FOTO: QR Úkimeti
8 óńirde tótenshe jaǵdaı rejımi jalǵasýda. 3,5 myńǵa jýyq jekemenshik úı sý astynda qaldy. 67 eldi meken kólik qatynasynsyz qalyp otyr. Bul týraly QR Úkimetiniń baspasóz qyzmeti habarlady.
Kúshter men tehnıkanyń qosymsha toptary jasaqtaldy. Qıyn jaǵdaıǵa tap bolǵan óńirlerge kómek kórsetý úshin ońtústik óńirlerden áskerı qyzmetshiler jumyldyryldy. Sonymen qatar birqatar oblystarda keltirilgen zalaldy esepteý boıynsha óńirlik komısıalar jumys isteýde.
Vıse-premer, Sý tasqynyna qarsy is-sharalardy úılestirý jáne sý tasqyny saldaryn joıý jónindegi respýblıkalyq shtab meńgerýshisiniń orynbasary Qanat Bozymbaev atap ótkendeı, tıisti komısıalar jumysy aıaqtalǵannan keıin turǵyn úılerdi jóndeýge jáne salýǵa ótemaqy tóleı bastaıdy.
Sý tasqynynan zardap shekkenderdiń basqa da múlki men mal shyǵynyn óteý máseleleri jaqyn arada sheshimin tabady.