Ol keldi. Biraq betin kórsetpeı keldi.
Sebebi – jeńisi jaı ǵana sáttilik emes. Qaýip-qaterimen birge kelgen qupıa.
Qolyndaǵy utys – úsh júz mıllıon teńgege jýyq. Dollarǵa shaqsańyz – jarty mıllıon.
Mundaı soma qazaqtyń túsine kirse, shoshyp oıanady.
Al myna azamat – oıanyp turyp utyp alǵan.
Ulttyq lotereıanyń «LOTO 6/49» lotereıasynda rekordtyq utys ıesi atanǵan Qaırat esimdi kásipker – búgingi kúnniń «juldyzdy jeńimpazy». Biraq ol ataqqa emes, qaýipsizdikke jaqynyraq. Jeńgen sátte de, jar salǵan joq. Úndemedi.
Úıindegi áke-sheshege de aıtpady. Sebebi olardy ýaıymdatyp qoıǵysy kelmedi.
Qaırattyń tańdaýy túsken tırajdy lotereıa – «LOTO 6/49».
Erejesi qarapaıym: qyryq toǵyz nómirdiń ishinen altysyn tabasyz. Biraq sol alty san dál kelse – armanyńyz oryndalyp, ómirińiz ózgerýi múmkin.
Bul – júıeli djekpot. Eger basty utysty eshkim uta almasa, kelesi tırajǵa qosylady. Sóıtip, sát saıyn somma ósip otyrady. Qaırattyń joly sondaı bir sátte ashyldy. Jáne bul sát – elimiz úshin rekord.
Iá, bul – Táýelsiz Qazaqstan tarıhyndaǵy eń iri lotereıalyq utys.
Buǵan deıin mundaı kólemdegi júlde tirkelmegen. Demek, Qaırat tek jeńimpaz emes, jańa kezeńniń statısıkasyn da bastap berdi.
Qaryzy kóp pe? Kóp.
Pandemıada alǵan qaryzy – 150 mıllıon teńge.
«Sony jabamyn», – deıdi.
Alyp-ushpaıdy. Tosyn baılyqtan tasynyp ketpeıdi.
Qaıta, arqalaǵany aýyr, aıtqany sabyr.
«Mundaı utys tústi» degen SMS kelgende de senbepti.
Kóńili úırengeni – bes júz teńge, bes myń teńge.
Al mynaý – sanaǵa syımas san.
Eń bastysy – ol qatysýdy toqtatpaıdy. «TeleBingo, 5/36, LOTO 6/49 lotereıalaryna qatysyp júrmin. Taǵy da baq synaımyn», – deıdi.
Bul – jeńgen jannyń emes, jeńilmegen minezdiń sózi.
Juldyz kıip alǵan jeńimpaz – búgingi qoǵamnyń kórinisi.
Qorqaq qoǵam. Maqtanýdan emes, jarıa bolýdan qorqatyn zaman.
Baqytty jasyryp ustaý – jańa dástúrge aınaldy.
Bálkim, Qaırattyń shynaıy jeńisi – aqshadan buryn osy sabyr men esti qadam bolar.
**** Maqalanyń aqysy tólengen