ۆاليۋتا باعامى
  • USD -

    478.3
  • EUR -

    523.5
  • RUB -

    5.43
«قىز زورلادى» دەپ 7 اي تۇرمەدە وتىرعان كاسىپكەر ءوزىنىڭ اقتالعانىن ايتتى
15 ماۋسىم 2024
«قىز زورلادى» دەپ 7 اي تۇرمەدە وتىرعان كاسىپكەر ءوزىنىڭ اقتالعانىن ايتتى

بەلگىلى كاسىپكەر، قارجىگەر دۋمان ەرقانات  “قىز زورلادى” دەگەن جالعان ايىپپەن 7 ايعا تۇرمەدە وتىرىپ شىققانىن جازدى، دەپ حابارلايدى Ulys.

2023 جىلى 13 قىركۇيەكتە قارجى ساۋاتىن ۇيرەتەتىن تانىمال ترەيدەر دۋمان ەرقانات قىز زورلادى دەگەن ايىپپەن 5 جىلعا باس بوستاندىعىنان ايىرىلدى. الايدا ول شەشىممەن كەلىسپەي، اپەللياسيالىق سوتقا شاعىمدانعان بولاتىن.

ول ارايلىم تورەگەلدى دەگەن ايەلدىڭ ءوزىنىڭ ترەيدينگ كۋرسىنا قىزىعىپ حات جازعانىن، كەيىن ەكەۋىنىڭ كەلىسىمدى تۇردە كەزدەسىپ، قوسىلعاندارىن ايتتى. الايدا، ارايلىم ارتىنشا ەكى ساعاتتان كەيىن “مەنى زورلادى” دەپ ارىز جازىپ، ارىزىن قايتارىپ الۋ ءۇشىن 100 ميلليون تەڭگە سۇراعانىن ايتتى.

“ترەيدينگ سالاسىنا قاتىستى سۇراقتارمەن  تورەگەلدى ارايلىم باۋىرجان قىزى دەگەن ايەل حات جازىپ ءجۇردى. باستاپقىدا كۇدىكتەنبەدىم دە، ەش ارام ويىم بولعان جوق. سونداي كەزەكتى حات ارايلىمنان 2022 جىلدىڭ 4 جەلتوكسان كۇنىساعات 22:30 شاماسىندا  كەلدى. سويلەسىپ وتىرىپ، نە ىستەپ جاتقانىمدى سۇرادى. مەن ۇيدە جالعىز فيلم كورىپ جاتقانىمدى ايتتىم. ول بىرگە كورگىسى كەلەتىنىن تۇسپالدادى. مەن قارسى بولعام جوق. وسىلاي جارتى ساعاتتا ءوز كولىگىمەن ۇيىمە كەلدى. بۇل كەزدە ساعات 22.50 شاماسى بولاتىن. بىرگە فيلم قارادىق. اڭگىمەلەستىك. سونىمەن، قىز ەمەۋىرىن تانىتىپ، قالاۋىن بىلدىرگەن سوڭ جاقىنداستىق. شالىس باسپايتىن ادام بولمايدى عوي. جاسى 30 شاماسىنداعى تەك برەندتەن كيىنگەن ، قىمبات كولىك مىنگەن ايەلگە كەرەگى توسەك شىعار دەپ ويلادىم. مەن ونى زورلايتىنداي وعان مۇقتاجدىق جوق ەدى. قىسقاسى، قىزدىڭ كوڭىلىن قايتارعىم كەلگەن جوق. سالدەن سوڭ ارايلىم قارىنىم اشتى دەپ نازدانادى. ەكەمىز بىرگە تاماققا تاپسىرىس بەردىك. ءبىر ساعاتتان سوڭ كۋرەر كەلدى. بىرگە تاماقتاندىق. جوبامەن تۇنگى 01.30 شاماسىندا ارايلىم تورەگەلدىنىكولىگىنە دەيىن شىعارىپ سالىپ، الاڭسىز ۇيقىعا جاتتىم. ارادا ەكى ساعات وتكەندە ۇستىمنەن ارىز تۇسكەنىن ەستىدىم. ارايلىم تورەگەلدى زورلاندىم دەپ ارىز جازعان. مەن قىزدان مۇنىسى جالا ەكەنىن ايتىپ، نە كەرەگىن سۇرادىم. ول مەنەن 100 ملن تەڭگە تالاپ ەتتى” دەپ جازدى ول.

كەيىننەن “7 جىل ءومىرىڭ مەنىڭ  قولىمدا. بيلىكتە دە، سوتتا دا اعالارىم بار، ءبارىن شەشە الامىن» دەگەن قىزدىڭ سوزىنە دۋمان ەرقانات ءمان بەرمەگەن. الايدا، ەكى ايدان كەيىن كاسىپكەر قاماۋعا الىندى.

اپەللياسيالىق سوت ۇكىمى بويىنشا دۋمان ەرقاناتتى ءبىرىنشى ساتىداعى سوت ءوز كىناسىن مويىنداعانى ءۇشىن سوتتاپ جىبەرگەن. الايدا قىزدىڭ زورلانعانى تۋرالى ايعاق جەتكىلىكسىز دەپ تانىپتى. مۇنداي شەشىمگە نە اسەر ەتكەنىن سوت القاسى بىلاي دەپ تۇسىندىرگەن.

“ول زورلانۋ بارىسىندا ايقىن قارسىلىق كورسەتپەگەن، سەبەبى د.ەرقاناتتان دەنە جاراقاتتارى انىقتالمادى. زاتتاي دالەلدەمەلەردى زەرتتەۋ حاتتاماسى بويىنشا ونىڭ كيىمى جىرتىلماعان. دۋمان ەرقاناتقا قاتىستى بوستاندىق اۋدانى №2 اۋداندىق سوتىنىڭ 2023 جىلعى 13 قىركۇيەكتەگى ۇكىمى جويىلسىن، ءىس بويىنشا جاڭادان اقتاۋ ۇكىمى قابىلدانسىن. دۋمان ەرقاناتقا قاتىستى قاماۋعا الۋ تۇرىندەگى بۇلتارتپاۋ شاراسىنىڭ كۇشى جويىلسىن، دەرەۋ قاماۋدان بوساتىلسىن”، – دەلىنگەن اقپان ايىنداعى سوت ۇكىمىندە.

دەپۋتات، زاڭگەر ابزال قۇسپان اتالمىش جايتقا قاتىستى وتاندىق YouTube ارنالاردىڭ بىرىندە پىكىر ءبىلدىردى:

”اۋەلى قىلمىس بولدى ما، بولمادى ما سونى ايقىن ءبىلىپ الۋ قاجەت. ەگەر قىزدى قيناعان، ەركىنەن تىس كۇش قولدانىپ جىنىستىق قاتىناسقا تۇسكەن بولسا، وندا ول ءسوزسىز - قىلمىس. ال ەگەر كەلىسىم بولسا قىلمىس ەمەس. مەن اپەللياسيالىق القانىڭ كەلتىرگەن ۋاجدەرىن، سوت اكتىلەرىن قاراپ شىقتىم. جاعداي ەشقانداي دا قىلمىسقا كەلمەيدى. الماتى قالاسىنىڭ اپەللياسيالىق سوتى دۇرىس شەشىمگە كەلگەن ەكەن دەگەن ويدا قالدىم” دەدى ول.

RELATED NEWS
قازاقستاننىڭ ءبىر بولىگىندە قار جاۋىپ، جول جابىلدى
25 مامىر 2024
قازاقستاننىڭ ءبىر بولىگىندە قار جاۋىپ، جول جابىلدى

قازاقستاننىڭ باسىم بولىگىندە كۇن سۋىتىپ، كەي جەرىندە قار جاۋدى، دەپ حابارلايدى Ulys تجم سىلتەمە جاساپ.

«تاڭەرتەڭنەن باستاپ اۋا رايىنىڭ ناشارلاۋىنا، ياعني قاردىڭ جاۋۋىنا، تەمپەراتۋرانىڭ -3 گرادۋسقا دەيىن تومەندەۋىنە بايلانىستى رەسپۋبليكالىق ماڭىزى بار جول ۋچاسكەسىندە كولىك قۇرالدارىنىڭ بارلىق تۇرلەرى ءۇشىن قوزعالىس جابابىلدى. «ەكاتەرينبۋرگ - الماتى» 1080-1140 كم (كولۋتون ستانسياسى-نوۆوچەركاسسكوە اۋىلى)»، - دەلىنگەن حابارلامادا.

بۇعان قوسا اقمولا وبلىسىندا رەسپۋبليكالىق جانە وبلىستىق ماڭىزى بار اۆتوموبيل جولدارىنداعى قوزعالىستار ۋاقىتشا جابىلدى. 
اۆتوجولداردىڭ جابىلۋى استراحان جانە ەگىندىكول اۋداندارىنداعى ۋچاسكەلەردە بەلگىلەندى:

«ەكاتەرينبۋرگ-الماتى» 1080-1140 كم (كولۋتون ستانسياسى-نوۆوچەركاسسكوە اۋىلى)
«ەگىندىكول-جولان» 0-61،3 كم
«نوۆوچەركاسسكوە-ەگىندىكول-جانتەكە» 43-119 كم، 2
«جالتىر-ماكينسك» 0-38 كم،
«نوۆوچەركاسسكوە-ەگىندىكول-جانتەكە» 0-43 كم،
«نوۆوچەركاسسكوە-ەگىندىكول» -قاينار 0-52 كم.

اقتاۋدا ينكاسساتور ءوزىن اتىپ تاستادى
02 شىلدە 2024
اقتاۋدا ينكاسساتور ءوزىن اتىپ تاستادى

اقتاۋداعى  ءبىرىنىڭ عيماراتىندا ينكاسساتور ءوزىن اتىپ تاستادى، دەپ حابارلايدى Ulys lada.kz سىلتەمە جاساپ.

اتالعان سايت WhatsApp قولدانۋشىلارى وقيعانىڭ 14-شاعىناۋداندا بولعانىن ايتىپ حابارلاما جولداپ جاتقانىن جازادى. ينكاسساتور 10 ميلليون تەڭگەنى ۇرلاپ كەتىپ، ارتىنان عيماراتتىڭ جەرتولەسىنە جاسىرىنعان. كەيىن قىزمەتتىك قارۋدان باسىنا وق اتقان.

شقو-دا ايەلگە نايزاعاي ءتۇسىپ كوز جۇمدى
03 شىلدە 2024
شقو-دا ايەلگە نايزاعاي ءتۇسىپ كوز جۇمدى

شىعىس قازاقستان وبلىسىندا نايزاعاي ايەلدى ءولتىردى، دەپ حابارلايدى Ulys.

YK.kz حابارلاۋىنشا، ايەل باقتاشى بولىپ جۇمىس ىستەگەن. ونىڭ قاسىندا بولعان ەكى جىلقى دا ءتىل تارتپاي كەتكەن. 

قايعىلى وقيعا گلۋبوكوە اۋدانى چەرەمشانكا اۋىلىنان 5 شاقىرىم جەردە بولعان.

ازىرگە مەملەكەتتىك ورگانداردان رەسمي تۇسىنىكتەمە جوق.

ايتا كەتەرلىگى، شقو بويىنشا 2 شىلدەدە نايزاعايعا بايلانىستى داۋىلدى ەسكەرتۋ جاريالانعان. قۇتقارۋشىلار ۇيدە قالۋدى ەسكەرتكەن.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.