2024 жылдың сегіз айында Қазақстанның сыртқы сауда айналымы 91 млрд 673,7 млн доллар болған. Бұл 2023лғы көрсеткіштен 0,6% аз. Оның ішінде экспорт–53 млрд 547,5 млн болған. Ал импорт көлемі 38 млрд 126,2 млн долларды құраған. Сауда айналымының түсуі осы импорт бойынша тіркеліп отыр.
Еліміз ең көп экспорттаған өнімдер, әдеттегідей, шикі мұнай (55,4%) мен тазартылған мыс, өңделмеген мыс қорытпалары (5,2%), химиялық радиоактивті элементтер мен радиоактивті изотоптар (4,6%), кендер және мыс концентраттары (4%), ферроқорытпалар (2,8%).
Ал сырттан ішке ең көп әкелінген тауар - жеңіл автокөлік (3,9%). Одан кейінгі орында дәрілік заттар (3,3%), ұшу аппараттары (3,2%), телефон аппараттары (2,8%) мен моторлы көлік құралдарына арналған шанақ (2%).
Қазақстан тауарын өзіне ең көп импорттайтын ел – Италия (24,2%). Одан кейінгі орында Қытай (18,3%) тұр. Еуразиялық экономикалық одақтың көшбасшысы саналатын Ресей (11,2%) бұл тізімде үшінші тұр. Әрі қарай Нидерланд (6,1%), Франция (5%), Түркия (4%) жайғасқан.
Есесіне Ресей бізге өз тауарын ең сататын ел болып есептеледі (29,4%). Тіпті Қытайдың өзін екінші орынға ысырған (24,9%). Бұлардан кейін Германия (5%), АҚШ (4%), Франция (3,3%), Корея Республикасы (3,1%) бар.
Мемлекет шағын кәсіпорындардың экспорттық әлеуетін арттыруға да күш салып келеді. «Экспорттық акселерация-2024» бағдарламасы соған дәлел бола алады. Биыл бұл бағдарлама машина жасау, химия, жеңіл және тамақ өнеркәсібі сияқты салаларда қызмет қызмет көрсетіп жүрген 120 кәсіпорын іріктелді.
2020-2023 жылдары бұл бағдарламаға елдегі 400-ден астам шағын және орта кәсіпорын қатысқан.
