16–23 maýsym kúnderi Bolgarıa astanasy Sofıada ótken ıýnıorlar arasyndaǵy álem chempıonaty máresine jetti. Atalǵan jarysqa 7 sportshymyz qatysyp, tarıhı nátıjege qol jetkizdi.

Atap aıtqanda, Aqmaral Erekesheva úsh baǵdarlamada fınalǵa shyǵyp, dop jáne lenta jattyǵýlarynda altyn, shyǵyrshyq jattyǵýynda kúmis medal jeńip aldy. Osylaısha, jerlesimiz tarıhı jetistikke qol jetkizdi. Buǵan deıin jerlesterimizdiń eń úzdik nátıjesi – 4-oryn bolatyn.

Olımpıada chempıondarymen sheberlik baıqasty

16–23 maýsym kúnderi Indonezıanyń Balı qalasynda ótken semserlesýden sary qurlyq básekesinde ulttyq qurama sportshylary bir kúmis, bir qola medal jeńip aldy. Komandalyq saıysta Qazaqstan quramasy álemdegi kóshbasshylardyń biri, Olımpıada chempıony Japonıa quramasymen synǵa túsip, 24:45 esebimen qarsylas jeńiske jetti.

Komanda sapynda Rýslan Kýrbanov, Erlik Sertaı, Elmır Álimjanov, Vadım Sharlaımov, Kırıll Prohodov óner kórsetti.

Aıta keteıik, jarys barysynda Qazaqstan quramasy 1/16 kezeńde Túrikmenstannan, keıin Sıngapýrdan, jartylaı fınalda Qytaıdan basym tústi. Osyǵan deıin chempıonatta Vadım Sharlaımov jekeleı synda qola júldeger atanǵan edi.

Tashkenttegi jarysta 3 sportshymyz tuǵyr satysyna kóterildi

18–21 maýsymda Ózbekstannyń Tashkent qalasynda ótken sporttyq gımnastıkadan Challenge Cup jarysynda ulttyq quramanyń 3 sportshysy tuǵyr satysyna kóterildi.

Qossyryq jattyǵýynyń fınalynda Ilás Azızov kúmis (13.100 upaı), taǵy bir otandasymyz Dmıtrıı Patanın qola júldeger (12.700 upaı) atandy. Bul jattyǵýda jarys qojaıyny Akrorhon Temirhonov 13.550 bal jınap, top jardy.

Al áıelder arasynda bórene jattyǵýynda Kórkem Erbosynqyzy fınalda úzdik úshtikti túıindedi. Otandasymyz 12.100 bal alyp, Challenge Cup jarysyndaǵy alǵashqy júldesin moınyna taqty.

Qazaqstan grek-rım kúresinen Azıa chempıonatynda top jardy

2025 jylǵy 18–21 maýsym kúnderi Výngtaý qalasynda (Vetnam) ótken 23 jasqa deıingi sportshylar arasyndaǵy Azıa chempıonatynda otandyq palýandar 6 altyn (Erasyl Mamyrbekov, Isqar Qurbaev, Baǵdat Sabaz, Aqjan Yqylasov, Maııs Álıev, Vıktorıa Hýsaınova), 6 kúmis (Maqsat Saılaý, Iýsýf Masıev, Djohar Ýzarov, Mereı Bazarbaev, Elnar Shildebaı, Nurdáýlet Bekenov, ) jáne 7 qola medal (Dıas Qaltaı, Nurdáýlet Seıilbekov, Asqab Hadjıev, Álimjan Sálimjan, Zeınep Baıanova, Angelına Pervýhına, Tynys Dýbek) jeńip aldy. Ásirese, grek-rım kúresiniń ókilderi úzdik nátıje kórsetip, jalpykomandalyq esepte top jardy.

Stella Sýhanovanyń bir ózi Azıa chempıonatynda 4 altyn medal jeńip aldy

Taılandtyń Raıong qalasynda baıdarka men kanoede eskek esýden 18 ben 23 jas sanatyndaǵy Azıa chempıonaty ótti. Sary qurlyq básekesinde U23 sanatynda ulttyq qurama sportshylary synǵa túsip, 6 altyn (Denıs Klenın, Stella Sýhanova, Dmıtrıı Holmogorov, Egor Krasnonos), 6 kúmis (Ánýar Almaǵambetov, Olga Sýrmına, Marıa Brovkova, Dmıtrıı Holmogorov, Egor Krasnonos, Denıs Klenın, Dmıtrıı Ladúkov, Olga Sýrmına, Marıa Brovkova, Vıktorıa Falaleeva, Tatána Gladkova) jáne 3 qola medalmen (Nurjan Mýfýqululy, Ánýar Almaǵambetov) jalpy esepte 2-orynǵa turaqtady.

Bıylǵy chempıonatqa 16 memleketten 270 sportshy qatysty. Qazaqstan 18 ben 23 jas sanatyn qosqanda barlyǵy 12 altyn, 12 kúmis, 7 qola júlde ıelendi.

Aleksandr Býblık Galle týrnıriniń eki dúrkin chempıony atandy

Qazaqstannyń birinshi, álemniń 45-raketkasy Aleksandr Býblık Germanıanyń Galle qalasynda ótken ATP 500 týrnıriniń jeńimpazy atandy. Fınalda ol álemniń 11-raketkasy, reseılik Danııl Medvedevti jeńdi – 6:3, 7:6 (7:4). Osylaısha, Býblık sporttyq jolynda ATP týrnırlerindegi besinshi tıtýlyna qol jetkizdi. Sonyń ishinde ol ekinshi ret Galle (2023) dodasynda úzdik shyǵyp otyr.

Italıanyń Týrın qalasynda ótip jatqan qysqy Ýnıversıadada frıstaıl-mogýldan qazaqstandyq Anastasıa Gorodko chempıon atandy, dep habarlaıdy Ulys Ulttyq olımpıada komıtetine silteme jasap.

Fınalǵa birinshi orynmen shyqqan A.Gorodko eń joǵary upaımen (79,79) altyn medalǵa ıe boldy.

Japonıalyq Harýka Nakao 76,29 balmen ekinshiorynǵa ıe boldy.

Germanıalyq Hanna Vesse (75,04 bal) úzdik úshtikti túıindedi.

Qysqy Ýnıversıadanyń ashylý saltanatynda tý ustap shyqqan Aıaýlym Ámirenova bul básekede 70,52 balmen besinshi orynǵa taban tiredi.

Aıta keteıik, qysqy Ýnıversıadada búgin qazaqstandyq jastar úsh sport túrinen synǵa túsýde.

Avtor: ulys.kz tilshisi

«PGL» — bul jaı ǵana úsh árip emes. Bul — álemdik deńgeıdegi shaıqas alańy. Bul — myńdaǵan jankúıerdiń kóz aldynda, mıllıondaǵan kórermenniń aldynda óz elińniń atynan shyǵatyn, tek myqtylardyń mekeni. Bıyl bul sahnaǵa alǵash ret qazaq kıbersportshylary joldama alýy múmkin. Sebebi, CS2 KZ 2025 Community Cup týrnıri osyndaı múmkindik berip otyr.

Erteń, 26 sáýirde, otandyq oıynshylar úshin asa mańyzdy kún. Bul — respýblıkalyq aýqymdaǵy irikteý kezeńderiniń sońǵy kúni. Bir aı boıy ár senbi saıyn 166 komanda, ıaǵnı 800-ge jýyq oıynshy Counter-Strike 2 alańynda ter tókti. Endigi kezekte 3–4 mamyrda pleı-off, al 15 mamyrda Astanadaǵy The Hood klýbynda LAN-fınal ótpek.

Bul — bir qaraǵanda jaı ǵana jarys emes. Bul — úlken armanǵa jol ashatyn kópir. Óıtkeni, bas júlde – PGL Astana 2025 sahnasyna shyǵý. Jeńimpaz komanda sol jerde álemniń eń myqtylarymen ıyq tirestirip, 5 VIP-oryn ıelenedi. Bul — buryn-sońdy Qazaqstanda bolmaǵan jaǵdaı.

Qazaq Cybersport Federation prezıdenti Qýanyshbek Esekeevtiń aıtýynsha, bul týrnırdiń basty maqsaty – jastarǵa tek oıyn emes, múmkinshilik beretin platforma jasaý.
«PGL — bul Qazaqstannyń kıbersport kartasyndaǵy ornynyń nyǵaıǵanyn kórsetetin oqıǵa. Bizdiń oıynshylarǵa álemdik deńgeıge shyǵýǵa jol ashyp, otandyq jankúıerlerge NAVI, G2 Esports, Astralis syndy komandalardy óz kózderimen kórýge múmkindik beredi. Qazaqstan CS2-de árqashan myqty bolǵan. Endi sol myqtylyqty álem sahnasynda dáleldeıtin ýaqyt keldi», – deıdi ol.

Eń qyzyǵy, týrnırge qatysýshylarǵa jaı ǵana sahna emes, naqty qoldaý da kórsetilýde. Fınalısterdiń jolaqysy men turýy tolyqtaı Winline kompanıasynyń qoldaýymen qamtamasyz etiledi. Al ekinshi oryndy ıelengen komanda 5 standartty bıletke ıe bolady. TOP-4 quramyna kirgenderdiń barlyǵy geımerlik qurylǵylarmen marapattalady.

Al PGL Astana 2025 týrnıri she? Bul jaı ǵana jarys emes. Bul — S-Tier sanatyna jatatyn, Valve-diń resmı tizimine kiretin bedeldi týrnır. 16–18 mamyrda Barys Arena sahnasynda ótetin fınaldyq básekede álemniń 16 úzdik komandasy baq synasady. NAVI, Team Spirit, Virtus.pro... Tizim uzaq, ataǵy bıik.
Eń bastysy — bul týrnırdiń júlde qory – 1 250 000 AQSH dollary. CS2 tarıhyndaǵy rekordtyq kórsetkish.

Bálkim bul jarys bireýdiń ómirin ózgertedi. Bálkim, bul Qazaqstandaǵy jańa dáýirdiń bastalýy. Buryn el namysyn bokstan, kúresten, shahmattan qorǵap júrgender edi. Endi — CS2. Endi — kıbersport. Endi — Astana.