Astanada qala turǵyndaryna jattyqtyrýshymen birge tegin jáne tikeleı óz aýlasynda sportpen shuǵyldanýǵa múmkindik beretin AULAFIT áleýmettik jobasy jalǵasyp jatyr. Búgin joba qatysýshylary tańǵy jattyǵýdy ekoaksıany qoldaý maqsatynda erekshe ótkizdi, dep habarlaıdy elorda ákimdiginiń resmı saıty.
Tańǵy jattyǵýǵa jınalǵan astanalyqtar senbilikke qajetti sporttyq jabdyqtarmen túrli jattyǵý jasap, qalada ótip jatqan «Taza Qazaqstan» ekologıalyq aksıasyn qoldaıtyndaryn bildirdi.
AULAFIT áleýmettik jobasynyń jetekshisi Aıtjan Mýsınniń sózinshe, aldaǵy ýaqytta ózge aýlalarda da tańǵy jáne keshki jattyǵý barysy qyzyqty ótkizilmek.
«Bul joba osydan tórt jyl buryn bastaý alyp, elimizdiń túkpir-túkpirinde keńinen júzege asyryla bastady. Aıtýly joba arqyly qala turǵyndary jattyqtyrýshymen birge tegin ári óz úıiniń aýlasynda sportpen shuǵyldana alady. Onyń aıasynda jattyqtyrýshylar kúndelikti ár aýlaǵa baryp, fýtbol, basketbol, voleıbol sıaqty komandalyq oıyndar boıynsha jáne jalpy fızıkalyq daıyndyq boıynsha jattyǵýlar júrgizedi. Qatysamyn deýshilerdiń jasyna shekteý qoıylmaıdy. Búginnen bastap barlyq aýla turǵyndary «Taza Qazaqstan» aýqymdy ekologıalyq aksıasyn qoldaý maqsatynda jattyǵýdan keıin aýlalaryn jınastyrady. Odan bólek jattyǵý barysyn da erekshe ótkizdi. Aldaǵy ýaqytta bul úrdis barlyq aýlada jalǵasyn tabady», - deıdi A.Mýsın.
Búginde áleýmettik joba elordadaǵy 30 aýlada júzege asyp jatyr. Oǵan 3 myńnan astam qala turǵyny qatysyp, kúndelikti sportqa degen belsendiligin kórsetip júr. Solardyń biri – 66 jastaǵy Ádilet Erǵalıeva. Elorda turǵyny joba bastalǵaly tańǵy jáne keshki jattyǵýlarǵa turaqty túrde qatysyp keledi.
«Men eki jumadan beri, ıaǵnı osy joba bastalǵaly tańǵy jattyǵýǵa qatysyp júrmin. Óte keremet joba. Osynda kelip, dene jattyǵýlaryn jasaımyz. Ádette úıde otyrǵanda mundaı jattyǵýlardy eskermeımiz, degenmen densaýlyq úshin sportpen aınalysý mańyzdy. Sondyqtan da bul joba biz sıaqty apalarǵa óte paıdaly. Bárimiz tańerteń jáne keshke bir saǵat boıy sportpen shuǵyldanamyz.
Jattyqtyrýshymyz – Jantóre mádenıetti jáne sypaıy jigit. Ol bizge jattyǵýdy qalaı durys oryndaý kerek ekenin túsindirip, úıretip jatyr. Biz apalar bolyp joba uıymdastyrýshylaryna jáne jattyqtyrýshymyzǵa alǵys aıtamyz», - deıdi Ádilet Erǵalıeva.
Aıta keteıik, tańǵy jattyǵýǵa qatysýshylar odan keıin aýla aýmaǵynda tazalyq jumysyn jasady.
Jalpy elordalyqtar jattyqtyrýshymen tegin jáne tikeleı aptanyń ár dúısenbi, sársenbi jáne juma kúnderi qalanyń 15 jerinde, al seısenbi beısenbi, senbi kúnderi ózge 15 aýlada sportpen shuǵyldana alady.
Iaǵnı, tańǵy saǵat 9-dan bastap aǵa býyn úshin, uldar men qyzdar úshin saǵat 10:00-de jattyǵýlar ótedi. Al keshke 17:00-den bastap 6-10 jastaǵy balalarǵa arnalǵan sabaqtar, 18:00-de 11-15 jastaǵy balalarǵa arnalǵan sabaqtar jáne 19:00-de jastarǵa arnalǵan jattyǵýlar ótedi.
Dúısenbi, sársenbi jáne juma kúnderi jattyǵýlar kelesi meken-jaılar boıynsha ótedi:
1. N. Tilendıev dańǵ., 38;
2. Ánet baba, 11 – «Manheten» TK;
3. Sh. Aıtmatov dańǵ., 60 – «Madrıd» TK;
4. Saryarqa kósh., 11;
5. Kenesary dańǵ., 64 – «Daryn» TK;
6. Syǵanaq kósh., 14 – «Shyǵys TK»;
7. S.Kýbrın kósh., 23/1 – «Evropeıskıı» TK;
8. Uly dala, 31/1 - «Alpamys» TK;
9. Momyshuly dańǵ., 12 – «Astana Merýert» TK;
10. Túrkistan kósh., 10 – «Kórkem 2» TK;
11. Qoshqarbaev dańǵ., 45;
12. Kúıshi Dına kósh., 31 – «Mıras» TK;
13. Saýran kósh., 3/1 – «Sarmat 1» TK;
14. Máńgilik el dańǵ., 19 - «Aısanam» TK;
15. Qabanbaı batyr dańǵ, 59B – «Býdapesht» TK.
Seısenbi, beısenbi, senbi kúnderi sporttyq jattyǵýlar kelesi meken-jaılar boıynsha ótedi:
1. S 303 kósh., 2 úı;
2. Sh. Aıtmatov dańǵ., 36 – «Jaǵalaý» TK;
3. Qorǵaljyn tas joly, 25 – «Elorda 2020» TK;
4. Sh. Qosshyǵululy kósh., 20;
5. Pýshkın kósh., 15 – «Kıtaıskaıa stena» TK;
6. J. Moldaǵalıev kósh., 6;
7. S. Seıfýllın dańǵ., 9 – «Djýngarskıe vorota» TK;
8. Saraıshyq kósh., 34 – «Dıplomat» TK;
9. Qudaıberdiuly dańǵ., 5;
10. Saýran kósh.,5 – «Gradkompleks 2 TK;
11. Qoshqarbaev dańǵ., 34 – «Túrkistan» TK;
12. B.Maılın kósh., 31 – «Apato» TK;
13. Ál Farabı dańǵ., 34/3 – «Nova City» TK;
14. Beıbarys sultan kósh., 11 – «Qazanat River» TK;
15. Aınakól kósh., 60 – «Barys» TK.
