Qyzylorda oblysy Syrym aýdanynda stýdenttik qurylys jasaǵy jumysyn bastady. Qazirgi tańda Jympıty, Buldyrty, Óleńti jáne Kózdiǵara aýyldarynda úıi tasqynnnan zardap shekken turǵyndar úshin 114 jańa baspana boı kóterýde. Qurylys jasaǵyndaǵy 50 stýdent jaz boıy qonystoıdy jaqyndatýǵa úles qospaq. 

Aýyldaǵy jumyssyz jastar úshin ıgilikti jobany usynǵan - “Aýyl» halyqtyq-demokratıalyq patrıottyq partıasy.  

Búgin Jympıtyda eńbek sarbazdaryn saltanatty qatarǵa qabyldaý sharasy ótti. Sharaǵa Syrym aýdanynyń ákimi Jumageldi Batyrnıazov, «Aýyl» partıasy tóraǵasynyń orynbasary Qaırat Aıtýǵanov, Batys Qazaqstan oblysy Qoǵamdyq damý basqarmasy basshysynyń orynbasary Medkat Qambetov qatysty.

- “Aýyl” partıasynyń jańa jobasynyń Syrym aýdanynda bastaý alǵanyna qýanyshtymyz. Bul joba jastardy eńbekke baýlyp, halyqtyń muń-muqtajyn ishten sezinip, Otanǵa degen súıispenshilikteriniń arta túsýine ońynan áser etedi dep senemin. Baspanasyz qalǵan azamattar jyly uıalarymen tezirek qaýyshýyna tilektespiz. Halqymyzdyń ár azamaty qolynan kelgenshe osy jolda qyzmet etsin! - dedi aýdan ákimi Jumageldi Batyrnıazov.

Qurylys jasaǵynyń qararyn komandır Meırambek Batyrgereev tapsyrdy. Belsendi stýdent Áset Myrzaǵalıev qatarlastaryn jaýapty jumys atqarýǵa shaqyrdy. 

Aıta keteıik, “Aýyl” partıasynyń janyndaǵy jastar qanaty tótenshe jaǵdaı ýaǵynda halyqpen birge boldy. 

- Tótenshe jaǵdaı jarıalanǵan kúnnen bastap óńirlik partıa fılıalynyń ujymy jáne «Aýyl jastary» qanatynyń 70 - ten astam eriktileri bóget jumystaryn júrgizýge, apat saldaryn joıýǵa barynsha atsalysty. Partıa tarapynan eriktiler quramy jasaqtalyp, keń kólemde gýmanıtarlyq kómek uıymdastyryldy. Bizdiń jastarymyzdyń bastamasymen óńirimizge eki júk kóligimen 25 tonnadan astam gýmanıtarlyq kómek jetkizilip, sý tasqynynan zardap shekken turǵyndarǵa taratyldy. - deıdi jastar qanatynyń tóraǵasy Dáýren Rahymbek. 

Jas qurylysshylar saltanatty jıynnan keıin tike qurylys nysandaryna attanyp, jumys kúnin bastap ta ketti. Syrym aýdanynyń ákimi Jumageldi Joldybaıuly “Aýyl” partıasynyń ókilderimen birge saltanatty kirpish qalaýǵa qatysty. 

Búgin Astanada «Azamattyq bastamalardy qoldaý ortalyǵy» jáne QR Mádenıet jáne aqparat mınıstrliginiń qoldaýymen Qazaqstannyń Ekologıalyq qory iske asyratyn «Kásipkerlikti damytýdy memlekettik jáne jeke qoldaý sharalary týraly aýyldyq aýmaqtardaǵy jastardyń habardar bolý deńgeıin arttyrý» eki jyldyq jobasynyń aıaqtalýyna arnalǵan baspasóz konferensıasy ótti.  Joba elimizdiń aýyldyq óńirlerindegi jastar arasynda kásipkerlik belsendilikti arttyrý baǵytyndaǵy mańyzdy qadam boldy.

Joba negizgi mindetterdi sheshýge baǵyttalǵan, sonyń ishinde:

1. Jastardyń kásipkerlik belsendiligin arttyrý: NEET (jumyssyzdar nemese dıplomy joq azamattar) jastardy bıznes júrgizý negizderine jáne jumys izdeýge úıretý mańyzdy mindet boldy. Jobany iske asyrý barysynda Qazaqstannyń 17 óńirin qamtyǵan kóptegen oqytý is-sharalary ótkizildi.

2. Kedergilerdi zertteý: joba jastardyń bıznesti ashýdaǵy kedergilerin anyqtaýǵa baǵyttalǵan zertteýler júrgizdi. Bul zertteýler jastardyń qol jetimdi qoldaý sharalary týraly habardarlyǵyn arttyrýǵa negiz boldy.

3.Aqparattyq buryshtardy qurý: jumyspen qamtý jáne kásipkerlikti memlekettik qoldaý týraly materıaldardy qamtıtyn arnaıy aqparattyq buryshtar quryldy. Bul buryshtar oqý oryndary men qoǵamdyq ortalyqtarda qol jetimdi boldy, jastarǵa qajetti aqparat berdi.

Joba aıasynda Aqmola, Qaraǵandy, Qyzylorda jáne Qostanaı oblystarynda kóshpeli dárister men semınarlar uıymdastyrylyp, oǵan ár oblystan 200-den astam adam qatysty. Sondaı-aq NEET jastary arasynda úzdik bıznes-ıdeıaǵa baıqaý ótkizildi, oǵan 55 ótinim qatysty. Fınalǵa shyqqan on adam óz ıdeıalaryn usyný múmkindigine ıe boldy, bul olardyń óz isin ashýǵa degen yntasyn aıtarlyqtaı arttyrdy.

20 jas úshin SMM negizderi boıynsha qarqyndy kýrs uıymdastyryldy, onyń qorytyndysy boıynsha barlyq qatysýshylar sertıfıkattarǵa ıe boldy. Olardyń úsheýi olardyń kásibı ósýi men damýyna yqpal etip, ári qaraı tálimgerlik etý úshin tańdaldy.

Joba aqparattyq qoldaýǵa da nazar aýdardy. Qoldaý sharalary týraly broshúralar, paraqshalar men beınerolıkter ázirlenip, taratyldy, Instagram jáne TikTok áleýmettik jelilerinde 56 000-nan astam qoldanýshylardy qamtydy. Jyl basynan beri senim telefony qurylyp, oǵan 115 adam keńes suraǵan. Sondaı-aq hostıng merzimi uzartylyp, jas kásipkerlerge arnalǵan aqparattyq-keńes berý ortalyǵynyń turaqtylyǵy qamtamasyz etildi.

Júrgizilgen zertteýler men taldaý nátıjeleri boıynsha aýyl jastarynyń memlekettik qoldaý sharalary týraly habardar bolýyn arttyrý boıynsha usynystary bar esep qurastyryldy. Bul qujat elimizdiń 8 óńirinde tanystyrylyp, aldaǵy ýaqytta kásipkerlikti qoldaý salasyndaǵy jumystardyń negizi bolmaq.

«Bizdiń joba jastardyń kásipkerlik salasyndaǵy memlekettik jáne jeke qoldaý múmkindikteri týraly habardarlyǵyn arttyrýdaǵy mańyzdy qadam boldy. Alynǵan bilim men daǵdylar jastarǵa óz bıznesin ashýǵa ǵana emes, óz ıdeıalaryn is júzinde júzege asyrýǵa da kómektesedi dep úmittenemiz», — dep atap ótti Qazaqstannyń ekologıalyq qorynyń prezıdenti Aıgúl Abdýalıeva.

Qazaqstannyń Ekologıalyq Qory óz aldyna turaqty ekonomıkany jáne belsendi azamattyq qatysýdy damytýǵa baǵyttalǵan órshil maqsattar men mindetter qoıa otyryp, jastardy kásipkerlikte qoldaý jónindegi jumysty jalǵastyrady.

Joba boıynsha qosymsha aqparat pen materıaldar alý úshin kórsetilgen kontaktiler boıynsha bizge habarlasyńyz.

Baılanys aqparaty: Nazerke +7 708 931 0789