3-7 qyrkúıek aralyǵynda elimizde Halyqaralyq «Uly dala joryǵy» marafon-báıgesi ótedi. Oǵan shet memleketterden 10-jýyq komanda qatysady. Otandyq komandalardyń sany 9. Qazirgi ýaqytta qatysýshylardy tirkeý aıaqtaldy. 

«JORYQ» at sporty federasıasynyń prezıdenti Baqytjan Turlybekovtiń aıtýynsha halyqaralyq «Uly dala joryǵy» marafon-báıgesiniń basty maqsaty – umyt bola bastaǵan jylqy tuqymdaryn qaıta jańǵyrtyp, olardyń áleýetin halyqaralyq deńgeıde nasıhattaý.

«Uly dala joryǵy» jobasynyń negizgi baǵyttarynyń biri – qoltýma jylqylardyń ekinshi tynysyn ashý. Úsh jydan beri ótkizilip kele jatqan Joryqtyń arqasynda qoltýma jylqylardyń baǵasy birneshe ese óskenine kýá boldyq. Buǵan deıin «Báıge aty», «Kókpar aty» degen túsinik bolsa, endi ol qatarǵa «Joryq aty» qosyldy», - dep atap ótti B.Turlybekov.

Halyqaralyq «Uly dala joryǵy» marafon-báıgesi Astanada ótetin 5-shi Dúnıejúzilik kóshpendiler oıyndarynyń bastaýy bolady. Sonymen qatar ózge memleketter kóshpendiler órkenıtiniń qazirgi úlgisin osy joryqtan kóre alady.

«Bul bastama aıasynda qazaq jylqylaryn sheteldik jylqy tuqymdarymen salystyryp, olardyń shydamdylyǵyn, uzaq qashyqtyqqa tózimdiligin, jalpy áleýetin kórsetemiz. Bul dodaǵa shetelden qarashaı, kabardın, arab, tatar, bashqurt, jańa qyrǵyz jylqy tuqymdary qatysady», - deıdi «JORYQ» at sporty federasıasynyń prezıdenti B.Turlybekov.

Baıraqty báseke Soltústik Qazaqstan oblysyndaǵy Botaı qonysynan bastalyp, Astana qalasynda aıaqtalady. Jarys bastalatyn Botaı qonysy kezdeısoq tańdalmaǵan, 44 jyl buryn arheolog-ǵalymdar sensasıalyq jańalyq ashty. Olar osy aýmaqtan 100-ge tarta artefaktiler taýyp, Soltústik Qazaqstan jerinde qambar ata túligi eń alǵash qolǵa úıretilgen degen tujyrym jasady.

«Botaı» memlekettik tarıhı-mádenı mýzeı-qoryǵynyń dırektory Qýanysh Shaqshaqovtyń aıtýynsha dál osy jerde jylqy sharýashylyǵynyń damyǵanyna dálel bolatyn arheologıalyq jádigerler kóptep tabylǵan.

Sondaı-aq, Botaı qonysynyń mańyna qazaq mádenıeti men dástúrin dáripteıtin úlken etno-aýyldyń qurylysy josparlanyp jatyr.

Eske sala keteıik, Respýblıkalyq «JORYQ» at sporty federasıasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Kókpar», «Báıge», «Sadaq atý», «Teńge ilý», «Aýdaryspaq», «Jamby atý», «Qusbegilik», «Asyq atý» jáne t.b. federasıalar bar. QR Ulttyq sport qaýymdastyǵyn Islambek Saljanov basqarady.

Atap óteıik, 8-13 qyrkúıekte Astana qalasynda 5-shi Dúnıejúzilik kóshpendiler oıyndary ótedi. İs-sharaǵa 89 elden 2000-nan astam sportshy qatysady dep josparlanýda. 5-shi Dúnıejúzilik kóshpendiler oıyndarynyń Bas demeýshisi - ALAGEUM ELECTRIC, Oıyndardyń Bas seriktesi - Halyk Bank. Astanada ótetin Dúnıejúzilik kóshpendiler oıyndarynda barlyǵy 21 sport túrinen 97 medal jıyntyǵy sarapqa salynady.

Teńge ilýden QR ulttyq quramasy, 5-shi Dúnıejúzilik kóshpendiler oıyndarynda el namysyn qorrǵaıtyn úsh úzdik sportshyny anyqtady.

«İrikteý saıystarynyń nátıjesinde 3 stıl boıynsha 3 úzdik sportshyny anyqtadyq. 5-shi Dúnıejúzilik kóshpendiler oıyndarynda saıystyń barlyq túrinen altyn ıelenemiz degen senim bar. Ol úshin bar múmkindigimizdi paıdalanamyz», - dedi QR Ulttyq jáne at sporty túrlerinen memlekettik jattyqtyrýshy Nurken Baıbórıev.

Elimizdiń eń úzdik 6 teńge ilýshisi Kóshpendiler oıyndaryna tikeleı joldama beretin 3 oryndy sarapqa salyp, irikteý oıyndaryna qatysty.

Sportshylarymyz «Qos qulash», «Bes beles», «Jeti qut» stılderi boıynsha baq synady. Qorytyndylaı kele, 5-shi Dúnıejúzilik kóshpendiler oıyndarynda el namysyn kelesi sportshylar qorǵaıdy:

-        «Bes beles» stılinen Beknur Serikov;

-        «Jeti qut» stıli boıynsha Baqyt Tóltaı;

-        «Qos qulash» stılinen Rahat Qambarov.

 Beknur Serikov – Batys Qazaqstan oblysynyń týmasy. 2018 jyly jasóspirimder arasyndaǵy QR chempıonatynda 1-oryn, 2020 jyly jastar arasyndaǵy QR chempıonatynda 1-oryn, 2023 jyly İ Azıa kýboginiń 1-oryn ıegeri.

Baqyt Tóltaı - 1998 jyldyń 12 tamyzynda Shymkent qalasy, Arys aýdany, Montaıtas aýylynda dúnıege kelgen. 2021 jyly eresekter arasyndaǵy QR chempıonatynyń qola júldegeri, 2023 jyly eresekter arasyndaǵy QR chempıonatynda altyn jáne kúmis medaliniń ıegeri,  2024 jyly Azıa chempıonatynyń altyn medaliniń ıegeri.

Rahat Qambarov - 2001 jyly Túrkistan oblysynda týǵan. 2022 jyly Teńge ilý federasıasynyń bas júldesin, 2023 jyly ótken VI QR Ulttyq sport festıvaliniń bas júldesin, 2024 jyly Azıa kýbogyn ıelenip, 2024 jyly ótken Azıa chempıonatynyń altyn júldegeri atandy.

«Men bala kezimnen atqa jaqyn óstim. Teńge ilý sportyna kelýime de sebep bolǵan jylǵyqa degen mahabbatym. Búginde 5-shi Dúnıejúzilik kóshpendiler oıyndaryna daıyndyq joǵarǵy deńgeıde ótip jatyr. El namysyn abyroımen qorǵaý úshin barymyzdy salamyz»,- dedi teńge ilýden ulttyq qurama múshesi Baqyt Tóltaı.

Aıta keteıik, teńge ilýden 5-shi Dúnıejúzilik kóshpendiler oıyndary aldyndaǵy qorytyndy oqý-jattyǵý jıyny 27 tamyz ben 7 qyrkúıek aralyǵynda Astanada bolady. Oqý-jattyǵý jıyndaryn QR Týrızm jáne sport mınıstrliginiń Ulttyq jáne at sporty túrleri ortalyǵy uıymdastyryp otyr. Al 5-shi Dúnıejúzilik kóshpendiler oıyndarynda teńge ilý boıynsha jarystar 11-13 qyrkúıek aralyǵynda Etnoaýyl aýmaǵynda ótedi.

Eske sala keteıik, Respýblıkalyq «Teńge ilý» federasıasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Aýdaryspaq», «Kókpar», «Jamby atý», «Sadaq atý», «Báıge», «Qusbegilik», «Asyq atý», «JORYQ» at sporty jáne t.b. federasıalar bar. QR Ulttyq sport qaýymdastyǵyn Islambek Saljanov basqarady.

Aıta keterligi, 8-13 qyrkúıekte Astana qalasynda 5-shi Dúnıejúzilik kóshpendiler oıyndary ótedi. İs-sharaǵa 89 elden 2000-nan astam sportshy qatysady dep josparlanýda. 5-shi Dúnıejúzilik kóshpendiler oıyndarynyń Bas demeýshisi - ALAGEUM ELECTRIC, Oıyndardyń Bas seriktesi - Halyk Bank. Astanada ótetin Dúnıejúzilik kóshpendiler oıyndarynda barlyǵy 21 sport túrinen 97 medal jıyntyǵy sarapqa salynady.

Almatyda báıgeden qala kýbogi ótip, at jarys aıasynda Dúnıejúzilik kóshpendiler oıyndaryna irikteýdiń ekinshi kezeńi boldy.

«Osy at jarys aıasynda Astanada ótetin 5-shi Dúnıejúzilik kóshpendiler oıyndaryndaǵy – Kunan báıge, Top báıge, Jorǵa jarys jáne Alaman báıgege úzdik jylqylardy iriktep aldyq», - dedi Respýblıkalyq «Báıge» federasıasynyń atqarýshy dırektory Altaı Bımen.

Qunan baıge boıynsha İ oryndy Suńqar atty tulpar, shabandozy Abzal Turǵanbek ıelendi. II kelgen Baqtory, shabandoz - Dilnur Nurmuqash. Senıorıta esimdi jylqy úshinshi keldi. Shabandozy – Abzal Turmys.

Top báıgede top jarǵan jylqy Zymyran,shabandoz Arnat Murathan. II orynda Maımaq, shabandoz - Abzal Turmys. Úshinshi oryn – Erturan, shabandoz – Islamnur Erkós.

Jorǵa jarys qorytyndysy boıynsha I oryndy Akvamarın, shabandoz - Evgenıı Chıbısov. II oryn - Trıýmf, shabandoz - Álıa Toqtasynova. III oryn Profesor, shabandoz – Erulan Tileýǵalıuly.

Al Alaman báıgeni alǵan Vıza esimdi júırik, shabandoz - Alıhan Baqythanuly. Ekinshi kelgen Kúreń at, shabandoz - Arnat Murathan. Úshinshi oryn – Álqıssa atty tulpar, shabandoz –  Mádı Jolshybek.

Eske sala keteıik, Respýblıkalyq báıge federasıasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge kókpar, teńge ilý, aýdaryspaq, jamby atý, sadaq atý, qusbegilik, asyq atý, «JORYQ» at sporty jáne t.b. federasıalar bar. QR Ulttyq sport qaýymdastyǵyn Islambek Saljanov basqarady.

Aıta keterligi, 8-13 qyrkúıekte Astana qalasynda 5-shi Dúnıejúzilik kóshpendiler oıyndary ótedi. İs-sharaǵa 89 elden 2000-nan astam sportshy qatysady dep josparlanýda. 5-shi Dúnıejúzilik kóshpendiler oıyndarynyń Bas demeýshisi - ALAGEUM ELECTRIC, Oıyndardyń Bas seriktesi - Halyk Bank. Astanada ótetin Dúnıejúzilik kóshpendiler oıyndarynda barlyǵy 21 sport túrinen 97 medal jıyntyǵy sarapqa salynady.