Valúta baǵamy
  • USD -

    481.9
  • EUR -

    535.5
  • RUB -

    5.27
din
Búgin qasıetti Qadir túni
05 sáýir 2024
Búgin qasıetti Qadir túni

Osy qasıetti tún merekesine oraı Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qazaqstandyqtarǵa úndeý joldady.

***

Alla Taǵala túnderdiń ishinde Qadir túniniń qadiri men qasıetin arttyryp qoıdy. Ramazan aıynyń qasıetti bolýynyń uly erekshelikteriniń biri – Qadir túninde taǵdyrdyń jazylýy. Al Qadir túniniń qasıetti bolýynyń máni – adamzat balasyn eki dúnıe baqytyna jeteleýshi, aq pen qaranyń, adal men aramnyń arajigin aıqyndaýshy Qurannyń túsýi.

Qadir túni – qasıetti, taǵdyr, tarylý degen maǵynalardy bildiredi. Qadir túni – Alla Taǵala perishtelerge ámir etýimen Quran Kárimdi Laýhýl Mahfýzdan (barlyq jaratylystyń taǵdyry jazylǵan kitap) Baıtýl Ǵızzaǵa (dúnıe aspany) túsirgen qasıetti tún. Ol jaıly Alla Taǵala Quranda:

«Negizinen Qurandy Qadir túninde túsirdik» («Qadr» súresi, 1-aıat), – dep aıtqan. Keıin 23 jyl boıy túrli sebepter men oqıǵalarǵa baılanysty Paıǵambarymyzǵa (oǵan Allanyń salaýaty men sálemi bolsyn) ýahı etilip otyrǵan. Bul túnniń artyqshylyǵy jóninde Alla Taǵala Quranda bylaı deıdi: «Qadir túni myń aıdan da  qaıyrly» («Qadr» súresi, 3-aıat).

Aısha anamyz (oǵan Alla razy bolsyn) ardaqty Paıǵambarymyz Muhammedten (oǵan Allanyń salaýaty men sálemi bolsyn): «Ýa, Allanyń Elshisi, Qadir túninde qandaı duǵa tileıin?» dep suraıdy. Sonda Paıǵambarymyz (oǵan Allanyń salaýaty men sálemi bolsyn): «Alla, rasynda, Sen keshirimdisiń jáne keshirgendi jaqsy kóresiń. Meni keshire górshi» dep aıtasyń» dep jaýap bergen. Paıǵambarymyz (oǵan Allanyń salaýaty men sálemi bolsyn) taǵy bir hadısinde: «Kimde-kim Qadir túni ımanmen jáne saýabyn úmit etip qulshylyq etse, onyń aldyńǵy kúnálary keshiriledi», – degen.

Isi musylman balasynyń taǵdyr jazylatyn túndi taǵatsyzdana kútýiniń bir hıkmeti – Jaratqanǵa jaqyndaı túsýge talpynýy. Sondyqtan bul túndi saýapty istermen ótkizýge tyrysaıyq.

Alla Taǵaladan qasıetti Qadir túninde elimizdiń amandyǵy men tynyshtyǵyn tilep, sý tasqynynan zardap shekken halqymyzǵa jeńildik suraıyq. Jaratýshy Iemiz qazaq eline jar bolǵaı! Ámın!

RELATED NEWS
din
Nurlan ıman: Dinge, ultqa qyzmet etý tek meshit salýmen shektelmeıdi
01 sáýir 2024
Nurlan ıman: Dinge, ultqa qyzmet etý tek meshit salýmen shektelmeıdi

Taıaýda Atyraýda «Adal adam – Adal eńbek – Adal tabys» atty taqyryppen Ulttyq quryltaıdyń úshinshi otyrysy ótken bolatyn. Osy quryltaıǵa arnaıy qatysqan Memleket basshysy Qasym-Jomart Toqaev mańyzdy ıdeologıalyq tujyrymdarymyz ben negizgi baǵyttarymyz – Táýelsizdik jáne Otanshyldyq, Birlik jáne Yntymaq, Ádildik jáne Jaýapkershilik, Zań jáne Tártip, Eńbekqorlyq jáne Kásibı biliktilik, Jasampazdyq jáne Jańashyldyq ekendigin jan-jaqty aıta kele eldegi din máselesine, meshit máselesine de aıryqsha toqtalǵan bolatyn. 
«Elge janashyr isker azamattar bizde de az emes. Mundaı azamattar qoǵamǵa qajetti kóptegen jobaǵa qarjy salyp, ıgi isterdiń basy-qasynda júr. Qaıyrymdylyq jáne volonterlik bastamalarǵa demeýshilik jasap keledi. Memleket te otanshyl azamattardy ózgelerge úlgi etip, olarǵa qoldaý kórsetedi. Árıne, aımaqtarda óz qarjysyna meshit salǵan kásipkerlerdiń nıeti túzý, ony túsinýge bolady. Alaıda jańa mektep, jataqhana, aýrýhana, kitaphana, murajaı nemese sport saraıyn turǵyzý áldeqaıda mańyzdyraq. Munyń saýaby mol. Keıingi urpaq ta osyndaı ıgi isterge alǵys aıtary anyq», - degen edi Prezıdent.
Astanadaǵy «Allanyń gúli» atalyp ketken Yryskeldi qajy atyndaǵy meshittiń bas ımam Nurlan ımam Baıjigituly da Prezıdenttiń meshit salýǵa qatysty pikirin qup kóretindigin aıtady.
«Memleket basshysy Atyraýda ótken Ulttyq quryltaıda dinge qatysty óte durys máseleler kóterip, meshit salý isine qatysty aıryqsha toqtalyp ótti. Iaǵnı, dinge qyzmet etý, ultqa qyzmet etý tek meshit salýmen ǵana shektelmeıdi. Jol salý, balabaqsha salý, mektep salý da ultqa qyzmet sanalady. Meshit salynǵan kezde normatıvtik-quqyqtyq aktileriniń bári rettelýi tıis jáne de elimizde oryndy júrgizilip keledi», - dedi Nurlan ımam. 
Este bolsa, sol quryltaıda Memleket basshysy ıslam elderinde áıgili din qaıratkerleriniń beıiti mindetti túrde japqyshpen jabylatyndyǵyn aıta kele Iasaýı kesenesine qatysty kóne jádigerge nazar aýdartqan edi.
«Mádınadaǵy Muhammed Paıǵambardyń qabiri de osylaı búrkelgen. Bul – Islam órkenıetiniń dástúri. Al qasıetti Túrkistandaǵy Iasaýı qabirinde kópten beri arnaıy japqysh joq. Talaı zamannan kele jatqan kóne japqyshty qalpyna keltirý jumysy biraz jyl buryn bastalyp, aıaqsyz qalǵan. Men quzyrly memlekettik organǵa osy qundy murany tezirek sapaly jóndeýden ótkizip, tarıhı ornyna qaıtarýdy tapsyramyn», - degen bolatyn Qasym-Jomart Kemeluly.
Nurlan ımam dál osy máselege de aıryqsha toqtalyp ótti. 
«Iá, ıslam Qoja Ahmet Iasaýı syndy tarıhı tulǵalardyń qabirinde japqysh bolady. Jalpy, japqysh tek tarıhı tulǵalarǵa ǵana emes, kez kelgen adamnyń janazasynda jabylady. Onda «Bárimiz jaratqannan kelgenbiz», «Bárimiz Allaǵa qaıtamyz» degen sıaqty eskertpe, ańdatpa duǵalar jazylady. Mundaı japqyshtar bar dúnıe. Menińshe, bul japqyshty qymbat tastarmen áspettep, erekshe daıyndasa, óte qundy ári durys bolady. Barlyq adamǵa, ásirese, musylman elderinen keletin tulǵalarǵa túsinikti bolýy úshin ol kisiniń ómirin, eńbekterin arabı nusqada jazyp qoıǵan jón. Erterekte babalarymyzda kallıgrafıa óneri jaqsy damyǵan. Sony qaıta jandandyrýymyz qajet», - dedi Yryskeldi qajy atyndaǵy meshittiń bas ımamy.
Sonymen qatar ol Maral ıshan, Yrǵyzbaı bı, Qabanbaı, Bógenbaı, Raıymbek batyrlar syndy esimi elimizge tanymal adamdardyń qabirinde de japqysh bolýy tıistigin basa aıtty. 
«Elimizde tyıym salynǵan «Ata joly» syndy uıymdar qabir basyna mata jaýyp kete beredi. Qabir basy aqtyqqa tolyp qalady. Shamanızm elementin jasamamaýymyz kerek. Jalpy, Prezıdentimizdiń aıtqan sóziniń astarynda musylman ekenimizdi kórsetetin úlken danalyq jatyr. Sondyqtan tolyqtaı qoldaımyn», - dedi ol.

din
2019 JYLǴY ORAZA JÁNE NAMAZ KESTESİ
28 sáýir 2019
2019 JYLǴY ORAZA JÁNE NAMAZ KESTESİ

Qazaqstan Musylmandary Dinı basqarmasynyń saıtynda bıylǵa arnalǵan Qazaqstan eldimekenderiniń Ramazan aıyndaǵy oraza jáne namaz kestesi jarıalandy. Tóralqa Májilisi músheleriniń biraýyzdy sheshimimen bıylǵy pitir sadaqa mólsheri – 300 teńge bolyp bekitildi. Pitir sadaqany Ramazan aıynyń birinshi kúninen oraza aıt namazyna deıin berýge bolady.

Qazaqstannyń ózge eldimekenderi boıynsha Ramazan kestesin bilgińiz kelse tómendegi siltemeni basyp, júktep ala alasyz.

www.muftyat.kz

din
Bıylǵy oraza kestesi jarıalandy
20 sáýir 2020
Bıylǵy oraza kestesi jarıalandy

Qazaqstan Musylmandary Dinı basqarmasynyń resmı saıty 2020 jylǵa arnalǵan Ramazan aıynyń oraza jáne namaz kestesin jarıalady.

 

Sondaı-aq, bıylǵy pitir sadaqa mólsheri – 370 teńge bolyp bekitildi. Orazanyń alǵashqy kúni 2020 jyldyń 24 sáýiri, jumaǵa sáıkes keledi. 

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.