týraly úkim shyǵardy. Aleksandr Kanıshevtiń sot úkimine shaǵymdanýyna 15 kún ýaqyt bar.

Jańalyqtar

20 tamyz 2025