پاريج پروكۋراتۋراسى پاۆەل دۋروۆقا تاعىلۋى مۇمكىن 12 ەپيزودتى جاريالادى. ونىڭ ىشىندە قۇزىرلى ورگاندارعا اقپارات بەرۋدەن باس تارتۋ، الاياقتىق پەن ەسىرتكى ساتۋعا قاتىسىنىڭ بولۋى، بالالاردىڭ پورنوگرافيالىق ۆيدەولارىن ساقتاۋعا، كيبەرقىلمىستارعا، اقشا جىلىستاتۋعا قاتىسۋى جانە ت. ب. بار. 

پروكۋراتۋرا 8 شىلدەدە اشىلعان ءىستى كيبەرقىلمىسپەن كۇرەس ورتالىعى مەن ۇلتتىق الاياقتىقپەن كۇرەس باسقارماسى (ONAF) تەرگەپ جاتقانىن ايتتى.

بۇل جونىندە فرانسۋزدىڭ TF1 LCI ارناسى حابارلادى.

اقپاراتقا قاراعاندا، ونى ازەربايجاننان ۇشىپ كەلگەن جەرىنەن ۇستاپ اكەتكەن. ول فرانسياعا جەكە بيزنەس-دجەتىمەن ۇشىپ بارعان. تەلەارنا دەر

الدىن الا مالىمەت بويىنشا، فرانسيا پروكۋراتۋراسى قىلمىستىق ءىس قوزعاۋ ماسەلەسى بويىنشا شەشىم قابىلدايدى. بۇلتارتپاس شاراسىن قولدانۋ ماسەلەسىن دە شەشپەك.

ق ر ۋكرايناداعى ەلشىلىگى وسى مەملەكەتتە جۇرگەن قازاقستاندىقتارعا شۇعىل ەسكەرتۋ جاساپ، ەلدەن كەتۋدى ۇسىندى، دەپ حابارلايدى Ulys ەلشىلىككە سىلتەمە جاساپ.

«شيەلەنىستىڭ كۇشەيۋىنە بايلانىستى جانە قاۋىپسىزدىك ماقساتىندا قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا ۋكراينا اۋماعىنان كەتۋ مۇمكىندىگىن قاراستىرۋدى ۇسىنادى. پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى قاجەت. مولدوۆاعا كىرۋ ءۇشىن ۆيزا قاجەت ەمەس»، - دەپ حابارلادى ەلشىلىك.