Үздік бизнес-идеяға арналған «Coca-Cola белестері» жобасының жеңімпазы, ауылдық жердің 20 әйелінен тұратын қазақстандық делегациясы, Бейжіңде «Жасыл өмір — жақсы өмір» деген тақырыпта өтетін ЕХРО-2019 халықаралық көрмесінің іс-шараларына қатысады. Сапар барысында 8-13 маусым аралығында әйелдер кәсіпкерлігін қолдау бағытында тәжірибе алмасу, табысты жобалар тұсаукесері, ауыл шаруашылығы мен жылыжай бизнесінде жұмыс істейтін ісін жаңа бастаған кәсіпкерлердің кәсіпорындарына бару жоспарланған. Бүгін елордадағы Ұлттық баспасөз клубында осы тақырыпқа қатысты арнайы пресс-конференция өтті.
EXPO-2019 көрмесіне қатысу-2012 жылдан бастап Қазақстанда «Әлеуметтік динамика» және «Жасыл экономика және G-Globalды дамыту Коалициясы» үкіметтік емес ұйымдарының әйелдерді бизнес негіздеріне оқыту жобасын белсенді қолдайтын Coca-Cola компаниясының халықаралық қайырымдылық қорының арқасында жүзеге асып отыр. Сапарды ұйымдастырушы серіктестер Жібек жолының Халықаралық сауда палатасы (Қытай) мен «Expo&Women» халықаралық ұйымы.
ЕХРО-2019 халықаралық көрмесі «Жасыл өмір – Жақсы өмір» ұранымен Бейжіңде 2019 жылдың 28 сәуірі мен 7 қазаны аралығында өтеді. 162 күн ішінде оған 110 елдің өкілдері мен халықаралық ұйымдар қатысады. ЕХРО-2019 «Астана ЕХРО-2017» көрмесінің тақырыбын жалғастыра отырып адамзаттың «жасыл» дамуға ұмтылуының жаңашыл үлгісін насихаттайды. «Coca-Cola белестері» жобасы Coca-Cola қорының қолдауымен Қазақстанда өтіп жатқан әйелдер форумы аясында ЕХРО-2017 белсенді қатысушысы болды.
«Қазақстандағы үкіметтік емес ұйымдар «Астана ЕХРО-2017» «Болашақ энергиясы» тақырыбына үлкен назар аударады, көрме идеяларын одан әрі ілгерілетуде қомақты жұмыстар жүргізуде. Қазақстан әйелдерін экология, инновация, «жасыл экономика» бағытындағы жобаларды іске асыруға тарту- «Expo & Women» ұйымының негізгі бағыты. Сондықтан, біз Бейжіңдегі көрмеге «Coca-Cola белестері» жобасы жеңімпаздарының қатысуына ұсыныс тастадық. Делегация құрамына 2013 жылдан бастап былтырғы 2018 жылға дейінгі аралықта «жасыл технологияларды» өндірісте белсенді қолданып, жаңа жұмыс орындарын ашып, ауылда тұрақты бизнес құрған ауыл әйелдерінің ішінен шыққан жеңімпаздар кірді», - дейді ҚР Президенті жанындағы «жасыл экономикаға» көшу жөніндегі Кеңестің мүшесі, «Expo&Women» халықаралық ұйымы Президиумының төрағасы Салтанат Рақымбекова.
«Coca-Cola белестері» жобасы аясында 6 жылда 11 мыңнан астам әйел бизнесті жүргізу негіздерін оқытудан өтуге, қазақстандық ауылдарда табысты қолданылатын «жасыл» технологияларды дамытудың құралдарымен танысуға мүмкіндік алды. Coca-Cola халықаралық қорының қаржылай қолдауының арқасында 50-ден астам әйел үздік бизнес-идея байқауында гранттар жеңіп алып, жеке бизнесін дамытып, қосымша 130 жұмыс орнын ашты.
«Біз Қазақстандағы «Coca-Cola белестері» жобасын мақтан тұтамыз. Жоба көрсетілген талаптарға толығымен сай, сонымен қатар, оқыту тренингтеріне қатысу, менторлық және бастапқы қаржылық көмек алу арқылы өз бизнесін құрып дамытуға мүмкіндік беру сияқты идеялық мақсатына жеткен»,-деді Орталық Азия мен Кавказ елдеріндегі Coca-Cola компаниясының Корпоративтік байланыстар және коммуникациялар жөніндегі менеджері Александра Аккирман.
Coca-Cola компаниясының бүкіл әлемдегі әйелдерді қолдау жөніндегі 5by20 бағдарламасы 2020 жылға қарай 5 миллион кәсіпкер әйел үшін экономикалық мүмкіндіктерді дамытуға бағытталған. Әлемнің барлық әйелдері Coca-Cola компаниясының бизнес-жүйесінің іргелі негіздерін құрайды, оның шеңберінде кәсіпкер әйелдерге-фермерлерден бастап қолөнершілерге дейін көмек көрсету бағдарламалары жүзеге асырылады. 5by20 бағдарламасы арқылы компания бизнесте табысқа жету жолында әйелдер тап болатын өзекті мәселелерді шешуге көмектеседі. Бұл бастама әйелдерге іскерлік дағдылар, қаржылық қызметтер туралы оқу курстарына және табысты бизнесті іске асыруда тәлімгерлердің кеңестерін алуды ұсынады.
«Кәсібін енді бастаған қазақстандық әйелдердің ЭХРО-2019 шарасына қатысуы жобамыздың бөлінбес бөлшегі. Біз әйелдерге өз қаражатын жинауға,өз ісін бастауға, сол арқылы экономикалық тұрақтылыққа қол жеткізуге болатынын Бейжіңде өтетін көрмеге жолдама ұтып алу жеңісімен жігерлендіргіміз келеді. Бұл сөзсіз басқа әйелдерге де үлгі болады»-дейді «Әлеуметтік динамика» қоғамдық қорының директоры Елена Ожго.
Соңғы жылдардың қорытындысы бойынша ауылдық жерлерде нәтижелі жұмыспен қамтуды арттыру және әйелдер кәсіпкерлігін дамытуда Қазақстан қабылдап жатқан шаралар БҰҰ Әйелдер жағдайы жөніндегі комиссиясы тарапынан оң баға алды. Қазақстан әйелдерін бизнеске тартуда бұрынғысынша аграрлық сала басым болып отыр, оған экономикада жұмыспен қамтылған әйелдердің жалпы санынан өзін-өзі жұмыспен қамтығандардың 17% - ы тиесілі.
«Берілген грантты мен асыл тұқымды ірі қараға қатты аязда көмектесетін жем-азық дақылдарын сатып алуға жұмсадым. Қазіргі уақытта мен Қарабұлақ ауылының базасындағы «Балкондағы сиыр» жеке жобасын әзірлеумен айналысамын. Жобаны жүзеге асыру - ауылды жаңғырту, оның тұрақты дамуы, қосымша жұмыс орындарын құру сияқты маңызды мәселелерді шешеді. ЕХРО-2019 - ға барып келген соң, «жасыл экономика» бойынша ауыл тұрғындарына семинарлар өткіземін,-дейді делегация өкілі, «Олжас» шаруа қожалығының басшысы (Ақмола облысы, Қарабұлақ ауылы), «Coca Cola белестері-2017» жобасының жеңімпазы, ауыл әйелдерінің бірінші Қазақстандық форумының делегаты Гүлмайра Баймақова.
