Merke-SHý-Býrylbaıtal tasjolynda bolǵan jol apatynan alty adam, onyń ishinde eki patrúl qyzmetkeri qaza tapty, dep habarlaıdy Ulys.
Jol-kólik oqıǵasy týraly aqparat jáne qaıǵyly oqıǵa ornynan kadrlar áleýmettik jelide jarıalandy. Kólikter Merke-SHý-Býrylbaıtal tasjolynda soqtyǵysqany habarlandy.
Polısıa departamentiniń baspasóz qyzmeti apat 17 tamyzda saǵat 01:00 shamasynda, Merke-SHý - Býrylbaıtal respýblıkalyq mańyzy bar avtojolynyń 40-shaqyrymynda bolǵan.
«Toyota Alphard kóliginiń júrgizýshisi qarsy jolaqqa shyǵyp, Skoda Octavia patrúldik polısıasynyń kóligimen soqtyǵysqan. Saldarynan qyzmettik kólikte bolǵan jáne jol qaýipsizdigin qamtamasyz etetin trassada patrúldeý júrgizgen eki patrúldik polısıa oqıǵa ornynda qaza tapty. Qaza bolǵan polısıa qyzmetkerleriniń biri 11 bala tárbıelep otyrǵan kóp balaly áke bolatyn. Toyota Alphard kóliginde 8 jolaýshy bolǵan. Olardyń tórteýi sol jerde qaıtys boldy, al júrgizýshi úsh jolaýshymen birge ártúrli dárejedegi jaraqatpen ortalyq aýdandyq aýrýhanaǵa jatqyzyldy», - dep habarlady polısıa.
Osy fakti boıynsha Qylmystyq kodekstiń 345-baby 4-bóligi «ólimge ákep soqtyrǵan jol qozǵalysy erejelerin buzý» boıynsha sotqa deıingi tergeý bastaldy. Tergeý sharalary júrgizilýde.