Bul jerden utylmaı shyǵýym kerek! 3 jyl buryn ol kazıno tabaldyryǵynan alǵash attaǵanda óz-ózine sondaı sert bergen. Áýelde ol sertin oryndap ta júrdi. Onyń tym sergek oınaıtynyn, qoly júrmeı bastaǵanda birden es jıyp syrtqa shyǵar esikti izdeıtinin kórgen birdi-ekili kazınolar kelesi barǵanynda kirgizbeı qaıtarǵan. Bul onyń ishinde «Men kazınolarǵa qolaısyz klıentpin» degen maqtanysh týǵyzǵan. Osy maqtanysh keıin orǵa jyqty. Alǵashynda kazınoǵa 500-1000 dollarmen ǵana baratyn keıipkerimiz keıin qumar oıynǵa dep qana otbasy búdjetinen tys 80 myń dollar ustap júretin kúıge jetken.
Utysqa salatyn aqshanyń somasymen birge kazınoda ótkizetin ýaqyt ta ulǵaıa bergen edi. Qazir qarap otyrsa, táýliktiń 24 saǵatyn túgel qumar oıynnyń ústelinde ótkizgen kezderi bolǵan eken.
Salmaqty minezimen, oryndy sózimen, ornyqty júris-turysymen el-jurtqa syıly atanǵan jigit qanaǵattan aıyrylǵan kúnnen bastap qazaqı tárbıesin tonatyp, qumar oıynnyń qulyna aınalyp shyǵa keledi. Eń alǵash ret kazınoǵa 30 myń dollarmen baryp aınalasyndaǵylardy «tańǵaldyrǵany» esinde. «Uttyrǵan aqshamdy qaıtarmaı ketpeımin» deıtin qaǵıdaty basynda múltiksiz jumys isteıtin edi. 4 ret 30 myń dollardy túgel uttyryp, 4 ret qaıtaryp alǵanda muny taǵdyrdyń eskertýi dep emes, jolynyń bolǵyshtyǵy dep baǵalaǵany jáne bar.
Qatarynan tórt ret ese qaıtarǵanymen besinshi ret oıbaı utylǵan edi. Qumǵa quıǵan sýdaı sińip joq bolǵan 30 myń dollardy eselep qaıtaram degen esek dámemen 15 myń dollardy taǵy saldy. Ol kezde abyroıyna syzat túse qoımaǵan buǵan qaryz beretin tanystary barshylyq edi. Biraq sonyń 10 myń dollaryn ǵana qaıtara aldy. Qalǵan 5 myń dollardy qaıtarý kerek degen jeleýmen kazıno tabaldyryǵynan taǵy attaıdy, utylady. Osylaı bastalǵan áýestik ony 200 myń dollar qaryzǵa tap keltirgende esin biraq jıǵan edi. Qaryzdyń kúlip kirip, jylap shyǵatyn ádeti. Astynda kóz jaýyn alatyn kóliginen aıyrylǵany ber jaǵy ǵana eken. Burynǵydaı el aldyna shyǵý túgil telefon tutqasyn kóterýden qashatyn jaǵdaıǵa jetedi. Keıipkerimiz moınyndaǵy 200 myń dollardy kazınodan qaıtarý endi tipten múmkin emes ekenin dos-jarandy qoıyp úıdegi aǵa-baýyr men jarǵa jeksuryn atanǵan kezde ǵana túsingen bolatyn.
Bul oıdan shyǵarylǵan keıipker emes. Aty-jóni – Baǵlan Ábdiraıymov. Qazaq estradasynyń jaryq juldyzy, «Jigitter» kvartetiniń solısi dál osylaı qumar oıynnyń qulyna aınaldy degenge ózi aıtpasa sený de qıyn. Óz basyndaǵy osy bir oqıǵa ózgege sabaq bolsyn degen nıetpen keıin «Zero» degen fılm de túsirdi.
«Tek «áttegen-aı» deıtin ókinishter bar. Qaryzdan qutylý jolynda kóp adamǵa jeksuryn boldym. Meniń qatarlastarym ákesine kólik, anasyna jańa úı syılap jatqanda men ýaıym «syılaǵanymdy oılasam» otyra almaı ketemin. Kazınoǵa ekinshi ret barǵanymda maǵan eshkim: «Qoı», «Sen qaıtyp kelipsiń ǵoı» degen joq», - dep eske alady ózi.
20 mıllıon halyqtyń ishinen sýyrylyp shyǵyp, ataq pen abyroıǵa, baılyq pen tabysqa jetken tanymal adamnyń ózin osynsha músápir kúıge túsirgen lýdomanıa deıtin dert qarapaıym adamǵa qanshalyqty aýyr júk arqalaıtynyn osy mysaldan-aq kórýge bolady.
Resmı aqparat boıynsha, Qazaqstanda oıyn bıznesiniń 26 sýbektisi bar. Onyń altaýy kazıno, toǵyzy oıyn avtomattary ornatylǵan zal, 11-i býkmekerlik keńse. Biraq bul resmı tirkelgenderi ǵana ekenin umytpaý kerek.
2020 jyly býkmekerlik keńseler men totalızator keńseleriniń kasalary túgeldeı Qapshaǵaı jaǵalaýy men Býrabaıǵa kóshirilgen. Bul tártipke baǵynǵysy kelmegender de boldy. Óıtkeni utystan paıda taýyp otyrǵan kásipkerler Qapshaǵaı men Býrabaıdaǵy básekege shydaı almaıtynyn jaqsy biletin. Ol jaqta kileń qaltalylar júrgenimen, olardy aldaý jergilikti ańqaý halyqty aldaýdan áldeqaıda qıyn bolatynyn jaqsy biletin. 2021-2024 jyldar aralyǵynda memleket talabyn oryndamaǵan 36 oıyn mekemesi lısenzıasynan aıyryldy. Bul 28 býkmekerlik keńse, 6 totalızator jáne 2 oıyn avtomatynyń zaly jabyldy degen sóz.
«Et buzylsa, tús sebemiz, tuz buzylsa ne sebemiz» degendeı offlaın kazınonyń jabýǵa bolady. Al onlaın kazınoǵa aıyl jıǵyzý múmkin emes deýge de bolady. Úkimet zańsyz oıyn bıznesi men lýdomanıaǵa qarsy is-qımyldyń 2024-2026 jyldarǵa arnalǵan keshendi jospary arqyly ınternet-kazınolar men zańsyz býkmekerlik saıttardy joıýdy kózdep otyr. 2024 jyly 450 resýrsty, 2025 jyly 990 resýrsty, 2026 jyly 1782 resýrsty buǵattamaqshy. Biraq mundaı saıttar men ınternet-kazınolardy buǵattaý máseleni túbegeıli sheshedi desek, jalǵan sóılegen bolar edik. Qazaqstan aýmaǵynda buǵattalǵan saıtqa VPN arqyly kedergisiz kirýge bolatynyn kánigi lýdoman túgil oıyn balasy da jaqsy biledi.
Keıipkerimiz Baǵlan Ábdiraıymov You Tube arnalardyń birine bergen suhbatynda kazınolar keshe ǵana tonap qoıa bergen klıent erteńinde qaıta kelse, úıine qaıtarýdyń ornyna qýana qarsy alatynyn aıtyp shaǵymdanǵan edi. Degenmen memleket bul máseleni kazınolardy mindetteý arqyly emes, ár azamatqa ózin qumar oıynnan shekteý arqyly sheshýdi jón kórip otyr. Bir jaǵynan bul eń utymdy joly deýge de keledi. Ár kazınoǵa kún saıyn kiretin adamnyń árqaısysy keshe qansha aqsha uttyrǵanyn anyqtaý memlekettiń sharýasy bolady deý jáne onda sharýany shashaýsyz atqarý múmkin emes te.
Bıylǵy naýryzdan bastap Qazaqstannyń kez kelgen azamaty eGov mobile mobıldik qosymshasy arqyly ózin qumar oıyndarǵa jáne bás tigýge qatysýdan 6 aıdan 12 aıǵa deıingi merzimge erikti túrde shekteý týraly ótinish bere alady. Bul múmkindik Qazaqstan aýmaǵynda turaqty turatyn, eGov júıesine tirkele alǵan sheteldikterge de usynylyp otyr. Eki aıdyń ishinde ǵana osy múmkindikti 110 myńnan astam adam paıdalanǵan kórinedi.
Joǵaryda aıtqan zańsyz oıyn bıznesi men lýdomanıaǵa qarsy is-qımyldyń 2024-2026 jyldarǵa arnalǵan keshendi josparynda qumar oıyndarǵa jáne bás tigýge turaqty qatysatyn adamdar sanyn 350 myńnan 201,6 myńǵa deıin azaıtý kózdelgen. Osyǵan qarap qazir elimizde qumar oıynnyń shyrmaýynda 350 myń adam júr dep aıtýǵa bolady.
Qazaq qoǵamynda «baq» uǵymy árqashan eńbektiń, sabyrdyń jáne senimniń serigi retinde qabyldanǵan. «Sabyr túbi – sary altyn» deıdi halyq. Jaqynda 37 855 200 teńge kólemindegi utys ıesin tapqanda, bul mátel taǵy bir márte ózektiligin dáleldegendeı boldy. 5/36 lotereıasynyń jańa mıllıoneri – Almaty qalasynyń turǵyny Nurbol. Ol 15 jyl boıy lotereıa utystaryna turaqty túrde qatysyp kelgen. Bir qaraǵanda, bul jaı ǵana statısıkalyq sáttilik sıaqty kórinýi múmkin. Biraq 15 jyl degen – tabandylyqtyń ólshemi, úmittiń úzilmegen ýaqyty.
Nurboldyń «bul kúndi uzaq kúttim» degen sózi – jeke adamnyń qýanyshy ǵana emes, qoǵamdaǵy senim fenomeniniń kórinisi. Ár bılet – múmkindik. Biraq múmkindik pen jaýapkershilik qatar júrgende ǵana onyń áleýmettik salmaǵy artady.
Ulttyq deńgeıdegi lotereıa naryǵynda bul baǵytty aıqyndap otyrǵan qurylym – «Sátti Juldyz». Ulttyq lotereıa Prezıdenti Lytkına Marıa Vladımırovna iri utystardyń árdaıym júıeli áleýmettik jumysqa ulasatynyn atap kórsetedi. Onyń sózinshe, árbir satylǵan bılet – tek utý múmkindigi emes, qoǵam damýyna qosylǵan naqty úles. Bul jerde mańyzdysy – bıznes-modeldiń ózegine 10% áleýmettik aýdarymdardyń engizilýi. Operasıalyq oıyn kirisiniń 10% otandyq sportty damytýǵa, taǵy 10% «Qazaqstan Halqyna» qoǵamdyq qoryna jáne 3% kreatıvti ındýstrıanyń damýyna qoldaýǵa baǵyttalady.
Bul – jaı statısıka emes. Áleýmettik kapıtaldy qalyptastyrýdyń naqty tetigi. Máselen, 9–28 aqpan aralyǵynda ótetin «Marafon Charity» qaıyrymdylyq aksıasy aıasynda jınalǵan qarajattyń bir bóligi «100 aýyl» jobasyn qoldaýǵa jumsalady. Búgingi tańda osy joba arqyly 30 000-nan astam bala jáne 140 mektep sporttyq ınventarmen qamtylǵan. Bul – qurǵaq esep emes, aýyl balasynyń qolyna tıgen dop, mektep aýlasynda ornatylǵan týrnık, qozǵalysqa túsken ómir.
Lotereıa tek utys mehanıkasymen shektelmeıdi. Máselen, «LOTO 6/49» tırajdyq formaty – lotereıa mádenıetin qurylymdaýdyń mysaly. Qatysýshy 1-den 49-ǵa deıingi sandar arasynan kombınasıa jınaıdy, avtotańdaý múmkindigi bar. Ár bılet boıynsha utys somasy 500 - 50 000 000 ₸ aralyǵynda belgilengen. Al sýper júlde – 50 000 000 ₸. Kelesi tıraj 915 nómirimen 11 aqpan 2026 jyly, 22:00-de tikeleı efırde ótedi. Bul ashyqtyq pen jarıalylyq qaǵıdatynyń saqtalǵanyn kórsetedi.
Álemdik tájirıbege kóz salsaq, Ulybrıtanıadaǵy National Lottery jyl saıyn áleýmettik jobalarǵa mıllıardtaǵan fýnt baǵyttaıdy. Fransıada FDJ ulttyq mádenı mura obektilerin qalpyna keltirýge qarjy bóledi. AQSH-ta shtattyq lotereıalar bilim berý qorlaryn tolyqtyrýdyń mańyzdy kózine aınalǵan. Iaǵnı, lotereıa – tek kóńil kóterý emes, qoǵamdyq qarjylandyrý quraly.
Qazaq oıshyly Abaı «Paıda oılama, ar oıla» degen. Qazirgi lotereıa naryǵynda bul ustanym bıznestiń jańa etıkasyna aınalýy tıis. Eger tabys qoǵamǵa qaıtsa, onda lotereıa áleýmettik kelisimniń bir bóligine aınalady. «Utys – jeke tarıh, biraq onyń artynda ortaq qundylyqtar turýy kerek» degen tujyrym osydan týyndaıdy.
Árıne, syn da bar. Lotereıa – táýekel. Biraq táýekel mádenıeti qalyptasqanda, ol jaýapkershilikpen ólshenedi. Qoǵamdyq baqylaý, ashyq esep, naqty paıyzdyq aýdarymdar – osy senimniń tirekteri.
37 855 200 teńge utyp alǵan Nurboldyń oqıǵasy – jeke adamnyń jeńisi. Al 50 000 000 ₸ kólemindegi sýper júlde – kelesi múmkindiktiń sımvoly. Biraq 30 000 bala men 140 mektepke jetken sporttyq qural-jabdyq – júıeli áleýmettik saıasattyń nátıjesi.
Qazaq ádebıetinde Sáken Seıfýllın «Ómir – kúres» degen edi. Bul kúres tek jeke tabys úshin emes, ortaq ıgilik úshin de júrýi kerek. Lotereıa salasynyń bolashaǵy da osy teńgerimde jatyr: múmkindik pen mindettiń, utys pen úlestiń, jeke qýanysh pen qoǵamdyq jaýapkershiliktiń toǵysynda.
Sáttilik – kezdeısoqtyq emes. Ol senimmen, júıemen jáne ortaq qundylyqtarmen bekitilgende ǵana turaqty modelge aınalady. Bálkim, kelesi 50 000 000 ₸ ıegeri basqa bir qala turǵyny bolar. Biraq mańyzdysy – ár bıletten qoǵamǵa qaıtatyn úles. Sebebi ulttyń utysy – bir adamnyń baılyǵy emes, ortaq damýdyń qarqyny.
Keıde ómirdiń ózi adamǵa senarı jazyp beredi. Ásirese ol senarı kútpegen jerden bastalyp, bir sátte taǵdyrdyń baǵytyn ózgertip jiberse, oǵan sený de ońaı emes. Búgingi keıipkerimiz — Karına. Batys Qazaqstan oblysynan Almatyǵa kelip, oqý men jumysyn qatar alyp júrgen qarapaıym stýdent qyz. Biraq dál osy qarapaıym ómirdiń arasynda onyń basynan ótken oqıǵa kópshiliktiń qyzyǵýshylyǵyn týdyryp otyr.
Karına — úlken qalaǵa arman qýyp kelgen jastardyń biri. Almatyǵa qonys aýdarǵanyna kóp bolmaǵan. Qazir oqyp júr, sonymen qatar qosymsha jumys isteıdi. Iaǵnı, onyń kúndelikti tirshiligi myńdaǵan stýdenttiń ómirinen aıtarlyqtaı erekshelenbeıdi: sabaq, jumys, kúıbeń tirshilik. Biraq bir keshki qońyraý onyń ómirine jańa paraq ashty.
«Shynymdy aıtsam, maǵan keshki ýaqytta habarlasty. Jeńiske jetkenime múldem senbedim. Qazir kóp nárseni alaıaqtyq dep qabyldaımyz ǵoı, men de dál solaı oıladym», — deıdi Karına.
Onyń kúmáni oryndy edi. Búgingi sıfrlyq zamanda adamdar kez kelgen kútpegen jańalyqqa saqtyqpen qaraıdy. Ásirese, «siz uttyńyz» degen habarlamalar kóbine kúdik týdyrady. Karına da alǵashynda bul jaǵdaıdy shynaıy dep qabyldamaǵan. Biraq ol emosıaǵa berilmeı, naqty áreketke kóshedi.
«Keıin barlyq saıttardy, Instagram paraqshalaryn tekserdim. Maǵan keletin mekenjaıdy naqty aıtty. Sodan keıin ǵana baryp, osy jerge keldim», — deıdi ol.
Bul — qazirgi jastardyń jańa minezi. Olar senýden buryn tekseredi. Aqparatty súzgiden ótkizedi. Karına da dál solaı istedi. Jeńistiń shyn ekenine kóz jetkizý úshin birneshe derekkózdi qarap, baryp kóz jetkizgen.
Alaıda ol áli de sener-senbesin bilmeı otyrǵanyn jasyrmaıdy.
«Endi ǵana bunyń shyndyq ekenine kózim jetkendeı. Biraq áli de tolyq sene alar emespin», — deıdi ol kúlimsirep.
Karınanyń aıtýynsha, ol lotereıa álemine jaqynda ǵana qyzyǵa bastaǵan. Buryn bul baǵyt oǵan múlde qyzyq bolmaǵan.
«Lotereıaǵa qatysa bastaǵanyma kóp bolǵan joq. Loto 6/49 lotereıasynan qatystym, birneshe ret TeleBingo-ǵa qatystym. Buryn eshqashan eshteńe utyp kórmegenmin. Tipti qyzyqpaıtynmyn da», — deıdi ol. 
Bul qyzyǵýshylyqtyń paıda bolýyna onyń ápkesi sebepker bolǵan.
«Jaqynda ǵana qyzyǵýshylyǵym oıandy. Óıtkeni ápkem lezdik lotereıalar satyp alady. Sosyn bizge onlaın qatysýǵa da bolatynyn aıtty. Sol kezde qosymshany júktep, tirkelip, óz baqytymdy synap kóreıin dep sheshtim», — deıdi Karına.
Onyń bul qadamy — búgingi sıfrlyq dáýirdiń aıqyn kórinisi. Qazir kez kelgen múmkindik smartfon arqyly qoljetimdi. Al adam tek batyldyq tanytyp, áreket etse jetkilikti.
Eń qyzyǵy — Karına bul jańalyqty áli eshkimge aıtpaǵan.
«Ázirge eshkimge aıtqan emespin. Bul ata-anam úshin tosynsyı bolǵanyn qalaımyn», — deıdi ol.
Bul sózderden onyń qarapaıymdylyǵy men otbasyna degen qurmeti anyq baıqalady. Kóp adam mundaı jańalyqty birden jarıa eter edi. Al Karına úshin eń mańyzdysy — ata-anasynyń qýanyshy.
Onyń alǵashqy jospary da osyǵan baılanysty.
«Árıne, ata-anama kómektesemin. Oqý aqysyn tóleımin. Qalǵanyn áli naqty bilmeımin», — deıdi ol.
Bul jaýapta úlken ómirlik ustanym jatyr. Iaǵnı, kezdeısoq kelgen tabysty tek jeke qajettilikke emes, otbasylyq qundylyqtarǵa baǵyttaý. Bul — qazaqy tárbıeniń aıqyn belgisi.
Karına óziniń jeńisin «sáttilik» dep baǵalaıdy. Biraq onyń sózderiniń astarynda bir ǵana sáttilik emes, belgili bir batyldyq ta jatyr. Óıtkeni ol jańa múmkindikti baıqap, áreket etti.
«Árıne, eger bir ret jolym bolsa, taǵy da jeńiske jetemin dep oılaımyn. Sáttilik tek qana sáttilik tileımin», — deıdi ol.
Karınanyń oqıǵasy — búgingi jastar úshin mańyzdy sıgnal. Birinshiden, kez kelgen aqparatty tekserý kerek. Ekinshiden, múmkindikke sený úshin áreket qajet. Úshinshiden, tabys kelgen jaǵdaıda onyń qunyn túsinip, durys baǵytqa jumsaý mańyzdy.
Bul oqıǵada romantıka da, realızm de bar. Bir jaǵynan — kútpegen jeńis. Ekinshi jaǵynan — kúmán, tekseris, naqty áreket. Úshinshi jaǵynan — qarapaıym armandar: ata-anaǵa kómektesý, oqýyn jalǵastyrý.
Sondyqtan Karınanyń hıkaıasy — jaı ǵana lotereıa týraly áńgime emes. Bul — qazirgi qazaqstandyq jastyń portreti. Senim men kúmánniń, múmkindik pen jaýapkershiliktiń, arman men shynaıylyqtyń toǵysqan tusy.
Al ómirdiń basty paradoksy — keıde eń úlken ózgerister dál senbegen sátte bastalady.
Keıbir kúnder bar. Tańmen talasa turyp, keshke deıin kúıbeń tirlikpen ótip ketedi. Al keı kúnder bar – ómirdiń betalysyn basqa arnaǵa burady. 20 shilde sondaı kún boldy. Sebebi dál sol kúni TeleBingo oıynynyń efırinde bir emes, eki birdeı taǵdyr ózgerdi. Biri – astanalyq Ǵalymjan, ekinshisi – Túrkistan oblysynyń turǵyny, Vera esimdi úı sharýasyndaǵy áıel.
Bul – jaı ǵana jeńis emes. Bul – júrekke úmit, kózge qýanysh, ómirge ózgeris syılaǵan sát.
6 842 242 teńge. Bir sátte kelgen jeńildik
Munaı men gazdyń arasynda júrip, kúnde eńbek etip júrgen Ǵalymjan – elorda turǵyny. TeleBingo, LOTO 6/49 jáne 5/36 sekildi lotereıalardyń burynnan qatysýshysy. Bul joly da sáttilik qasynan tabyldy. Týra 6 842 242 teńge. Bul – tek aqsha emes, bul – erkin tynys, jeńil dem, bolashaqqa degen senim.
"Úlken qyzyǵýshylyqpen qatysamyn. Biraq jaýapkershilikti de umytpaımyn. Árıne, mundaı jeńis qýanysh pen jeńildik sezimin ákeledi", – deıdi Ǵalymjan. Úılengen, eki balanyń ákesi. Bul aqsha – tek ózine emes, otbasynyń bolashaǵyna salynǵan ınvestısıa. Qaryz jabylady, kúndelikti shyǵyn retteledi.
Jeńis – eńbekpen úıleskende ǵana shynaıy baqytqa aınalady.
Tólebı aýdany. Úı sharýasyndaǵy áıel. 15 mıllıon teńge.
Veranyń oqıǵasy tipti kınoǵa suranyp turǵandaı. Jáı ǵana áıel. Jáı ǵana ana. Úsh balanyń anasy. Joldasynyń súıenishi. Ájesiniń kútýshisi. Alǵashqy lotereıa bıletin úsh aı buryn ǵana satyp alǵan. Buryn-sońdy mundaıǵa qatyspaǵan. Biraq ishteı bir úmitpen satyp alǵan. Sol úmit aqtaldy.
Teledıdardan páter utysy jaıly estigende, sene almady. Ulttyq lotereıanyń call-ortalyǵyna ózi habarlasyp, tekserip kórdi. Sosyn ǵana Shymkenttegi "Sátti Juldyz" keńsesine baryp, utysyn rásimdedi. Biraq páter emes, 15 000 000 teńge aqshalaı syılyqty tańdady. Sebebi ómirdiń jospary keıde páterden de keń.
"Negizi meniń jolym boldy. Al ári qaraı ne bolaryn ómir ózi kórsetedi", – deıdi Vera kúlimdep. Bul kúlki – ishki senimniń, júrek qýanyshynyń beınesi.
Lotereıa – úmittiń ekinshi aty
Keıde biz lotereıany tek sáttilik oıyny dep qabyldaımyz. Biraq árbir bılet – bir taǵdyr. Árbir tıraj – jańa taraý. TeleBingo, LOTO 6/49, 5/36 – bul sandar ǵana emes. Bul – qarapaıym adamdardyń erekshe oqıǵalary. Bul – elimizdiń túkpir-túkpirindegi úmit sáýlesi.
"Jeńimpazdarymyzdy shyn júrekten quttyqtaımyn! Biz árqashan lotereıa qatysýshylaryna qýanysh pen jaqsy emosıalar syılaýǵa daıynbyz. Árbir jeńis – bul jaı ǵana sáttilik emes, shabyt beretin jáne armandarǵa senim uıalatatyn shynaıy oqıǵa", – dedi "Sátti Juldyz" Ulttyq lotereıasynyń prezıdenti Marıa Lytkına.
Bul sózdiń astarynda – júzdegen, myńdaǵan taǵdyrdyń úni jatyr.
29 shilde. Taǵy bir múmkindik.
Jeńis esigin qaqqan sát – qaıta aınalyp soǵýy múmkin. Ol úshin bir ǵana bılet jetkilikti. 29 shildede "Sátti Juldyzdyń" YouTube arnasynda tikeleı efırde LOTO 6/49 qatysýshylary arasynda otbasylyq krosover utysy ótedi. Qatysý úshin 3 000 teńgelik bılet satyp alý jetkilikti. Bıletter saýda núktelerinde jáne sz.kz saıtynda qoljetimdi.
Bul tek temir men dóńgelek emes. Bul – otbasyǵa arnalǵan jańa saıahat. Jańa betburys.
Bir bılet – bir ómir
Ǵalymjan men Veranyń hıkaıasy – lotereıanyń jaı oıyn emes ekenin dáleldeıdi. Bul – senim men shabyttyń, úmit pen bolashaqtyń toǵysqan tusy. Keıde tek bir bılet – ómirdiń baǵytyn túbegeıli ózgertip jiberedi.
Ulys.kz oqyrmandaryna aıtarymyz: sáttilik kútpegen sátte keledi. Biraq oǵan daıyn bolý – óz qolyńyzda.
Al sizdiń bıletińiz daıyn ba?
