Prezıdenttiń tapsyrmalaryn oryndaý sheńberinde Qazaqstanda elge qaıtarylǵan zańsyz shyǵarylǵan aktıvter esebinen áleýmettik jobalardy iske asyrý boıynsha jumys jalǵasyp jatyr. Úkimet Arnaýly memlekettik qordan Shymkent qalasyndaǵy «Saıram kómekshi mektep-ınternat-kolledji» kesheni úshin jataqhana salýǵa 2,6 mlrd teńgeden astam qarajat bóldi. Bul týraly Úkimettiń baspasóz qyzmeti habarlady.
Úkimettiń baspasóz qyzmeti habarlaǵandaı, ǵımarat 300 orynǵa eseptelgen. Jobada uldar men qyzdarǵa arnalǵan bólek bloktar, medısınalyq blok, asqana, oıyn bólmeleri jáne basqalary qarastyrylǵan.
Jataqhana barlyq zamanaýı talaptarǵa saı bolady. Búginde «Saıram kómekshi mektep-ınternat-kolledji» arnaıy kesheninde 363 adam oqyp jatyr. Jańa ǵımarattyń qurylysy 120 oqýshyǵa arnalǵan jataqhanadaǵy oryn tapshylyǵyn joıýǵa múmkindik beredi. Nysan 1975 jyly salynǵan. Qazirgi ýaqytta oryn tapshylyǵyna baılanysty oqý ornyndaǵy keıbir kabınetter balalarǵa arnalǵan jatyn bólmeleri retinde qarastyrylǵan.
67 oqýshy úıde oqýǵa májbúr. Jańa jataqhana balalardyń ómir súrýine jáne olardyń sapaly bilim alýyna qolaıly jaǵdaı jasaıdy.
Buǵan deıin Úkimet Aqmola oblysynyń Zerendi aýylynda sport keshenin, Túrkistan oblysynyń Temirlan aýylynda mýzyka mektebin, Arqalyq qalasynda daryndy sportshy balalarǵa arnalǵan sport keshenin, Astanada tirek-qımyl apparaty buzylǵan balalarǵa arnalǵan ońaltý ortalyǵyn, Almatyda erekshe qajettilikteri bar adamdarǵa arnalǵan jattyǵý ortalyǵyn, Aqtóbe qalasynda erekshe balalarǵa arnalǵan arnaıy balabaqsha, Atyraý oblysynyń Jamansor aýylynda mektep salý, Rıdder qalasynda kópbeıindi aýrýhana kesheniniń qurylysyn aıaqtaý sekildi jobalardy iske asyrý úshin qarajat bólý týraly sheshim qabyldaǵan bolatyn. Jumys jalǵasyp jatyr.
Shymkent qalasyndaǵy Saıram kómekshi mektep-ınternat-kolledjiniń tárbıelenýshileri úshin 300 oryndyq jataqhana salynady. Úkimet Arnaýly memlekettik qordan osy maqsattarǵa 2,6 mlrd teńgeden astam qarjy bóldi. Osynyń arqasynda jataqhanada oryn tapshylyǵy máselesi sheshiledi. Qazirgi jataqhana tek 120 adamǵa arnalǵan, oqýshylar sany – 363, al 67 oqýshy úıde oqýǵa májbúr.
«Bul jerdegi eń qıyn másele – jataqhana. 120 balaǵa arnalǵan ǵımaratta 360 bala onyń ishinde erekshe qajettilikteri bar balalar oqyp, turyp jatyr. Máseleni sheshý úshin 300 orynǵa eseptelgen jataqhana qurylysyna jobalaý-smetalyq qujattama daıyndaldy. Ǵımarat qosymsha úı-jaılarmen jabdyqtalady», — dep atap ótti Shymkent qalasy Bilim basqarmasynyń mamany Erlan Pirimqulov.
Zamanaýı jataqhana salý erekshe balalarǵa arnalǵan mekemeniń basty máselesin sheshedi.
«Meniń erekshe balam úshinshi synypta oqyp jatyr. Eger munda zamanaýı jataqhana salynsa, barlyq ata-ana alǵysyn bildirer edi. Memleket tarapynan búgingi tańda bul bilim berý mekemesine qoldaý kórsetiledi, qajetti jabdyqtar, jaqsy oqý-ádistemelik baza bar. Mundaǵy másele tek jataqhanadaǵy oryndardyń jetispeýshiliginde. Osy qajettilik jaqyn arada sheshiledi dep úmittenemiz», - deıdi Shymkent qalasy «Saıram kómekshi mektep-ınternat-kolledji» tárbıelenýshisiniń anasy Dılnora Hadjımetova.
https://kaz.inform.kz/news/shimkentte-zansiz-shigarilgan-aktivter-esebnen-300-orindik-zhatakhana-salinadi-a99982/
