Valúta baǵamy
  • USD -

    518.9
  • EUR -

    587
  • RUB -

    6.23
Aqtóbe oblysyndaǵy balabaqsha esepshileri 240 mln teńgeni jymqyrǵan
Foto: ashyq kózden 21 qazan 2024
Aqtóbe oblysyndaǵy balabaqsha esepshileri 240 mln teńgeni jymqyrǵan

Aqtóbe oblysyna qarasty Hromtaý jáne Muǵaljar aýdandaryndaǵy balabaqsha esepshileri 240 mln teńgeni talan-tarajǵa salǵan, dep habarlaıdy Ulys.

Bul faktini oblys prokýratýrasy anyqtaǵan. Prokýratýranyń boljamynsha, esepshiler qyzmetkerlerge artyq syıaqy, artyq jalaqy tólegen. Onyń ústine, eshkim is-saparǵa barmasa da olarǵa is-sapar shyǵyndary tólenip otyrǵan. Búkil qarjy balabaqsha meńgerýshisiniń nemese esepshiniń jeke shotyna túsip otyrǵan.

«Aqtóbe oblysynyń Hromtaý jáne Muǵaljar aýdandary prokýratýralary mektepke deıingi mekemelerde 240 mln teńgeden astam búdjet qarajatyn talan-tarajǵa salǵanyn anyqtady. Aýdan prokýrorlary bilim bóliminiń burynǵy basshylaryna, 3 balabaqsha meńgerýshisi men 4 esepshige qatysty sotqa deıingi tergeýdi bastady», - dep habarlaıdy Aqtóbe oblysynyń prokýratýrasy.

 

RELATED NEWS
Jemqorlyqpen kúres: Álemdik reıtıńte Qazaqstan neshinshi orynda
11 aqpan 2025
Jemqorlyqpen kúres: Álemdik reıtıńte Qazaqstan neshinshi orynda

Transparency International «Sybaılas jemqorlyqty qabyldaý ındeksi» halyqaralyq reıtıńinde 2024 jyly Qazaqstan nátıjelerin taǵy da jaqsartty, dep habarlaıdy Ulys Antıkorǵa silteme jasap.

Álem boıynsha ortasha bal – 43, al «Shyǵys Eýropa jáne Ortalyq Azıa» aımaǵynda (19 el) 35 boldy.

Qazaqstan reıtıńiniń 2016 jyldan bastap aıtarlyqtaı ósken el retinde atap ótildi – 11 balǵa (29 baldan) ósý.

«Ortalyq Azıa óńiri elderiniń ishinde Qazaqstan eń joǵary pozısıany ıelenedi jáne reıtıńti jaqsartqan jalǵyz el bolyp sanalady. Indekste Qazaqstannan keıin Úndistan (38), Indonezıa (37), Argentına (37), Serbıa (35), Ýkraına (35), Brazılıa (34), Taıland (34), Túrkıa (34), Belarýs (33), Reseı (22) jáne t.b. elder ornalasqan. Jemqorlyqty qabyldaý ındeksi Qazaqstannyń reıtıńin shyǵarý úshin 9 túrli uıymnyń derekteri paıdalanylǵan kompozıttik ındeks bolyp sanalady. Reıtıń memlekettik sektordaǵy sybaılas jemqorlyqty qabyldaýdyń saraptamalyq jáne bıznes-baǵalaýlaryna negizdelgen», - delingen Antıkor habarlamasynda.

Fýtbol federasıasynyń burynǵy basshysyna qatysty tergeý bastaldy
04 naýryz 2025
Fýtbol federasıasynyń burynǵy basshysyna qatysty tergeý bastaldy

Qazaqstan fýtbol federasıasynyń burynǵy basshylyǵyna qatysty tergeý júrip jatyr, dep habarlaıdy Ulys.

Qarjy monıtorıńi agenttigi Barmenqulovqa, sondaı-aq federasıanyń birqatar burynǵy qyzmetkerlerine qatysty tergeý áreketteri men tintý jumystaryn júrgizip jatyr.

Barmenqulov 2021-2024 jyldar aralyǵynda QFF basshysy qyzmetin atqarǵan.19 qarashada uıymnyń kezekten tys otyrysynda ol qyzmetinen ketti.

BAQ tarapynan kelip túsken suranystarǵa baılanysty, QMA Qazaqstan fýtbol federasıasynyń buryńǵy basshylyǵyna qatysty sotqa deıingi tergeýdi bastaǵanyn rastaıdy,- delingen Qarjy monıtorıńi agenttigi habarlamasynda. 

Nyǵmatýlınniń izdeýde júrgen aǵasy Qazaqstannan qylmystyq is qozǵalmaı turyp ketip qalǵan
20 naýryz 2025
Nyǵmatýlınniń izdeýde júrgen aǵasy Qazaqstannan qylmystyq is qozǵalmaı turyp ketip qalǵan

Parlament Májilisiniń burynǵy tóraǵasy Nurlan Nyǵmatýlınniń aǵasy Arǵyn Nyǵmatýlın tergeý bastalǵanǵa deıin elden ketip qalǵan. Bul týraly Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev málimdedi, dep habarlaıdy Ulys.

«Biz onyń Qazaqstanda emes ekenin bilemiz. Tergeý bastalǵanǵa deıin elden ketip qalǵan. Ol Qazaqstanda emes. Ony izdeý jáne elge qaıtarý boıynsha sharalar júrip jatyr. İzdeý sharalary barlyq eldi qamtıdy, oǵan memleketaralyq izdeý jarıalanǵan», - dedi Quraqbaev Senat kýlýarynda jýrnalıserdiń suraǵyna jaýap berip.

Esterińizge salaıyq, naýryz aıynyń basynda 69 jastaǵy Arǵyn Nyǵmatýlınge izdeý jarıalanǵany habarlandy. Ony izdeýge prokýratýra bastamashy bolǵan, al izdeý sharalaryn Antıkor júrgizedi.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.