Atyraý oblysynda Jaıyq ózenindegi sý deńgeıi taǵy kóterildi. Bul týraly Ulys Atyraý oblysynyń jedel shtabyna silteme jasap habarlaıdy.
Atyraý oblysy Inder aýdany Inderbor eldi mekeni Jaıyq ózeninde sý deńgeıi kóterilýde. Qazirgi tańda Qyzylorda oblysy TJD kúshimen bógetti nyǵaıtý jumystary júrgizilýde.
Tasqynnan qorǵaný maqsatynda Mahambet pen Sarytoǵaı aýyly ortasyndaǵy jol arasy ýaqytsha jyryldy
Mahambet aýdany TJ jónindegi shtabtyń sheshimimen sý deńgeıin azaıtý maqsatynda
Mahambet aýyly men Sarytoǵaı aýyly ortasyndaǵy jol arasy jyrylyp, qatynas ýaqytsha toqtatyldy.
«Jaıyq ózeni jaǵy betinen ór sýy mol kelýde. Sý deńgeıin azaıtý maqsatynda arnaıy tehnıkalardyń kómegimen aýyl aralyq jol buzylyp, uzyndyǵy 11 metr, eni 1,5 metrlik 2 dana qubyr turbasyn salý jumystary júrgizildi. Osyǵan baılanysty, jol qatynasy ýaqytsha toqtatylyp, aýyl turǵyndaryna jaǵdaı tolyqtaı túsindirildi» dep naqtylady Mahambet aýdanynyń ákimi Qaırat Nurlybaev.
Mahambet aýyldyq okrýgi men Sarytoǵaı aýylyn jalǵap jatyrǵan joldyń jalpy uzyndyǵy 5 shaqyrym.
Mahambet, Sarytoǵaı aýyldarynda 12 924 adam turady.