Valúta baǵamy
  • USD -

    544.1
  • EUR -

    626.5
  • RUB -

    6.65
Burqanbulaq sarqyramasyna aparatyn joldyń qurylysy qashan bastalady
Foto: Jetisý obl ákimdigi 06 aqpan 2025
Burqanbulaq sarqyramasyna aparatyn joldyń qurylysy qashan bastalady

Bıyl Jetisý oblysynda 152 shaqyrym jol men 53 eldi mekenniń ishki joldaryna jóndeý jumystaryn júrgizý josparlanyp otyr. Sonyń ishinde 5 kópirdi qaıta jańǵyrtý, 1 kópirdi ortasha jóndeý, Burqanbulaq sarqyramasyna aparatyn 15 km joldyń rekonstrýksıasy, «Almaty – Óskemen – Lepsi – Aqtoǵaı» jolynyń 35-110 km ýchaskesiniń jańǵyrtý jumystary, eldi mekenderge kiretin joldar, ishki joldar t.b. jobalar bar, - dep habarlaıdy Jetisý oblysy ákiminiń baspasóz qyzmeti.

Oblystyq jolaýshy kóligi jáne avtomobıl joldary basqarmasynyń málimetine qaraǵanda, Jetisý oblysy qurylǵannan beri 2023-2024 jyldary oblystyq mańyzy bar 391,4 km jol jáne 134 eldi mekenniń ishki kósheleri jóndelgen. Máselen, 2024 jyly respýblıkalyq jáne oblystyq mańyzy bar avtomobıl joldary qaıta jańartylyp, «Taldyqorǵan-Úsharal» (313 km), «Lepsi-Balqash kóli» (27 km), «Saryózek-Kóktal» (45-68 km, Altynemel asýy), «Jarkent-Qorǵas» (328-360 km), «Úshtóbe-Kópbirlik» (78 km) baǵytyndaǵy iri jobalar paıdalanýǵa berildi. Sóıtip jaqsy jáne qanaǵattanarlyq jaǵdaıdaǵy obylystyq mańyzy bar avtojoldardyń úlesi 94%-ǵa jetkizildi.

Al bıyl óńirde 152 shaqyrym jolǵa, 53 eldi mekenniń ishki joldaryna jóndeý jasalady dep mejelengen. Kúrdeli jóndeý sheńberinde «Saryózek – Kóktal» avtojolyndaǵy Kónbe ózeninen ótetin jańa kópir salý, «Saryózek stansıasyn aınalyp ótý» avtojolynyń jol qurylymyn kúsheıtý jáne uzyndyǵy 21 km (Muqyry asýy ýchaskesi) «Qonaev – Taldyqorǵan» avtojolynyń jol jabynyn qaıta jańartý josparda bar. Sonymen qatar osy jyly «Almaty oblysynyń shekarasy - Saryózek kenti» (13 km), «Saryózek – Kóktal» (112 km) jáne «Aıdarly-Kóktal» (15 km) baǵytyndaǵy joldar jelisine ortasha jóndeý jumystary ótken jyldan ótpeli joba retinde jalǵasady.

 «Joldardyń normatıvtik jaı-kúıin saqtaý maqsatynda avtomattandyrylǵan ólsheý stansıalary ornatylýda. Oblys boıynsha osyndaı 8 stansıa qoıyldy. Olardyń 6-y respýblıkalyq trassalarda, 2-eýi oblystyq mańyzdaǵy joldarda ornalastyrylǵan. Mundaı stansıalar júk kólikteriniń salmaǵyn avtomatty túrde ólshep, belgilengen shekten asyp ketpeýin qadaǵalaıdy», - delingen basqarmanyń habarlamasynda.

Atap ótsek, ótken jyly óńirde avtomobıl joldarynda 24,0 mln. jolaýshy tasymaldanyp, bul kórsetkish 2023 jylmen salystyrǵanda 8% jýyq ósken. Joldardyń sapasy jaqsarýyna qaraı bıyl da bul kórsetkish arta túsedi dep josparlanyp otyr.

«QazAvtojol» UK» AQ aqparatyna súıensek, joldardyń kútimi boıynsha óńirdegi respýblıkalyq mańyzy bar qoldanystaǵy 873 shaqyrym jolǵa qysqy kútim jasaldy. Bul jumystarǵa 72 birlik menshikti jáne 10 birlik jalgerlik tehnıka tartyldy. Bıylǵy qysqy kezeńde kóktaıǵaqqa qarsy materıaldyń qajetti qory daıyndaldy. Oǵan qosa aıta ketsek, 2023 jyldan tehnıka parkin tolyqtyrý jumystary bastaldy, ıaǵnı búgingi kúni mundaǵy tehnıka sany 59-den 72-ge ulǵaıdy.

Jalpy oblystyń avtomobıl joldarynyń jalpy uzyndyǵy 3 988 km quraıdy. Sonyń ishinde respýblıkalyq mańyzy bar – 1 034 km, jergilikti mańyzy bar - 2 954 km.

RELATED NEWS
Jetisýda  maıly zyǵyr ósirile bastady
28 sáýir 2025
Jetisýda maıly zyǵyr ósirile bastady

Jetisý oblysy Sarqan qalasynyń mańyndaǵy sharýa qojalyqtarynyń birinde maıly zyǵyr ósirile bastady. Egis naýqanynyń barysymen jumys sapary aıasynda aýdanǵa barǵan oblys ákimi Beıbit Isabaev tanysty, dep habarlaıdy Jetisý oblysy ákiminiń baspasóz qyzmeti.

«Ǵalym» sharýa qojalyǵynda bıyl100 ga maıly zyǵyr egildi. Dándi júgeri, soıa, arpa, bıdaı ósirýge beıimdelgen bul sharýashylyq osy daqyldy bıyl alǵash ret seýip otyr.

- Zyǵyrdyń agrotehnıkasyn, tuqym naryǵyn zertteı otyryp, biz «ortasha Lırına» sortyn otyrǵyzdyq. Bul óte ónimdi, quramynda maıy kóp sort. Ár gektarynan 20-25 s alamyz, al maıdyń mólsheri keminde 50% bolady dep kútip otyrmyz. Aımaq aýmaǵynda maıly daqyldardy qaıta óńdeıtin birneshe kásiporyn bar ekenin eskersek, shıkizatty ótkizýde qıyndyq týyndamaıdy dep oılaımyz. Aldyn ala kelisimder jasasyp ta qoıdyq. Sonymen qatar zyǵyr dándi daqyldardyń aýyspaly egisine de paıdaly, - dep atap ótti SHQ basshysy Ǵalym Rahmetqalıev.

Aýdannyń Almaly aýylyndaǵy «Jumaǵalı» sharýa qojalyǵynyń egistikterinde de kóktemgi dala jumystary qarqyndy júrip jatyr. Sharýashylyqta egistik te, mal ósirý de qolǵa alynǵan. Munda 537 bas iri qara, 600 bas usaq mal jáne 630 jylqy ósirilip otyr.

- Bıyl biz jazdyq arpa, kúnbaǵys jáne birinshi ret qant qyzylshasyn septik. Ázirge qyzylshany 38 gektardan bastap otyrmyz. Kelesi jyly ulǵaıtý josparymyzda bar, óıtkeni bul tabysty daqyl, ári osy daqyldy ósirýshilerge memlekettik qoldaý kórsetiledi. «Konvıza Smart» joǵary ónimdi tuqymyn seýip jatyrmyz. Sharýashylyǵymyzda qajetti aýyl sharýashylyǵy tehnıkasy bar, degenmen ótken jyly aýdanda servıstik-daıyndaý ortalyǵyna arnap satyp alynǵan zamanaýı tehnıka bizge úlken kómek boldy, osy tehnıkalardyń qyzmetterin paıdalanyp otyrmyz. Mysaly, pnevmatıkalyq sepkishtiń artyqshylyǵy sol, avtopıloty bolǵandyqtan onyń jyldamdyǵy jaqsy, onymen kúndiz de, túnde de jumys isteı alasyz. Osy tehnıkanyń kómegimen bir kúnde 30 ga jer egýge bolady, - deıdi SHQ basshysy Egemen Jumaǵalı.

Osy oraıda Beıbit Isabaev Jetisý oblysynda óndiriletin aýyl sharýashylyǵy shıkizatynyń 65%-y óńirde qaıta óńdeletinin, sonyń ishinde qant óndirisine erekshe kóńil bólinip otyrǵanyn atap ótti.  

- Mysaly, ótken jyly oblystyń 5 aýdanynda 8 jańa servıstik-daıyndaý ortalyǵy quryldy, sonyń arqasynda 30 sharýa qojalyǵy qant qyzylshasyn óndirýge qajetti jalpy somasy 2,5 mlrd.teńgege 62 birlik tehnıka satyp alýǵa múmkindik aldy. Aýyl sharýashylyǵyn damytý úshin, ónimdilikti arttyrý úshin ozyq tehnologıalardy meńgerý kerek. Buǵan zamanaýı aýyl sharýashylyǵy tehnıkasy da úlken yqpal etedi, - dedi oblys ákimi.

Ótken jyly Sarqan aýdanynda 3 jańa servıstik-daıyndaý ortalyǵy quryldy, olarǵa 4 sepkish, 3 qyzylsha kombaıny jáne 3 pálek jınaıtyn mashınasy satyp alyndy. Qazir aýdanda 6 SDO jumys isteıdi, onda 30-ǵa jýyq aýyl sharýashylyǵy tehnıkasy bar. Aýdanda qant qyzylshasyn ósirýdiń agrotehnologıasy damyǵanyn eskersek, ótken jyly tátti túbir alańy 2 esege ulǵaıtyldy, al bıyl taǵy 900 gektarǵa artady. Osylaısha, Sarqan aýdanynda bul daqyldyń alqaby 3,8 myń gektar bolmaq.

Jalpy osy jyly oblystyń agroónerkásiptik keshenin damytýǵa 45 mlrd.teńge bólindi, onyń 27 mlrd. teńgesi nemese 59% – sýbsıdıa.

Qazaqstannyń eń uzyn laǵmany: Almatyda jańa rekord ornatyldy
01 mamyr 2025
Qazaqstannyń eń uzyn laǵmany: Almatyda jańa rekord ornatyldy

Qazaqstan halqynyń birligi kúnine oraı Almatynyń Jetisý aýdanynda biregeı is-shara ótti.

Almaty ákimdiginiń málimetinshe, «Aınabulaq» shaǵyn aýdanyndaǵy № 4 mamandandyrylǵan balalar-jasóspirimder sport mektebinde el tarıhyndaǵy eń uzyn — 1704 metr bolatyn laǵman daıyndaldy jáne bul fakt Qazaqstannyń Rekordtar kitabynda resmı tirkeldi. Jalpy 19 keli unnan qamyr ılenip, 50-den astam aspaz taǵamdy eki saǵattyń ishinde daıyndaǵan.

— Aspazdardyń aldynda qamyrdy jyrtyp almaı daıyndaý mindeti turdy. Qıyndyqtarǵa qaramastan bizdiń aspazdar ony óte jaqsy daıyndady, — dedi Jetisý aýdany Analar keńesiniń tóraıymy Rahıma Omarova.

 

Lenın kınoteatry Qaraǵandy oblysynyń Jastar úıine beriledi
14 naýryz 2025
Lenın kınoteatry Qaraǵandy oblysynyń Jastar úıine beriledi

Lenın kınoteatry jastardy jumyldyratyn ortalyqqa aınalady. Qaraǵandy oblysynyń ákimi Ermaǵanbet Bólekpaevtyń tapsyrmasy boıynsha munda Jastar úıi ashylady. 

Jastar keńesiniń bıylǵy birinshi otyrysynda memlekettik saıasatty júzege asyrý jáne shyǵarmashylyq ortany damytý máseleleri qaraldy.

Jastar saıasaty máseleleri basqarmasynyń basshysy Aısulý Ernıazova bıylǵy josparlar týraly aıtyp berdi. Ol kóptegen jobalarǵa jańa serpin berýdi usynady.

– Baǵdarlamada jastarmen buryn iske qosylmaǵan jobalardy kúsheıtýge jáne iske asyrýǵa basa nazar aýdarylatyn bolady, – dep atap ótti Aısulý Ernıazova. – Ol úshin bilim berý mekemelerin, bılik organdaryn, bıznes-qoǵamdastyqty jáne, árıne, jastardyń ózin qosa alǵanda, túrli múddeli taraptar arasynda tıimdi komýnıkasıa ornatý qajet. Jastardyń ózderin qoǵamnyń bir bóligi retinde sezinýi jáne onyń damýyna belsene qatysýǵa daıyn bolýy úshin senim, ashyqtyq jáne ózara qurmet atmosferasyn qurý mańyzdy.

"Taldaý mektebi. QRG" jobasy jastar arasynda taldaý daǵdylary men syn turǵysynan oılaýdy damytýǵa baǵyttalǵan. Al «Ult qazynasy» jobasy talantty aýyl jastary úshin jańa tıimdi áleýmettik lıft bolady. Sondaı-aq, jas sarapshylar úshin Elim deitin erler pikirtalas alańyn qurý jáne Saryarqa Jastary brendin tanymal etýge basa nazar aýdarý josparda bar.

Aımaq ákimi basqarma basshysynyń bastamalaryn qoldap, qazir jastar máselesine jańa kózqaras qajet ekenin atap ótti.

– Elimizdiń bolashaǵy jastardyń qolynda. Jaqynda Astanada ótken Jastar forýmynda Memleket basshysy elimizdiń bolashaǵy aqyly ótkir, bilimi tereń jáne zamanaýı kózqarasy bar jastardyń qolynda ekenin atap ótti, – deıdi Ermaǵanbet Bólekpaev. – Sondyqtan memlekettik saıasat jańa dáýirdiń adamdaryna beıimdelýi tıis. Ol úshin bizge mobıldi, bilimdi jáne shyǵarmashyl jastarmen jumys isteý ádisterin ózgertý qajet.

Shyǵarmashylyq jastarǵa keletin bolsaq, bıyl onyń jańa keńistigi paıda bolady. 

«STARTKINO» QB tóraǵasy, oblystyq máslıhat depýtaty Arman Álimjanovtyń eldegi kreatıvti ındýstrıany damytý jáne óńirdegi osy baǵytty qoldaý úshin jasalatyn qadamdar týraly sózinen keıin oblys ákimi «Saryjaılaý» kınoteatrynyń bazasynda Kreatıvti keńistikti damytý jónindegi resýrstyq ortalyq qurýdy tapsyrdy.

– Kreatıvti ındýstrıa – álemdik ekonomıkanyń qarqyndy damyp kele jatqan salasy, ol qosymsha qun men jańa jumys oryndaryn qurady. Bizdiń oblystyń da osy turǵydan belgili bir áleýeti bar. Bizde daryndy jáne áleýetti jastar kóp, – dep atap ótti óńir basshysy. – Bizdiń mindetimiz – olarǵa óz ıdeıalaryn damytý jáne iske asyrý úshin qajetti jaǵdaılar men múmkindikter jasaý.

Biraq qazirgi jastar shyǵarmashylyqpen ǵana ómir súrmeıdi. Ótken jyldyń qorytyndysy boıynsha Qaraǵandy oblysy «Jasyl el» qozǵalysyn qamtý boıynsha birinshi orynǵa shyqty. 

Oblys ákimi atap ótkendeı, osy joba aıasynda óńirdi kógaldandyrýmen aınalysyp qana qoımaı, jumysshy mamandyqtaryn da úıretý qajet. NEET sanatyndaǵy jastarǵa, ıaǵnı oqymaıtyn jáne jumys istemeıtin jastarǵa erekshe nazar aýdarý kerek.

Jastar keńesi otyrysynyń qorytyndysy boıynsha Ermaǵanbet Bólekpaev jumys josparlaryn, tıimdilik ındıkatorlaryn pysyqtaı otyryp, qalalar men aýdandarda komúnıtı-ortalyqtar ashýdy tapsyrdy. Sondaı-aq KPI júıesine jastar saıasatyn iske asyrý boıynsha qalalar men aýdandar ákimderiniń jumysyn engizý.

Eń bastysy – qazirgi zamanǵy talaptardy eskere otyryp, jastarmen jumys isteý tásilderin ózgertý. Barlyq is-sharalardy muqıat uıymdastyrý qajet, olar eleýli nátıjeler berip, jastarǵa paıda ákelýi tıis. Qazirgi jastar jaı urandar men bos sózderdi kótere almaıdy.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.