Qazaqstannyń Túrkıadaǵy Elshisi Abzal Saparbekuly Ankara qalasynyń burynǵy meri Ibrahım Melıh Gókchekpen kezdesti. Júzdesý barysynda Astana men Ankaranyń yntymaqtastyǵyndaǵy rólin aıryqsha atap ótken Elshi A.Saparbekuly Melıh Gókchekke QR Prezıdentiniń Astananyń 20 jyldyǵyna oraı ázirlengen mereıtoılyq medalin tabystady. Bul týraly elshiliktiń feısbýk jelisindegi https://www.facebook.com/kzembassy paraqshasynda jazyldy.
Elshilik paraqshasyn «Astananyń 3 jyldyǵy jáne 10 jyldyq mereıtoıyna qatysqanyna eske salǵan M.Gókchek Túrkıa men Qazaqstan arasyndaǵy yntamaqtastyq jyldan jylǵa nyǵaıyp kele jatqanyna toqtaldy. Baýyrlas elder arasyndaǵy baılanystyń arta túsýine Nursultan Nazarbaevtyń sińirgen eńbegi orasan zor ekendigin atap ótken Melıh myrza, «Qazaqstan Prezıdenti tek qazaq halqynyń ǵana emes, búkil túrkitildes aımaqtyń bedeldi kóshbasshysy»- dep sózin jalǵastyra otyryp, atalmysh mártebege laıyq kórgen Elbasyna alǵysyn bildirdi.
Astana men Ankara qalalary 2001 jyldan bastap baýyrlas qalalar mártebesine ıe. Qazirgi tańda Ankarada Qazaqstan dańǵyly, Abaı Qunanbaı dańǵyly jáne t.b. qazaq aqyn- jazýshylarynyń atyndaǵy kósheler, Elbasy N.Nazarbaev eskertkishi, Súıinbaı Aronuly, Maǵjan Jumabaev eskertkishteri bar. Ibrahım Melıh Gókchek bedeldi túrik saıası qaıratker 1994-2017 jj. arasynda Ankara qalasynyń meri qyzmetin atqardy», - dep jazdy.