ORALMAN MÁRTEBESİN UZARTÝ AKSIASY BASTALDY

Qandastar

28 mamyr 2019

ORALMAN MÁRTEBESİN UZARTÝ AKSIASY BASTALDY

Otandastar qory men Dúnıejúzi qazaqtarynyń qaýymdastyǵy «oralman» mártebesin uzartýdyń jeńildetilgen tártibi boıynsha ótken kýálikter boıynsha ıgi sharaǵa baryp otyr. Otandastar qory baspasóz qyzmetiniń habarlaýynsha, 2018 jyldyń 16 naýryzynda tarıhı otanyna kelgen, biraq azamattyq alýǵa úlgermegen «oralman» mártebesin uzartý aksıasy bastaldy.

Oralmandarǵa qazaqstandyq azamattyqty ońaılatylǵan tártippen alý quqyǵy berilgen. Oralman mártebesi ony alǵan kúnnen bastap bir jyl ótkennen keıin toqtatylady. Bul rette etnıkalyq qazaqtarǵa azamattyq alýdy úlgermegen aksıa sheńberinde "oralman" mártebesi 2019 jylǵy 31 jeltoqsanǵa deıin uzartyldy. Demek, aksıa ýaqyty shekteýli, múmkindikti tıimdi paıdalanýǵa úlgerý kerek.

Mártebe merzimi ótip ketken oralmandar óz oblysynyń nemese Respýblıkalyq mańyzy bar qalanyń jumyspen qamtýdy úılestirý jáne áleýmettik baǵdarlamalar basqarmasyna ony uzartý jáne qazaqstandyq azamattyǵyn alý úshin ishki ister organdaryna qujattardy ońaılatylǵan tártippen berý úshin júgine alady.

Sapaly qyzmet kórsetý maqsatynda Sizden ótinishtiń kóshirmesin keıinnen baqylaý úshin turǵylyqty jerińiz boıynsha Dúnıejúzilik qazaqtar qaýymdastyǵy fılıaldaryna jiberýińiz suralady.

Qosymsha aqparatty myna telefondar boıynsha baılanys ortalyǵynan alýǵa bolady:

1404 (Barlyq qazaqstandyq mobıldi operatorlarǵa qońyraý shalý tegin júzege asyrylady)
8 800 080 14 04 (Qazaqstan boıynsha qalalyq nómirlerden qońyraý shalý tegin júzege asyrylady)
+7 7172 98 14 04 (qońyraýlar qalalyq nómirlerden Qazaqstan boıynsha tegin júzege asyrylady, shetelden sheteldik baılanys operatorynyń tarıfi boıynsha)
+7 701 000 14 04 (WhatsApp pen Telegram habarlamalary úshin)
E-mail: [email protected]
Skype: [email protected]

Sondaı-aq aımaqtardaǵy Dúnıejúzi qazaqtary qaýymdastyǵynyń fılıaldaryna habarlasý arqyly júzege asyrylady. Basshylardyń baılanys derekteri bar fılıaldardyń tizimi habarlamada qosa beriledi.

DÚNIEJÚZİ QAZAQTARY QAÝYMDASTYǴYNYŃ OBLYSTARDAǴY FILIAL BASSHYLARY

№	Aty-jóni	Oblys	Baılanystary
1.	HOJAMURAT Qarlyǵash Bekpatshaqyzy	Astana qalasy aımaqtyq fılıalynyń basshysy	Astana qalasy, D.Qonaev kóshesi, 12/1, 711, [email protected] tel.: 8 701 752 11 83
2.	MAQULBEKOVA Aıbópe	Almaty oblystyq fılıaldyń basshysy	Almaty qalasy, Sh.Ýálıhanov kóshesi, 43A, [email protected] tel.: 8 701 710 07 11 jum.tel.:8 (7272) 73 99 97
3.	IMANOV Bazarbaı Nurǵalıuly	Aqtóbe oblystyq fılıalynyń basshysy	Aqtóbe qalasy, Karǵaly aýyly, Qarǵaly kóshesi, 14/3, [email protected] tel.: 8 701 292 37 25
4.	TÓLEBAEV Arqabek	Jambyl oblystyq fılıalynyń basshysy	Taraz qalasy, Pirimqulov kóshesi, 1G, [email protected] tel.: 8 702 846 17 35 jum.tel.:8 (7262) 45 53 33
5.	JARIMBETOVA Nazıra	Qostanaı oblystyq fılıalynyń basshysy	Qostanaı qalasy, Arstanbekov kóshesi, 3/10, 28, [email protected] tel.: 8 701 150 94 43 jum.tel.: 8 (7142) 21 01 42
6.	ZAÝT Bolat	Pavlodar oblystyq fılıalynyń basshysy	Pavlodar qalasy, Qaıyrbaev kóshesi, 32,[email protected] tel.: 8 702 602 88 88 jum.tel.:8 (7182) 32 77 53
7.	ÁBİSHEV Dýlat Nazarbekuly	Ońtústik Qazaqstan oblysy aımaqtyq fılıalynyń basshysy	Shymkent qalasy, [email protected] tel.: 8 701 718 07 07 jum.tel.: 8 (7252) 21 36 11
8.	SÝIýNDIKOV Arman Masýgýtovıch	Soltústik Qazaqstan oblystyq fılıalynyń basshysy	Petropavl qalasy, Qazaqstan Konstıtýsıasy kóshesi, 27,[email protected] tel.: 8 701 2061588 jum.tel.: 8 (7152) 51 25 40
9.	ÁLİMGEREIULY Ótepbergen	Atyraý oblystyq fılıalynyń basshysy	Atyraý qalasy, J.Moldaǵalıev kóshesi, 29A, [email protected] tel.: 8 701 577 82 06
10.	BATYRHANOV Aıdar Tapashuly	Batys Qazaqstan oblystyq fılıalynyń basshysy	Oral qalasy, Dostyq dańǵyly, 184/1,[email protected] tel.: 8 701 346 61 97, 8 777 649 11 90 jum.tel.: 8 (7112) 51 52 38
11.	MERÝESH Boshaıqyzy	Qaraǵandy oblystyq fılıalynyń basshysy	Qaraǵandy qalasy, S.Mukanov 3 Tel: 8 702 585 86 67
12.	SAHIMOV Álı Ótepuly	Manǵystaý oblysy fılıalynyń basshysy	Aqtaý qalasy, 3B mıkroraıon, 48 Tel: 8 701 721 14 41 [email protected]
13.	ÁSKERHAN Hýantaı	Shyǵys Qazaqstan oblysy fılılynyń basshysy	SHQO Óskemen qalasy, Satpaev 90 Tel: 8 701 183 00 84 [email protected]

RELATED NEWS

Qandastar

17 qańtar 2019

EKİ APTADA EKİ ALTYN

Sheteldegi qandastar arasynda qara úzip júrgen talaı talant bar. Solardyń biri Mońǵolıa elinde turatyn jas palýan — Serik Berdimuratuly. Qazaqstandaǵy jarystarǵa jıi qatysyp, jarqyrap kórinip kele jatqan sportshyny muqym qazaq jaqsy tanıdy. Endi mine, KAZNEWS.MN saıtynyń jazýynsha, búgin Ýlaanbaatar qalasynda sambodan eresekter arasynda ótken Mońǵolıa birinshiliginde óz salmaǵynda chempıon atanǵan.

Ótken apta ǵana dzúdo kúresinen Selenge aımaǵynyń Súhbaatar qalasynda erler men áıelder arasyndaǵy ótken Mońǵolıa chempıonatynda 100 keli salmaqta beldesken Serik Berdimuratuly qarsylas shydatpaı altyn medal alǵan bolatyn. Serik Berdimuratuly jartylaı fınalda 2017, 2018 jylǵy el chempıony G.Altanabaganadan basym túsip, fınaldyq kezdesýde qarsylasy D.Serennámdy aıaqtan ilip shalý ádisi boıynsha vazarı upaıymen jeńgen edi. Al búgin mine, sambodan Mońǵolıa chempıony atandy. Esterińizge sala ketsek, Serik Berdimuratuly sambodan eresekter arasynda úshinshi ret el chempıony atanyp otyr. Ol, buǵan deıin 2014, 2017 jyldary chempıon bolǵan edi. Al dzúdo kúresi boıynsha Serik Berdimuratuly 100 keli salmaq boıynsha el birinshiliginiń 2017 jyly qola júldesine ıe bolǵan bolatyn. Osylaısha, ol Baıan-Ólgıı sport tarıhynda alǵash ret dzúdodan eresekter arasynda El chempıony atandy. Eki aptada eki salmaq boıynsha Mońǵolıa chempıony atanǵan qazaq balasyna ázirshe teń keler qarsylas joq.

Qandastar

26 qarasha 2019

ELORDADA 20 ELDEGİ QAZAQ DIASPORASY BAS QOSADY

28-qarasha kúni «Otandastar qory» jáne «Dúnıejúzi qazaqtarynyń qaýymdastyǵy» shet elderdegi qazaq dıasporasynyń tarıhı Otanymen mádenı-gýmanıtarlyq jáne iskerlik yntymaqtastyǵyn odan ári damytý úshin jaǵdaı jasaý maqsatyndaǵy memlekettik tapsyrma aıasynda otandastardyń qatysýymen «Otandastar. Bolashaqqa baǵdar» atty Halyqaralyq dóngelek ústel ótkizedi.

Qordyń baspasóz qyzmetiniń habarlaýynsha, jıynǵa QR Premer-Mınıstriniń orynbasary B. Saparbaev men QR aqparat jáne qoǵamdyq damý mınıstri D. Abaev qatysady. Eń basysy — halyqaralyq sharaǵa 20 eldegi qazaq dıasporalarynan 150 delegat keledi. «Otandastar Qory» KEAQ Prezıdenti N. Ábiqaev Qordyń iske qosqan jáne júzege asyrǵan jobalary, olardyń nátıjeleri, otandastarmen jumystyń 2020 jylǵa arnalǵan jospary jaıly sóz sóıleıdi. Sonymen qatar, shet elderdegi qazaq qaýymdastyqtarynyń jetekshileri de óz uıymdary jaıly aıtady. Shara aıasynda dúnıejúzi qazaqtarynyń qaýymdastyǵy men Qor ókilderi qyzmetteriniń negizgi baǵyttary, onyń ishinde shet elderdegi qandastarmen mádenı-gýmanıtarlyq jáne iskerlik baılanysty keńeıtý ári nyǵaıtýdy kózdegen «Otandastar» qorynyń negizgi jobalarynyń biri «Qazaq úıi» Qazaq mádenı-iskerlik úıiniń quramyna kiretin iskerlik úıleri men mádenı ortalyqtarynyń álem boıynsha jelisin qurý jospary talqylanady. Birlesken jumystyń naqty usynystary ázirlenedi. Qatysýshylarǵa Qazaqstannyń ınvestısıalyq áleýeti men óńirlerde bıznesti damytý úshin jasalǵan jaǵdaılar jaıynda aqparat beriledi. «Atameken» iskerlik úıiniń paneldik sesıasynda İskerlik úıiniń maqsaty men mindeti, otandastardy konsýltasıalyq qoldaý ortalyǵynyń jumysy jaıly aıtylady. Shet elderde ótkizilgen bıznes forýmdar qorytyndylanady. Túrkıa, Shvesıa, Eýropa elderinen kelgen qandas kásipkerler sóz sóıleıdi. «QazAgro», «Báıterek» holdıńteri men «QazaqInvest» UAQ óz taraptarynan qandas kásipkerlerdi qoldaý múmkindikterimen bólisedi. Shet elderdegi qazaqtildi BAQ ókilderiniń qatysýymen ótetin paneldik sesıada shet elderdegi qazaqtildi BAQ pen jýrnalıserdiń ózara yntymaqtastyq máselesi talqylanady. «Abaı» mádenı ortalyǵynyń paneldik sesıasynda mádenı ortalyqtyń maqsaty men mindeti, shet elderde qazaq mádenıeti men ónerin damytý, bilim berý jobalaryn iske asyrý, elimizde týrısik klasterdi damytý jáne elimizdiń týrısik tartymdylyǵyn arttyrý, barlyq elde qazaq ádebıeti ortalyǵynyń jelisin qurý máseleleri talqylanady. «Otandastar» Qorynyń jobasy – «Álemdegi tanymal qazaqtar týraly» kitaby men «Muzbalaq» anımasıalyq fılmi tanystyrylady. «Jas Qazaq» jastar klýbynyń paneldik sesıasynda shet elderdegi qazaq jastaryn tarıhı Otanyn aınalasyna shoǵyrlandyrý jáne olarǵa jan-jaqty qoldaý kórsetý, dıasporalyq jáne jastar saıasaty salasyndaǵy ózara árekettestik jáne seriktestik aıasyn keńeıtý, jas belsendilerdi tanystyrý, dostyǵyn nyǵaıtý, olardyń boıynda tarıhı Otanyna degen patrıottyq sezimderin qalyptastyrý, Qazaqstan Respýblıkasynyń barlyq jastar uıymdarynyń is-sharalaryna dıaspora ókilderin qatystyrý, ózara birikken jumys josparyn quryp, birlese jumys isteý máselesi talqylanady. «Qazaq eli» jastar klýby jumysynyń jospary bekitiledi.

Qandastar

24 qarasha 2019

«ATAMEKEN» SHET ELDERDE TURATYN ETNIKALYQ QAZAQTARDY QOLDAIDY

«Atameken» UKP jáne «Otandastar Qory» komersıalyq emes aksıonerlik qoǵamy arasynda ózara túsinistik jáne yntymaqtastyq týraly Memorandýmǵa qol qoıý rásimi ótti.

Qordyń baspasóz qyzmetiniń habaralýynsha, kelisimge «Otandastar» qorynyń prezıdenti Nurtaı Ábiqaev pen palatanyń Basqarma Tóraǵasy Abylaı Myrzahmetov qol qoıdy.

Atap óteıik, «Otandastar» qory - shet elderde turatyn etnıkalyq qazaqtar men otandastardy qoldaý jumysy boıynsha memlekettik organdar jáne úkimettik emes uıymdarmen naqty baǵyttardy aıqyndap, seriktestik tanytyp qyzmet etip kele jatqan uıym.

Memorandým «Atameken» UKP men Qordyń kóptegen baǵytta tyǵyz baılanysta jumys atqarýy úshin quqyqtyq negiz bekitti. Máselen, qurylymynda call-ortalyq pen óńirlik qoǵamdyq qabyldaýy bar uıymnyń otandastardy aqparattyq qoldaý ortalyǵyna «Atamekende» jınaqtalǵan kásipkerlik týraly bilim bankin paıdalaný, bıznesti qurý jáne damytý, palata júzege asyratyn baǵdarlamalar boıynsha oqý, ınvestorlar men startaptardy izdeý múmkindigi týdy.

Sonymen qatar yntymaqtastyq aıasynda «Meniń Atamekenim» jáne bıznes salasyndaǵy sheteldik qazaqtardyń uıymdaryn álem boıynsha bir jelige biriktiretin «Atameken» İskerlik úıi» jobasyn iske asyrý máseleleri de qamtyldy. Etnıkalyq qazaqtardyń tarıhı otanyna jappaı kóshýin yntalandyrýdy qarastyratyn «Temir qazyq» baǵdarlamasyna derbes basymdyq berildi.

«Otandastar» qory men «Atameken» UKP birlesken jumysynyń aldaǵy baǵyttary «OTANDASTAR. BOLASHAQQA BAǴDAR» halyqaralyq dóńgelek ústel aıasynda ótetin «Atameken» İskerlik úıiniń» paneldik sesıasynda kezinde naqtylanady. Atalǵan shara bıyl 28 qarashada Nur-Sultan qalasynda ótedi, jıynǵa 20 eldegi qazaq dıasporasynan 150 delegat qatysady.