قىلمىستىق ىستەر جونىندەگى سوت القاسى تانىمال قارجى سالاسىندا ترەيدەر، كاسىپكەر ءارى بلوگەر دۋمان ەرقاناتقا قاتىستى قىلمىستىق ءىستى قارادى. بۇل تۋرالى جوعارعى سوتتىڭ باسپا ءسوز قىزمەتى حابارلادى.
سوت پروسەسى جابىق رەجيمدە ءوتتى.
بۇعان دەيىن وتكەن ءبىرىنشى سوتتىڭ ۇكىمىمەن دۋمان قىز زورلادى دەگەن كۇدىكپەن ايىپتالىپ، كىنالى دەپ تانىلىپ، ونى 5 جىلعا سوتتاعان بولاتىن.
«اپەللياسيالىق ساتى ءبىرىنشى ساتىداعى سوت ۇكىمىنىڭ كۇشىن جويىپ، اقتاۋ ۇكىمىن شىعارعان. الايدا قىلمىستىق ءىس ماتەريالدارىن زەردەلەگەن القا دۋماننىڭ كىناسى دالەلدەندى دەپ تانىدى. قورعاۋشى تاراپتىڭ دالەلدەرى جينالعان دالەلدەمەلەرمەن جوققا شىعارىلادى»، - دەلىنگەن سوت حابارلاماسىندا.
ەسكە سالساق، بۇعان دەيىن «قىز زورلادى» دەپ 7 اي تۇرمەدە وتىرعان كاسىپكەر ءوزىنىڭ اقتالعانىن ايتقان ەدى.