Valúta baǵamy
  • USD -

    454.5
  • EUR -

    488
  • RUB -

    5.03
ANKARADA ALǴYS AITÝ KÚNİ ATALYP ÓTTİ
01 naýryz 2019
ANKARADA ALǴYS AITÝ KÚNİ ATALYP ÓTTİ

Túrkıanyń astanasynda Qazaqstan Respýblıkasynyń Túrkıadaǵy Elshiligi Alǵys aıtý kúnin atap ótti. Elshi Abzal Saparbekuly basyna qıyn-qystaý kún týǵanda qazaq baýyrlastaryna qushaǵyn ashqan túrik úkimeti men halqyna Qazaq eli atynan alǵys bildirdi. Shara aıasynda Elshiliktiń qoldaýymen qoǵam qaıratkeri, belgili pýblısıs marqum Saǵat Áshimbaevtyń «Ádebı syn maqalalar» atty eńbegi men tanymal jazýshy Shárbaný Beısenovanyń «Bir mahabbat baıany», «Súzgeniń sońǵy kúnderi» «Bozoq arýy» atty túrik tiline aýdarylǵan týyndylarynyń tusaýkeseri boldy. Bul týraly atalǵan elshiliktiń feısbýk paraqshasynda https://www.facebook.com/kzembassy jazdy.

 

Sharaǵa Qazaqstannyń Túrkıadaǵy Elshisi Abzal Saparbekuly, Túrkıa Respýblıkasy Prezıdentiniń Bas keńesshisi Ialchyn Topchý, Túriksoı halyqaralyq uıymynyń Bas hatshysy Dúısen Qaıseıinov, Eýrazıa jazýshylar odaǵynyń tóraǵasy Iakýp Ómeroǵlý, Túrkıanyń memlekettik jáne qoǵam qaırtakerleri, BAQ ókilderi, Túrkıada bilim alyp jatqan qazaq jastary, qazaq dıasporasy ókilderi jáne túrik oqyrman qaýymy qatysty.

Alǵys aıtý kúniniń Qazaqstan qoǵamyndaǵy mańyzdylyǵy týraly sóz qozǵaǵan  Elshi Abzal Saparbekuly  Prezıdent N. Nazarbaevtyń «Bizdiń ustanymymyz – tatýlyq pen tynyshtyq, uranymyz – bereke men birlik» degen sózderin keltirdi. Búgin sol beıbit ómir men yntymaq úshin, qasterli Táýelsizdigimiz úshin bir-birimizge alǵys aıtatynymyzǵa erekshe toqtaldy. Sondaı-aq ol basyna qıyn-qystaý kún týǵanda qazaq baýyrlaryna qushaǵyn ashqan túrik úkimeti men halqyna da Qazaq eli atynan alǵys bildirdi. Elshi Alǵys aıtý kúni maqsatynyń óskeleń urpaqtyń boıyna dostyq, tózimdilik jáne patrıotızm qundylyqtaryn sińirý ekendigin aıtty.

Sondaı-aq, A. Saparbekuly 1999 jylǵy 1 naýryzda «Nur Otan» partıasynyń qurylǵanyn eske sala otyryp, eki kún buryn 20 jyldyq mereıtoıǵa oraı ótken partıa sezinde Qazaqstan Prezıdentiniń halyqtyń erteń emes, búgin baqytty bolýyn qalaıtynyn, osy turǵyda áleýmettik damýǵa baǵyttalǵan júıeli sharalardy usynǵanyn jetkizdi. Bunyń syrtynda  N. Nazarbaevtyń ótken jyly jarıalanǵan «Uly dalanyń jeti qyry» atty baǵdarlamalyq maqalasynyń qazaq halqynyń rýhanı jandanýy ǵana emes, jalpy túrki áleminiń birligi úshin mańyzdy qadam ekendigin aıtty. Sóziniń sońynda A. Saparbekuly áıgili ádebıet synshysy S. Áshimbaev pen onyń jary Sh. Beısenovanyń túrikshege aýdarylǵan kitaptaryna qysqasha sholý jasap ótti.

Óz kezeginde, Túrkıa Respýblıkasy Prezıdentiniń Bas keńesshisi Ia. Topchý ata-babalarynyń mesqetıalyq túrikter ekenin aıtyp, túrikter jáne basqa halyqtar atynan qıyn-qystaý kezeńde pana bolyp, barymen bólisken qazaq halqyna, sonyń ishinde Prezıdent N. Nazarbaevtyń ata-anasyna úlken alǵysyn bildirdi. N. Nazarbaev pen R. T. Erdoǵandy Túrki áleminiń, jalpy Eýrazıalyq keńistiktiń eki alyby dep erekshe atap ótken Ia. Topchý eki eldiń qarym-qatynastarynyń odan ári damı beretinine senimdi ekendigin málimdedi.

Ialchyn Topchýǵa Qazaqstan men Túrkıanyń dostyq qarym-qatynastarynyń damýyna qosqan úlesi úshin Qazaqstan Respýblıkasy Táýelsizdiginiń 25 jyldyǵy qurmetine arnalǵan merekelik medal tabystalyp, is-shara kitap tusaýkeserimen jalǵasty.

Tusaýkeserde sóz alǵan Eýrazıa jazýshylary odaǵynyń tóraǵasy Ia. Ómeroǵlý Alǵys aıtý kúni sıaqty mańyzdy merekelerdiń irgeli, uly memleketter jasaıtyn shara ekenin málimdedi. Ol, sondaı-aq, túrli sebeptermen qazaq elinde qonys tepken halyqtardyń tarıhı otandarynyń 1 naýryz saıyn Qazaqstanǵa delegasıalar jiberip, alǵys aıtý sharalaryna qatysýyn uıymdastyrýdy usyndy.

Ia. Ómeroǵlý «Súzgeniń sońǵy kúnderi» povesi áıel qaharmandyǵyn sýretteıtin shyǵarma dep baǵa berdi. Ol Súzge hanshaıymnyń Sibirdiń sońǵy hany Kóshimniń jary bolǵanyn aıtyp, jalpy, povesti qazaqtardyń tatar jáne bashqurt sıaqty soltústik túrki halyqtaryna qashan da qoldaý kórsetkenin meńzeıtin mańyzdy shyǵarma dep esepteıdi. Ia. Ómeroǵlý «Bozoq arýy» povesiniń túrki áıelderiniń batyrlyǵy men qaısarlyǵyn dóp sıpattaýymen oqyrmannyń esinde qalatynyn aıtty.

Kitaptardyń avtory Sh. Beısenova shyǵarmalarynda ómirdiń qıyndyqtarynan, tipti ólimnen de taıynbaıtyn batyl jáne qaharman áıelderdi somdaıtynyn jetkizdi. Tarıhtaǵy Súıimbıke, Súzge, Bozoq arýy sıaqty tulǵalar men Sibirge aıdalǵan M. Qarataevtyń artynan erip, tireý bolǵan jary Marhýma sıaqty áıelderdiń ishki jan dúnıesin beıneleýge tyrysqanyn aıtty.

Avtordyń artynan sóz alǵan aýdarmashy J. Kynajy jınalǵan qaýymdy shyǵarmalardyń sújetimen tanystyryp, «Bozoq arýy» povesin Prezıdent N. Nazarbaevtyń barlyq túrki halyqtaryna ortaq tulǵalardy nasıhattaý boıynsha usynysynyń oryndalýy dep baǵalady. Sóziniń sońynda J. Kynajy Elshiliktiń buǵan deıin de kóptegen kazaq avtorlary kitaptarynyń túrikshe jaryq kórýine qoldaý kórsetkenin eske salyp, Elshi A. Saparbekuly júrgizip otyrǵan mádenı dıplomatıany joǵary baǵalady.

«Baldyrǵan» jýrnalynyń bas redaktory D. Maǵlumov, óz kezeginde, Qazaqstan táýelsizdik alǵaly beri kóptegen qazaq avtorlary kitaptarynyń Túrkıada jaryq kórgenin atap ótip, jınalǵan qaýymdy S. Áshimbaevtyń ómirbaıanymen qysqasha tanystyrdy.

Jıyn Sh. Beısenovanyń túrik oqyrmandary úshin kitaptaryna qoltańba berýimen, sondaı-aq, qazaq halyq jáne estrada ánderi shyrqalǵan merekelik konsert jáne resmı qabyldaýmen jalǵasty.

 

 

RELATED NEWS
ERDOǴAN MEN GÝTTERISH ÝKRAINAǴA TARAPTARDY  TATÝLASTYRÝ ÚSHİN KELDİ
17 tamyz 2022
ERDOǴAN MEN GÝTTERISH ÝKRAINAǴA TARAPTARDY  TATÝLASTYRÝ ÚSHİN KELDİ

Túrkıa Prezıdenti Rejep Taıyp Erdoǵan men Birikken Ulttar Uıymynyń Bas hatshysy Antonıý Gýtterısh Ýkraınaǵa keldi.

Búgin olar Ýkraına prezıdenti Volodımır Zelenskıımen birge úshjaqty keńes ótkizedi. Atalǵan jıynda orys-ýkraın soǵysynyń dıplomatıalyq jolmen bitýine yqpal etý, Ýkraına astyǵyn álemdik naryqqa shyǵarýǵa qatysty jasalǵan tetikterdi kúsheıtý, sondaı-aq qaýipti jaǵdaıda turǵan Zaporoje atom elektr stansasynyń máselesi talqylanbaq.

Zelenskııdiń shaqyrýyn qabyl alyp kelgen Gýtterısh erteń  Odessa qalasyna baryp, kelesi kúni Ysanbulǵa taban tireıdi.

Eki álemdik saıasatkerdiń taraptardy tatýlastyrý talpynysynan jemisti nátıje kútý óte qıyn... Tek sońǵy eki máseleniń ońalýyna yqpal etse de úlken olja bolar edi.

Alım Baıel naznachen Generalnym konsýlom Kazahstana v Stambýle
20 mamyr 2020
Alım Baıel naznachen Generalnym konsýlom Kazahstana v Stambýle

Alım Daýrenovıch Baıel (ranee – Baıalıev) naznachen Generalnym konsýlom Respýblıkı Kazahstan v g. Stambýl.

A. Baıel rodılsá v 1984 g. Okonchıl bakalavrıat Blıjnevostochnogo tehnıcheskogo ýnıversıteta (g. Ankara, Týrsıa) po spesıalnostı «Bıznes-admınıstrırovanıe». Okonchıl magıstratýrý Ýnıversıteta Djordja Vashıngtona (g. Vashıngton, SSHA) po spesıalnostı «Gosýdarstvennoe ýpravlenıe». Vypýsknık programmy «Bolashak». Sostoıt v Prezıdentskom molodejnom kadrovom rezerve.

2012–2014 gg. – ekspert Soveta sotrýdnıchestva túrkoıazychnyh gosýdarstv;

2014–2015 gg. – dırektor sentra mejdýnarodnyh otnoshenıı Túrkskoı akademıı;

2016 g. – rýkovodıtel ýpravlenıa mejdýnarodnogo sotrýdnıchestva Mınısterstva Respýblıkı Kazahstan po delam gosýdarstvennoı slýjby;

2016–2018 gg. – rýkovodıtel ýpravlenıa mejdýnarodnogo sotrýdnıchestva, rýkovodıtel ýpravlenıa strategıcheskıh razrabotok Agentstva Respýblıkı Kazahstan po delam gosýdarstvennoı slýjby ı protıvodeıstvıý korrýpsıı;

2018–2020 gg. – pervyı sekretar po polıtıcheskım voprosam Posolstva Respýblıkı Kazahstan v Týrsıı;

S 1 marta 2020 g. – Generalnyı konsýl Respýblıkı Kazahstan v Stambýle.

Túrkıada taǵy memlekettik tóńkeris bolýy múmkin ekeni aıtylýda
15 mamyr 2024
Túrkıada taǵy memlekettik tóńkeris bolýy múmkin ekeni aıtylýda

Túrkıada memlekettik tóńkeris bolýy múmkin. Osyǵan baılanysty el prezıdenti Rejep Taıyp Erdoǵan Túrkıanyń barlaý jáne Ádilet mınıstrliginiń basshylarymen shuǵyl otyrys ótkizdi, dep habarlaıdy Ulys túrkıalyq basylymdarǵa silteme jasap.

Túrik ultshyldarynyń jetekshisi Devlet Bahchelı2016 jyldyń shildesinde eldi dúrliktirgen memlekettik tóńkeris qaıtalanýy múmkin ekenin eskertti.

Bir kún buryn Ankara Bas prokýratýrasy "Aıhan Bora Kaplan" qylmystyq uıymyna qatysy bar degen kúdikpen  úsh polıseıge qatysty tergeý bastady. Olardyń úılerinde tintý júrgizildi.

Türkiye gazeti óz kezeginde "Aıhan Bora Kaplan" uıymymen baılanysta boldy dep aıyptalǵan Ankara qaýipsizdik basqarmasynda birqatar polısıa qyzmetkerleriniń jumystan shyǵarylýyna baılanysty Túrkıada úlken qarsylyq kórsetilgenin jazady. Olardyń úılerinde sıfrlyq materıaldardy alý maqsatynda tintý júrgizildi.

"Prezıdent Erdoǵan Ádilet mınıstri Iylmaz Týndjmen jáne Ulttyq barlaý uıymynyń basshysy Ibragım Kalynmen Bahchelıdiń málimdemesinen keıin Memleket basshysynyń rezıdensıasynda shuǵyl túngi otyrys ótkizdi", — dep jazady Türkiye.

Erdoǵan el Parlamentinde sóz sóıleıdi dep kútilýde.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.