Jetisý oblysynda eki júk kóligi soqtyǵysty. Saldarynan 16 jeńil kólik túgi qalmaı janyp ketti. Bul týraly Jetisý oblystyq polısıa departamentinen málim etti, dep habarlaıdy Ulys.
PD málimetinshe, jol-kólik oqıǵasy búgin, 23 tamyzda saǵat 18:15 shamasynda «Batys Eýropa - Batys Qytaı» avtojolynyń 278-shaqyrymynda boldy.
«Eki júk kóligi soǵylyp, 16 kólik órtenip ketti. Onyń 14-i júk kólikterine tıelgen jeńil avtokólikter bolǵan. Birinshi avtokóliktiń júrgizýshisi aman, ekinshi avtokólik júrgizýshisiniń taǵdyry belgisiz. Oqıǵanyń sebebi anyqtalyp jatyr», - dedi Jetisý oblystyq PD JPQB bastyǵy Qaısar Mýhmetov.