Aqmola oblysynyń Shýchınsk qalasynda asyrap alynǵan balanyń ólimine baılanysty sot úkimi shyqty, dep habarlaıdy Ulys.

HALYQSTAN habarlaýynsha, bes jylǵa jýyq ýaqyt boıy jan túrshigerlik qylmystyń izderi jasyrýly bolyp kelgen. Bul atyshýly is boıynsha bala asyrap alǵan anasy men ájesi sot aldynda jaýap berdi.

Bes jasar balanyń denesi úıdiń baqshasyna jerlengen, al bul sumdyq oqıǵa tek ótken kóktemde ǵana anyqtaldy. Qylmystyń beti kútpegen qateliktiń arqasynda ashylǵan.

Asyrap alǵan anasy basqa balasyn denesi  kógerip júrgendikten aýrýhanaǵa alyp kelgen, alaıda qujattardy shatastyryp alǵan. Keıinirek onyń tórt jyl boıy qaıtys bolǵan balaǵa tıesili týý týraly kýálikti qoldanyp júrgeni anyqtaldy.

Basty kúdikti 65 jastaǵy ájesi birden qamaýǵa alynsa, 29 jastaǵy asyrap alǵan anasy da ýaqytsha ustaý ızolátoryna jiberildi.

Sot jabyq esik jaǵdaıynda ótip, úkim shyqty. Balanyń ájesi – 21 jylǵa, ógeı anasy 4 jylǵa bas bostandyǵynan aıyryldy.

Qazaqstandyq jýrnalıs Dana Ormanbaevanyń ústinen ultaralyq arazdyqty órshitý faktisi boıynsha qylmystyq is qozǵaldy. Oǵan halyqaralyq izdeý jarıalandy. Bul týraly Ulys Almaty polısıasyna silteme jasap habarlaıdy.

"Almaty polısıa departamentiniń tergeý basqarmasy ultaralyq arazdyqty qozdyrý faktisi boıynsha qylmystyq isti tergep jatyr. Sot «qamaýǵa alý» túrindegi bultartpaý sharasyna syrttaı sanksıa berdi. Sonymen birge kúdiktige halyqaralyq izdeý jarıalandy", - delingen polısıa habarlamasynda.

Jýrnalıs qazir Qazaqstannan basqa jerde turyp jatyr.