Úzdik bıznes-ıdeıaǵa arnalǵan «Coca-Cola belesteri» jobasynyń jeńimpazy, aýyldyq jerdiń 20 áıelinen turatyn qazaqstandyq delegasıasy, Beıjińde «Jasyl ómir — jaqsy ómir» degen taqyrypta ótetin EHRO-2019 halyqaralyq kórmesiniń is-sharalaryna qatysady. Sapar barysynda 8-13 maýsym aralyǵynda áıelder kásipkerligin qoldaý baǵytynda tájirıbe almasý, tabysty jobalar tusaýkeseri, aýyl sharýashylyǵy men jylyjaı bıznesinde jumys isteıtin isin jańa bastaǵan kásipkerlerdiń kásiporyndaryna barý josparlanǵan. Búgin elordadaǵy Ulttyq baspasóz klýbynda osy taqyrypqa qatysty arnaıy pres-konferensıa ótti.
EXPO-2019 kórmesine qatysý-2012 jyldan bastap Qazaqstanda «Áleýmettik dınamıka» jáne «Jasyl ekonomıka jáne G-Globaldy damytý Koalısıasy» úkimettik emes uıymdarynyń áıelderdi bıznes negizderine oqytý jobasyn belsendi qoldaıtyn Coca-Cola kompanıasynyń halyqaralyq qaıyrymdylyq qorynyń arqasynda júzege asyp otyr. Sapardy uıymdastyrýshy seriktester Jibek jolynyń Halyqaralyq saýda palatasy (Qytaı) men «Expo&Women» halyqaralyq uıymy.
EHRO-2019 halyqaralyq kórmesi «Jasyl ómir – Jaqsy ómir» uranymen Beıjińde 2019 jyldyń 28 sáýiri men 7 qazany aralyǵynda ótedi. 162 kún ishinde oǵan 110 eldiń ókilderi men halyqaralyq uıymdar qatysady. EHRO-2019 «Astana EHRO-2017» kórmesiniń taqyrybyn jalǵastyra otyryp adamzattyń «jasyl» damýǵa umtylýynyń jańashyl úlgisin nasıhattaıdy. «Coca-Cola belesteri» jobasy Coca-Cola qorynyń qoldaýymen Qazaqstanda ótip jatqan áıelder forýmy aıasynda EHRO-2017 belsendi qatysýshysy boldy.
«Qazaqstandaǵy úkimettik emes uıymdar «Astana EHRO-2017» «Bolashaq energıasy» taqyrybyna úlken nazar aýdarady, kórme ıdeıalaryn odan ári ilgeriletýde qomaqty jumystar júrgizýde. Qazaqstan áıelderin ekologıa, ınovasıa, «jasyl ekonomıka» baǵytyndaǵy jobalardy iske asyrýǵa tartý- «Expo & Women» uıymynyń negizgi baǵyty. Sondyqtan, biz Beıjińdegi kórmege «Coca-Cola belesteri» jobasy jeńimpazdarynyń qatysýyna usynys tastadyq. Delegasıa quramyna 2013 jyldan bastap byltyrǵy 2018 jylǵa deıingi aralyqta «jasyl tehnologıalardy» óndiriste belsendi qoldanyp, jańa jumys oryndaryn ashyp, aýylda turaqty bıznes qurǵan aýyl áıelderiniń ishinen shyqqan jeńimpazdar kirdi», - deıdi QR Prezıdenti janyndaǵy «jasyl ekonomıkaǵa» kóshý jónindegi Keńestiń múshesi, «Expo&Women» halyqaralyq uıymy Prezıdıýmynyń tóraǵasy Saltanat Raqymbekova.
«Coca-Cola belesteri» jobasy aıasynda 6 jylda 11 myńnan astam áıel bıznesti júrgizý negizderin oqytýdan ótýge, qazaqstandyq aýyldarda tabysty qoldanylatyn «jasyl» tehnologıalardy damytýdyń quraldarymen tanysýǵa múmkindik aldy. Coca-Cola halyqaralyq qorynyń qarjylaı qoldaýynyń arqasynda 50-den astam áıel úzdik bıznes-ıdeıa baıqaýynda granttar jeńip alyp, jeke bıznesin damytyp, qosymsha 130 jumys ornyn ashty.
«Biz Qazaqstandaǵy «Coca-Cola belesteri» jobasyn maqtan tutamyz. Joba kórsetilgen talaptarǵa tolyǵymen saı, sonymen qatar, oqytý trenıńterine qatysý, mentorlyq jáne bastapqy qarjylyq kómek alý arqyly óz bıznesin quryp damytýǵa múmkindik berý sıaqty ıdeıalyq maqsatyna jetken»,-dedi Ortalyq Azıa men Kavkaz elderindegi Coca-Cola kompanıasynyń Korporatıvtik baılanystar jáne komýnıkasıalar jónindegi menedjeri Aleksandra Akkırman.
Coca-Cola kompanıasynyń búkil álemdegi áıelderdi qoldaý jónindegi 5by20 baǵdarlamasy 2020 jylǵa qaraı 5 mıllıon kásipker áıel úshin ekonomıkalyq múmkindikterdi damytýǵa baǵyttalǵan. Álemniń barlyq áıelderi Coca-Cola kompanıasynyń bıznes-júıesiniń irgeli negizderin quraıdy, onyń sheńberinde kásipker áıelderge-fermerlerden bastap qolónershilerge deıin kómek kórsetý baǵdarlamalary júzege asyrylady. 5by20 baǵdarlamasy arqyly kompanıa bızneste tabysqa jetý jolynda áıelder tap bolatyn ózekti máselelerdi sheshýge kómektesedi. Bul bastama áıelderge iskerlik daǵdylar, qarjylyq qyzmetter týraly oqý kýrstaryna jáne tabysty bıznesti iske asyrýda tálimgerlerdiń keńesterin alýdy usynady.
«Kásibin endi bastaǵan qazaqstandyq áıelderdiń EHRO-2019 sharasyna qatysýy jobamyzdyń bólinbes bólshegi. Biz áıelderge óz qarajatyn jınaýǵa,óz isin bastaýǵa, sol arqyly ekonomıkalyq turaqtylyqqa qol jetkizýge bolatynyn Beıjińde ótetin kórmege joldama utyp alý jeńisimen jigerlendirgimiz keledi. Bul sózsiz basqa áıelderge de úlgi bolady»-deıdi «Áleýmettik dınamıka» qoǵamdyq qorynyń dırektory Elena Ojgo.
Sońǵy jyldardyń qorytyndysy boıynsha aýyldyq jerlerde nátıjeli jumyspen qamtýdy arttyrý jáne áıelder kásipkerligin damytýda Qazaqstan qabyldap jatqan sharalar BUU Áıelder jaǵdaıy jónindegi komısıasy tarapynan oń baǵa aldy. Qazaqstan áıelderin bızneske tartýda burynǵysynsha agrarlyq sala basym bolyp otyr, oǵan ekonomıkada jumyspen qamtylǵan áıelderdiń jalpy sanynan ózin-ózi jumyspen qamtyǵandardyń 17% - y tıesili.
«Berilgen grantty men asyl tuqymdy iri qaraǵa qatty aıazda kómektesetin jem-azyq daqyldaryn satyp alýǵa jumsadym. Qazirgi ýaqytta men Qarabulaq aýylynyń bazasyndaǵy «Balkondaǵy sıyr» jeke jobasyn ázirleýmen aınalysamyn. Jobany júzege asyrý - aýyldy jańǵyrtý, onyń turaqty damýy, qosymsha jumys oryndaryn qurý sıaqty mańyzdy máselelerdi sheshedi. EHRO-2019 - ǵa baryp kelgen soń, «jasyl ekonomıka» boıynsha aýyl turǵyndaryna semınarlar ótkizemin,-deıdi delegasıa ókili, «Oljas» sharýa qojalyǵynyń basshysy (Aqmola oblysy, Qarabulaq aýyly), «Coca Cola belesteri-2017» jobasynyń jeńimpazy, aýyl áıelderiniń birinshi Qazaqstandyq forýmynyń delegaty Gúlmaıra Baımaqova.
