Búgin (26.02.2024) Danıar Álpıevke aldanǵan bir top saýdager Almaty oblystyq polısıa departamentinde shý shyǵardy, dep habarlaıdy “Adyrna” saıty.

Qonaev qalasyna kelgen kásipkerler áleýmettik jelide Danıar Álpıevti, Ermek Marqabaevty aqtap alýdy kózdeıtin advokattardyń áreketterine, kórshi memleketke nota joldatqan astyrtyn oıyndarǵa alańdaýly ekenderin jetkizdi.
Qylmystyq áreketti jumsartý úshin jasalatyn aqparattyq naýqan tergeýge qysym kórsetýdiń bir túri. Sońǵy ýaqytta bul úrdis qalypty jaıtqa aınalyp, Bıshimbaevty da aqtap alý áreketteri áshkere bolýda. Sondyqtan, japa shegýshi tarap Almaty oblystyq polısıa departamenti bastyǵynyń orynbasary Serik Qasenuly Shalqarovqa birneshe suraqty júzbe-júz qoıdy:

“Saýdagerlerdi sergeldeńge salǵan, 2 mlrd-qa jýyq qarjy jymqyrǵan Danıar Álpıevtiń uıymdasqan tobyna qandaı shara qoldanyldy? Alaıaqtyq boıynsha qylmystyq is qozǵaldy ma (№3 pavılon qurylysy)? Jábirlenýshiler sany qanshaǵa jetti? Pavılon qurylysyna qarjy jınaýǵa tikeleı qatysy bar Ermek Marqabaev, kasır Marjan Esjanova, Beket Ábilov jáne basqalarǵa nege shara qoldanylmaı jatyr?” - dedi.

Búgingi jıynǵa Danıar Álpıevtiń týǵan-týystary da qatysqan. Buǵan deıin Danıar Álpıevtiń basshylyǵyndaǵy kompanıa úshinshi pavılondy salý úshin 300-den astam úleskerden zańsyz qarajat jınaǵan.

Atap aıtqanda, bazardyń atqarýshy dırektory bolyp qyzmet atqarǵan qyrǵyz azamaty Ermek Marqabaev, kasada jumys istegen Marjan Esjanova jáne bazardyń baqylaýshysy Beket Ábilov syndy tulǵalardyń qatysýymen bolǵan zańsyz qarjy jınaý áreketi áli kúnge deıin óz sheshimin tappaǵan.

Almaty oblysy polısıa departamentiniń basshylyǵy  úleskerlerdiń kókeıtesti máselesi boıynsha qylmystyq is qozǵalatynyn jáne úleskerlerdi jábirlenýshi retinde tanıtyndyǵyn aıtty.

«Westoil Software» kompanıasy taǵy da málimdeme jasady, dep habarlaıdy Ulys.

«Narazylyq aksıasyn toqtatqysy kelmegen 50 adam qyzmetten bosatyldy.Búgin, 29 aqpanda" Westoil Software " kompanıasy jumysqa ornalasýǵa kezekte turǵan azamattar arasynan úmitkerlermen áńgimelesýdi bastady. Qyzmetkerler zańsyz narazylyq aksıasyna qatysqanyna qaramastan, biz olarǵa jumysqa qabyldaý júrgizilgenge deıin kelisim komısıasy arqyly qaıta jumys oryndaryna oralýǵa múmkindik beremiz. Paıda bolǵan bos jumys oryndaryna kandıdattardy irikteý zańsyz narazylyq aksıasyna qatysýshylarmen eńbek sharttary buzylǵan jáne olardy jumysqa kezekke turǵan azamattarmen aýystyrǵan kezde kezeń-kezeńimen júrgiziletin bolady», - delingen kompanıa habarlamasynda.

Buǵan deıin habarlaǵanymyzdaı atalǵan kompanıa birneshe ret málimdeme jasap, jaǵdaıdy túsindirgen bolatyn.

Ótken jyldyń 11 jeltoqsanynan bastap, Mańǵystaý oblysyndaǵy West Oil Software qyzmetkerleriniń ereýili jalǵasýda. Keıin West Oil Software –dyń narazy jumyskerlerin jumyssyz júrgen jetibaılyqtar basýǵa daıyn ekeni habarlandy.

BAQ pen áleýmettik jelide transvestıtter shoýyna barǵannan keıin jumystan shyqqan muǵalimderdiń jaǵdaıy týraly aqparat tarap jatyr. Bul oqıǵaǵa qatysty burynǵy oqý-aǵartý mınıstri, qazirgi Májilis depýtaty Asqat Aımaǵambetov te pikir bildirdi. Bul týraly “KTK” telearnasy habarlaıdy.

Telearna málimetinshe, muǵalimder Túrkıada demalyp júrgen kezinde shoýǵa barǵan. Keıin áleýmettik jelilerde vıdeo tarap, bul jaıt oqýshylardyń ata-analary men pedagogterdiń áriptesteriniń narazylyǵyn týdyrypty.

Bul oraıda depýtat muǵalimderdiń óz quqyǵy bar qarapaıym azamattar ekenin aıtady.

Buǵan deıin Qyzylordadaǵy № 250 mekteptiń dırektory osy daý-damaıǵa baılanysty pedagogıkalyq keńes ótkizýge týra kelgenin, al keıin muǵalimder óz erkimen aryz jazǵanyn málimdedi. Oblystyq bilim basqarmasy ókilderi de bul jaǵdaıǵa klýbtaǵy kadrlar sebep bolmaǵanyn aıtty. Olardyń málimetinshe, eki muǵalim demalystan ýaqytynda oralmapty. Pedagogterdiń ózderi bul jaıtqa qatysty túsinikteme bermedi.

Depýtat Aımaǵambetov bárin muqıat anyqtaý kerek ekenin aıtty.

“Pedagogtar de biz sıaqty azamattar jáne eshkim óz quqyǵynan shektele almaıdy. Sondyqtan bul tusta muǵalimderge qoıylatyn talaptardy naqty saralaýymyz kerek. Árıne, joǵary talaptar óz aldyna. Biraq biz olardyń qarapaıym azamattar ekenin túsinýimiz kerek. Bul jaǵdaıda olardyń kinási ne ekenine bilý kerek”, – dedi ol.