Valúta baǵamy
  • USD -

    539.7
  • EUR -

    629.5
  • RUB -

    6.69
Almaty oblysynda buqaralyq sport qarqyndy damyp keledi
redaktor 02 shilde 2024
Almaty oblysynda buqaralyq sport qarqyndy damyp keledi

İle aýdany Almaty oblysy ákiminiń kýbogy úshin fýtboldan birinshi oblystyq týrnırdiń arenasyna aınaldy. Saıysqa oblystyń barlyq aýdandary men Qonaev qalasynan 10 komanda qatysty, dep habarlaıdy Ulys.

Jarystyń saltanatty ashylý rásiminde Almaty oblysynyń ákimi Marat Sultanǵazıev sóz sóıledi. Ol Memleket basshysy Qasym-Jomart Toqaevtyń tapsyrmasy boıynsha oblysta buqaralyq sportty damytý úshin barlyq jaǵdaı jasalyp jatqanyn atap ótti.

"Bizdiń oblysta fýtbol joǵary deńgeıde damyp keledi. Bir jarym jyl buryn oblys ortalyǵynda ár aýdanynda fılıaldary bar bolashaq kásibı fýtbolshylardy daıyndaıtyn arnaıy balalar men jasóspirimder sport mektebi ashyldy. Sondaı-aq bizde Qazaqstannyń ekinshi lıgasynda oblystyń namysyn qorǵaıtyn "İle-Alataý" kásibı klýby paıda boldy, - dedi oblys basshysy.

M.Sultanǵazıevtiń aıtýynsha, oblysta zamanaýı sporttyq nysandar salynyp, materıaldyq-tehnıkalyq baza jańartylýda. "Búgingi tańda oblystyń ár aýdanynda 10 dene shynyqtyrý-saýyqtyrý kesheni jumys isteıdi", - dep tolyqtyrdy sózin oblys ákimi.

Ákim týrnır qatysýshylaryna sáttilik pen jarqyn jeńister tiledi.

"Sporttyq jarystar minezdi shyńdaıdy, komandalyq rýh pen maqsat qoıa bilýge tárbıeleıdi. Sizderdiń daıyndyqtaryńyzdyń joǵary deńgeıi men sporttyq sheberlikterińizdi kórsetetinińizge senimdimin!", - dedi ákim.

Týrnır olımpıadalyq júıe boıynsha (shyǵý arqyly) ótti. Fınalda Qonaev qalasynyń komandasy Kegen aýdanynyń oıynshylaryn jeńip, 1-oryndy ıelendi. Úshinshi oryndy İle aýdanynyń ókilderi aldy.

Týrnır uıymdastyrýshylary fýtboldy jyl saıyn ótkizetin is-sharaǵa aınaldyryp, biriktirýshi faktor retindegi mańyzy zor ekenin tilge tıek etti.

RELATED NEWS
Qysqy Ýnıversıada: Qazaqstandyq frıstaıl-mogýldan chempıon atandy
14 qańtar 2025
Qysqy Ýnıversıada: Qazaqstandyq frıstaıl-mogýldan chempıon atandy

Italıanyń Týrın qalasynda ótip jatqan qysqy Ýnıversıadada frıstaıl-mogýldan qazaqstandyq Anastasıa Gorodko chempıon atandy, dep habarlaıdy Ulys Ulttyq olımpıada komıtetine silteme jasap.

Fınalǵa birinshi orynmen shyqqan A.Gorodko eń joǵary upaımen (79,79) altyn medalǵa ıe boldy.

Japonıalyq Harýka Nakao 76,29 balmen ekinshiorynǵa ıe boldy.

Germanıalyq Hanna Vesse (75,04 bal) úzdik úshtikti túıindedi.

Qysqy Ýnıversıadanyń ashylý saltanatynda tý ustap shyqqan Aıaýlym Ámirenova bul básekede 70,52 balmen besinshi orynǵa taban tiredi.

Aıta keteıik, qysqy Ýnıversıadada búgin qazaqstandyq jastar úsh sport túrinen synǵa túsýde.

Er Jánibek batyrdyń esimi ulyqtaldy
08 mamyr 2025
Er Jánibek batyrdyń esimi ulyqtaldy

Óskemen qalasynyń Jekpe-jek saraıynda aty ańyzǵa aınalǵan Er Jánibekti eske alýǵa arnalǵan jasóspirimder men kadetter arasynda semserlesýden HİH ashyq respýblıkalyq týrnır ótti.
Er Jánibek urpaqtary uıymdastyryp otyrǵan týrnırge Shyǵys Qazaqstan, Abaı, Ońtústik Qazaqstan oblystary men Astana, Almaty qalalarynan kelgen 200 jasóspirim sportshy qatysady. 

- Kadetter men jasóspirimder arasyndaǵy ashyq respýblıkalyq týrnırdi osymen 19-shy márte ótkizip otyrmyz. Biz jastardy otansúıgishtikke tárbıeleý, sportqa, onyń ishinde semserlesýge baýlý maqsatynda ótkizip kelemiz, - dedi týrnırdi uıymdastyrýshy, Er Jánibek urpaqtarynyń ókili Álibek Erýbaev. 

Týrnırdiń saltanatty ashylýynda SHQO ákiminiń orynbasary Erbol Nurǵalıev sportsúıer qaýymdy memlekettik merekemen quttyqtap, Uly Jeńistiń 80 jyldyǵy qarsańynda jáne Otan qorǵaýshylar kúninde ótip otyrǵan jarystyń máni men maǵynasy zor ekenin aıtty. 

- Er Jánibek batyrdyń qurmetine ótip otyrǵan týrnırge jastardyń kóptep qatysyp otyrǵany bizdi qýantady. Oblysymyzda bul sport túrine erekshe den qoıylyp otyr. Jas qatysýshylarymyz kóp bolǵan saıyn bolashaq Olımpıada chempıondarynyń qatary tolysatynyna senim bildiremiz, - dedi Erbol Nurǵalıev. 

Týrnır 9 mamyr kúnine deıin jalǵasyp, shapshańdar men alǵyrlar Jeńis kúninde anyqtalady.

CS2 KZ 2025: Qazaq kıbersportshylaryna Astana tórindegi PGL sahnasy ashyq
25 sáýir 2025
CS2 KZ 2025: Qazaq kıbersportshylaryna Astana tórindegi PGL sahnasy ashyq

Avtor: ulys.kz tilshisi

«PGL» — bul jaı ǵana úsh árip emes. Bul — álemdik deńgeıdegi shaıqas alańy. Bul — myńdaǵan jankúıerdiń kóz aldynda, mıllıondaǵan kórermenniń aldynda óz elińniń atynan shyǵatyn, tek myqtylardyń mekeni. Bıyl bul sahnaǵa alǵash ret qazaq kıbersportshylary joldama alýy múmkin. Sebebi, CS2 KZ 2025 Community Cup týrnıri osyndaı múmkindik berip otyr.

Erteń, 26 sáýirde, otandyq oıynshylar úshin asa mańyzdy kún. Bul — respýblıkalyq aýqymdaǵy irikteý kezeńderiniń sońǵy kúni. Bir aı boıy ár senbi saıyn 166 komanda, ıaǵnı 800-ge jýyq oıynshy Counter-Strike 2 alańynda ter tókti. Endigi kezekte 3–4 mamyrda pleı-off, al 15 mamyrda Astanadaǵy The Hood klýbynda LAN-fınal ótpek.

Bul — bir qaraǵanda jaı ǵana jarys emes. Bul — úlken armanǵa jol ashatyn kópir. Óıtkeni, bas júlde – PGL Astana 2025 sahnasyna shyǵý. Jeńimpaz komanda sol jerde álemniń eń myqtylarymen ıyq tirestirip, 5 VIP-oryn ıelenedi. Bul — buryn-sońdy Qazaqstanda bolmaǵan jaǵdaı.

Qazaq Cybersport Federation prezıdenti Qýanyshbek Esekeevtiń aıtýynsha, bul týrnırdiń basty maqsaty – jastarǵa tek oıyn emes, múmkinshilik beretin platforma jasaý.
«PGL — bul Qazaqstannyń kıbersport kartasyndaǵy ornynyń nyǵaıǵanyn kórsetetin oqıǵa. Bizdiń oıynshylarǵa álemdik deńgeıge shyǵýǵa jol ashyp, otandyq jankúıerlerge NAVI, G2 Esports, Astralis syndy komandalardy óz kózderimen kórýge múmkindik beredi. Qazaqstan CS2-de árqashan myqty bolǵan. Endi sol myqtylyqty álem sahnasynda dáleldeıtin ýaqyt keldi», – deıdi ol.

Eń qyzyǵy, týrnırge qatysýshylarǵa jaı ǵana sahna emes, naqty qoldaý da kórsetilýde. Fınalısterdiń jolaqysy men turýy tolyqtaı Winline kompanıasynyń qoldaýymen qamtamasyz etiledi. Al ekinshi oryndy ıelengen komanda 5 standartty bıletke ıe bolady. TOP-4 quramyna kirgenderdiń barlyǵy geımerlik qurylǵylarmen marapattalady.

Al PGL Astana 2025 týrnıri she? Bul jaı ǵana jarys emes. Bul — S-Tier sanatyna jatatyn, Valve-diń resmı tizimine kiretin bedeldi týrnır. 16–18 mamyrda Barys Arena sahnasynda ótetin fınaldyq básekede álemniń 16 úzdik komandasy baq synasady. NAVI, Team Spirit, Virtus.pro... Tizim uzaq, ataǵy bıik.
Eń bastysy — bul týrnırdiń júlde qory – 1 250 000 AQSH dollary. CS2 tarıhyndaǵy rekordtyq kórsetkish.

Bálkim bul jarys bireýdiń ómirin ózgertedi. Bálkim, bul Qazaqstandaǵy jańa dáýirdiń bastalýy. Buryn el namysyn bokstan, kúresten, shahmattan qorǵap júrgender edi. Endi — CS2. Endi — kıbersport. Endi — Astana.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.