Валюта бағамы
  • USD -

    462.5
  • EUR -

    495.5
  • RUB -

    5.31
Мобильді аударымдар қандай жағдайда тексеріледі
09 қаңтар 2024
Мобильді аударымдар қандай жағдайда тексеріледі

Астананың Мемлекеттік кірістер департаментінің камералдық мониторинг басқарма басшысының міндетін атқарушы Әнуар Бекжұманов мобильді аударымдар қандай жағдайда тексеруге алынатынын түсіндірді, деп хабарлайды Kazinform.

«Қазіргі уақытта 2022 жылдың қорытындысы бойынша Мемлекеттік кірістер комитетіне үш ай қатарынан жеке банктік шоттарына әр түрлі 100 тұлғадан түскен аударымдар туралы ақпарат келіп түсті. Бұдан былай банктер тек белгіленген критерийлерге сәйкес келетін тұлғалардың деректерін әр жыл бойынша беріп отырады. Ал мобильді аударымдарды тексеру заңсыз кәсіпкерлік қызметті көлеңкеден шығаруға бағытталып отыр. Тек әртүрлі тұлғалардан үш ай қатарынан ай сайын 100 немесе одан да көп мобильді аударымдар алған тұлғаларды ғана, яғни, кәсіпкерлік қызметтің белгілері байқалған жағдайда тексеру жүргізіледі», - деп түсіндірді Әнуар Бекжұманов Астана коммуникациялар қызметінде өткен брифингіде. 

Оның айтуынша, жеке тұлғалар өздерінің туыстарына, достарына аударымдар, ата-аналар мен балаларға көмек және басқа да өмірлік жағдайлар үшін мобильді аударымдарды жасап, қабылдай алады. Алайда, мұндай аударымдар бір реттік болғандықтан, оны декларациялаудың қажеті жоқ.

«Осы ретте кәсіпкерлерге төлемдерді арнайы бизнес шоттарына қабылдау ұсынылады. Кәсіпкерлер төлем карточкаларымен төлем қабылдаудан бас тартқан жағдайда алғашында әкімшілік жауапкершілікке тартылып, ескерту жасалады. Ал қайталап бұзған жағдайда – 147 680 теңге (40 АЕК) айыппұл салынады (ӘҚБтК 194-бабы).

Анықталған бұзушылықтар туралы ақпаратпен хабарламалар жіберіледі. Салық төлеуші бұзушылықтармен келісетін болса, ол жеке кәсіпкерді тіркеуге немесе табыстың декларацияланбаған сомасын көрсететін қосымша декларация ұсынуға тиіс. Ал егер салық төлеуші бұзушылықтармен келіспеген жағдайда, ол бұзушылықтардың жоқтығы туралы түсініктеме және оны растайтын құжаттарды беруге құқылы», - дейді спикер.

Жеке кәсіпкерді тіркеусіз қызмет жасағаны үшін 15-тен 100 АЕК-ке дейін айыппұл түрінде әкімшілік жауапкершілік қарастырылған. Кірістерді жасырғаны үшін – төленбеген салық сомасының 200% мөлшерінде, ал қайталанған жағдайда – 300% айыппұл салынады. Чек бермегені үшін – 15-тен 50 АЕК-ке дейін айыппұл қарастырылған. Әнуар Бекжұманов бұл бақылау шаралары адал салық төлеушілерге әсер етпейтінін жеткізді.

Еске сала кетейік, Салық кодексіне сәйкес, Қазақстанда жалпыға бірдей декларациялау 2021 жылғы 1 қаңтардан бастап енгізілді және төрт кезеңде өткізіледі. 

2023 жылдан бастап мемлекеттік мекемелер мен квазимемлекеттік сектордың қызметкерлері және олардың жұбайлары декларация тапсыра бастады, онда 2022 жылғы 31 желтоқсандағы жағдай бойынша деректер көрсетіледі. 

2024 жылдан бастап заңды тұлғалардың басшылары мен құрылтайшылары, сондай-ақ жеке кәсіпкерлер мен олардың жұбайлары, 2025 жылдан бастап – азаматтардың қалған санаттары, яғни, елдің барлық ересек тұрғындары декларация тапсырады. 

Активтер мен міндеттемелер туралы декларацияда 10 мың АЕК-тен аспайтын қолма-қол ақша көрсетіледі. Қазақстан аумағынан тыс мүлік, бұл жер учаскелері, үйлер, кеңселер, шетелдік банктердегі банктік шоттардағы ақша, Қазақстан аумағынан тыс жерде құрылған заңды тұлғаның жарғылық капиталындағы қатысу үлесі, бағалы қағаздардың болуы туралы мәліметтер, дебиторлық, кредиторлық берешек, мұнда банктерге және банктерге берешекті қоспағанда, құжат нотариалды куәландырылған болуы тиіс.

Қазақстанда тіркелген жылжымалы және жылжымайтын мүлік, банк шоттары сияқты мәліметтер уәкілетті органдарда бар болғандықтан декларацияда көрсетілмейді. 

RELATED NEWS
Мұнайдың әлемдік бағасы күрт төмендеді
09 наурыз 2020
Мұнайдың әлемдік бағасы күрт төмендеді

 Лондондағы ICE Futures биржасында Brent маркалы мұнай бағасы 2020 жылғы мамыр айындағы жеткізілімдер бойынша 33,4 пайызға құлдырап, барреліне 33,94 доллар болды.

 

Соңғы рет мұнай бағасы 2016 жылғы ақпанда баррелі 34 доллардан төмен болған еді.

Сәуір айында фьючерстер бойынша WTI маркілі мұнай бағасы 27,1 пайызға кеміп, баррелі 32,48 доллар болды.

Мұнай ОПЕК+ елдерінің Венадағы келіссөздер қорытындысында короавирус салдарынан сұраныстың төмендеуіне байланысты мұнай өндіру көлемін қысқартуға келісе алмағандығы белгілі болғаннан кейін күрт төмендеп жатыр.

"Бәйтерек" холдингі мен Сбер Қазақстандағы еншілес банкті сатып алу-сату жөнінде мәміле жасады
23 тамыз 2022
"Бәйтерек" холдингі мен Сбер Қазақстандағы еншілес банкті сатып алу-сату жөнінде мәміле жасады

"Бәйтерек" ұлттық басқарушы холдингі мен "Сбербанк тобы" "Сбербанк Қазақстандағы" ("Сбербанк" АҚ ЕБ) Сбер акцияларының барлық пакетін сатып алу-сату мәмілесіне қол қойды. Бұл туралы ұлттық холдингтің баспасөз қызметі ресми сайтында хабарлады.

Холдингтің баспасөз қызметі таратқан ақпаратқа сәйкес, "Сбербанк" қазіргі геосаяси жағдайды басшылыққа ала отырып және еншілес банк клиенттерінің мүддесі үшін әрекет ете отырып, қазақстандық нарықтан шығу туралы шешім қабылдаған. 

"Сбербанк Қазақстан" - өтімділіктің жеткілікті қорына, жоғары сапалы кредиттік қоржынына ие және көптеген жыл бойы Қазақстанның қаржы нарығының негізгі қатысушыларының бірі.

"Сбербанк Қазақстанды" сатып алу туралы шешім қабылдай отырып, "Бәйтерек" холдингі оның елдің қаржы жүйесі үшін жоғары маңыздылығын бағалады. Банк иеленетін қазіргі заманғы инфрақұрылым мен технологиялар қысқа мерзімде банкті толыққанды жұмысқа қайтаруға және Қазақстан экономикасының нақты секторын қаржыландыруды бастауға мүмкіндік береді", - делінген хабарламада. 

Сонымен қатар хабарламада банк өзінің клиенттері алдындағы барлық міндетін орындауды жалғастыратыны айтылған. Осылайша клиенттері үшін банк өнімдері бойынша барлық шарт өзгеріссіз қалатын болды.

"Бәйтерек" ұлттық басқарушы холдингі баспасөз қызметінің хабарлауынша, мәміле банкке белсенді операцияларды толық көлемде жаңартуға, депозиттер тартуға және төлемдер жүргізуге, сондай-ақ халық пен бизнес үшін өнімдер мен қызметтерді дамытуды жалғастыруға мүмкіндік береді. 

"Қазақстан нарығында клиенттермен өзара іс-қимылдың 15 жылдан астам тәжірибесі жинақталған "Сбербанк Қазақстан" қызметкерлерінің кәсіби командасы өз жұмысын жалғастыратын болады. Тараптар мәмілені жақын арада жабуды жоспарлап отыр", - деп хабарлады холдингтен. 

Халыққа бір реттік төлем төлеу сынды популистік шаралардан әдейі бас тарттық - Абаев
24 наурыз 2020
Халыққа бір реттік төлем төлеу сынды популистік шаралардан әдейі бас тарттық - Абаев

Жаңа жағдайдағы мемлекеттік саясаттың басты бағыты экономика болады. Бұл туралы ҚР Ақпарат және қоғамдық даму министрі Дәурен Абаев айтты, деп хабарлайды ҚазАқпарат.

 

«Енді тікелей Президент тапсырмаларына тоқталсам, жаңа жағдайдағы мемлекеттік саясаттың басты бағыты экономика болады. 10 млрд доллар - бұл халықтың жан басына шаққанда өте мол сома. Біз мәселен бүкіл халыққа бірреттік төлем төлеу сынды популистік шаралардан әдейі бас тарттық. Біз мұндай идеяның халық арасында неліктен танымал екендігін білеміз. Бірақ, оның тиімділігі қысқа мерзімді ғана. Бұл жүйелі шара емес. Президент алға қойып отырған міндет - іскерлік белсенділікті дамыту. Бизнесті нығайту, жұмыс орындарын құру. Кез келген дағдарыс - бұл мүмкіндіктер терезесі. Біздің мақсатымыз - дүкендер мен сауда нүктелерінің сөрелерінде отандық өнімдер үлесін еселеп арттыру», - деді Дәурен Абаев.

 

Оның атап өтуінше, бұл тек қана жұмыс орындарын құру емес, сонымен қатар тәуелсіз баға саясаты, мұнай және өзге де пайдалы қазбалардың бағасына тәуелдіктілікті төмендету саналады. «Үкімет қазірдің өзінде нақты цифрларды жариялады. Мәселен, бизнесті несиелеу 1 трлн теңгеге дейін ұлғайтылды. Соңғы мөлшерлеме 6 пайыз болады.

 «Қарапайым заттар экономикасы» бағдарламасында басымдыққа ие тауарлар тізілімі кеңейтіледі. Микро және шағын бизнес үшін кредит сомасы 360 млн теңгеге дейін арттырылады. Салық жеңілдіктері беріліп, тексеру саны төмендетіледі. Импорт алмастыру мақсатында қазірдің өзінде 1 трлн теңге сомаға 258 жоба іріктеп алынды. Мұның өзі 25 мың жұмыс орнын құрады», - деді ол.

Министр ауыл шаруашылығы саласында 1 млн 200 мың адам еңбек етіп жүргенін де айтты.

«Саланың ең бірінші кезектегі міндеті көктемгі егістік жұмыстарын оңтайлы мерзімде жүргізу болып отыр. Қазірдің өзінде 94 инвестициялық жобаны жүзеге асыру басталды. Жалпы сомасы - 559 млрд теңге.

Президент тапсырмасына сәйкес, маңызды азық-түлік позициялары бойына импортқа тәуелділік мәселесін шешу үшін 390 млрд теңге қосымша бөлінетін болады», - деді Дәурен Абаев.

Біз туралы
ulys.kz — ақпараттық, сараптамалық және танымдық бағыттағы материалдарды береді.
 
Мультимедиялық жоба заман талабына сай жасалған. Қазақстанның ақпараттық нарығын сапалы
контентпен қамтамасыз етуге үлес қосуға бағытталған. Мұндағы сараптамалық, танымдық
мақалалар сан саланы қамтиды. Геостратегия, геоэкономика, геосаясат, халықаралық
қатынастар мен елдің ішкі-сыртқы саясаты, экономика, жаһанда болып жатқан тектоникалық
өзгерістер мен тренд тақырыптар ұлттық мүдде тұрғысынан терең талданып қазақ
оқырмандарына жеткізіледі. Орталық Азия мен Түркі әлеміне ерекше көңіл бөлінеді.