4 aýǵanstandyq para berip Qazaqstan arqyly Eýropaǵa ótpek bolǵan

Aýǵanstan

20 naýryz 2024

4 aýǵanstandyq para berip Qazaqstan arqyly Eýropaǵa ótpek bolǵan

Aýǵanstan azamattary Qazaqstan arqyly Reseıge jáne odan ári Eýropaǵa ótpek bolǵan. Bul týraly UQK Shekara qyzmeti qyzmeti habarlady.

Aýǵanstandyqtar laýazymdy tulǵaǵa 5 myń AQSH dollary kóleminde para berý áreketi kezinde Aýǵanstannyń 4 azamaty ustaldy.

Tergeý materıaldaryna sáıkes, bul qarajat sheteldikterdi Ispanıa men Portýgalıanyń jalǵan tólqujattary boıynsha Almaty qalasynyń halyqaralyq áýejaıy arqyly tasymaldaýdy uıymdastyrýǵa arnalǵan.

Qylmystyq kodekstiń 394-babynyń 1-bóliginde jáne 367-babynda kózdelgen qylmys belgileri boıynsha sotqa deıingi tergep-tekserý júrgizilýde.

«Sottyń sanksıasymen ustalǵan adamdarǵa qamaýda ustaý túrindegi bultartpaý sharasy qoldanyldy», - delingen habarlamada.

RELATED NEWS

Aýǵanstan

16 tamyz 2024

Aýǵanstanda 1,4 mln oqýshy qyz orta bilim alý múmkindiginen aıyrylǵan

Talıban qozǵalysy (Qazaqstanda tyıym salynǵan uıym) basqaratyn Aýǵanstanda 1,4 mln qyz orta bilim alý múmkindiginen aıyrylǵan, dep habarlaıdy Ulys IýNESKO-ǵa silteme jasap.

2021 jyly Aýǵanstan bıligi altynshy synyptan keıin qyzdardyń bilim alýyna tyıym saldy. 15 tamyzda IýNESKO saıtynda osyndaı málimet jarıalandy.

"Eger atalǵan tyıymǵa deıin de mektepke barmaǵan qyzdardy qosa esepteıtin bolsaq, onda elde bilim alý quqyǵynan aıyrylǵan 2,5 mıllıonǵa jýyq qyz bar. Bul mektep jasyndaǵy aýǵan qyzdarynyń 80%-yn quraıdy", dep habarlaıdy IýNESKO.

Aýǵanstan

19 tamyz 2021

«Kópjyldyq janjaldy aýǵan halqy ózi sheshýi kerek» - Qazaqstannyń málimdemesi

Qazaqstan Aýǵanstandaǵy jaǵdaıǵa baılanysty málimdeme jasady, dep habarlaıdy Ulys QR SİM silteme jasap.

«Qazaqstan Aýǵanstandaǵy jaǵdaıdyń damý barysyn muqıat qadaǵalap otyr. Atalǵan eldiń tarıhynda taǵy bir sheshýshi sát kele jatyr. Kópjyldyq janjaldy aýǵan halqy ózi sheshýi kerek.

Qazaqstan barlyq taraptardy ishki turaqtandyrýdyń basty alǵysharty retinde bıliktiń beıbit tranzıtin qamtamasyz etýge shaqyrady. Biz BUU Qaýipsizdik Keńesiniń ınklúzıvti jáne ókildik úkimet qurý, ulttyq azshylyqtar men áıelderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý týraly málimdemesin qoldaımyz. Osy erejelerdi oryndaý Aýǵanstannyń jańa bıligimen dıalogty bastaý úshin qajetti shart bolýy tıis», - delingen málimette.

Aýǵanstan

16 tamyz 2021

67 el men EO Aýǵanstandaǵy jaǵdaıǵa baılanysty málimdeme jasady

67 el men Eýropalyq Odaq Talıban Aýǵanstandy basyp alǵannan keıin birlesken málimdeme jasady. Olar Aýǵanstannan ketkisi keletinderge barlyq joldy ashyq qaldyrýǵa shaqyrdy jáne aýǵan halqyna kómektesýge daıyn ekendikterin bildirdi. Bul týraly Ózbekstannyń memlekettik aqparat agenttigi habarlady.

Málimdemege qol qoıǵan taraptardyń qatarynda Eýropalyq Odaqtyń syrtqy ister jáne qaýipsizdik saıasaty jónindegi joǵary ókili, AQSH, Ulybrıtanıa, Kanada, Germanıa, Avstralıa, Polsha, Ýkraına, Ońtústik Koreıa, Afrıka jáne Latyn Amerıkasy bar. Alaıda Reseı bul elderdiń qatarynda joq.

«Aýǵanstannan ketkisi keletin aýǵandar men sheteldikterge mynaǵan ruqsat berý kerek: joldar, áýejaılar men shekaralar ashyq qalýy jáne beıbitshilik saqtalýy kerek. Aýǵan halqy qaýipsiz jáne abyroıly ómir súrýge laıyq. Biz olarǵa kómektesýge daıynbyz », - delingen AQSH Memlekettik departamentiniń saıtynda jarıalanǵan habarlamada.

Málimdeme avtorlary Aýǵanstanda qaýipsizdikti qamtamasyz etý úshin jumys jasap jatqanyn atap ótti. Olar «barlyq taraptardy Aýǵanstannan ketkisi keletinderdi qurmetteýge jáne olardyń qaýipsiz jáne tártippen shyǵýyn qamtamasyz etýge» shaqyrdy.

Eske salsaq, Aýǵanstanda bılik talıbterdiń qolyna ótti. Prezıdent Ashraf Ǵanı qantógis boldyrmaý úshin elden ketýge sheshim qabyldady.

Jańalyqtar

28 sáýir 2025