بريۋسسەلدە ەۋرووداقتىڭ ورتالىق ازيا بويىنشا جاڭا ستراتەگياسى تانىستىرىلدى. 17 بەتتەن تۇراتىن قۇجات «ەۋرو وداق پەن ورتالىق ازيا: بەكەم ارىپتەستىك ءۇشىن جاڭا مۇمكىندىكتەر» دەپ اتالادى. اتالعان حالىقارالىق ۇيىم العاشقى ستراتەگياسىن 2007 جىلى قابىلداعان بولاتىن. ودان بەرى دە ءبىراز ۋاقىت ءوتتى، گەوساياسي احۋال دا قاتتى وزگەردى، ورتالىق ازيا ايماعىنىڭ ماڭىزى دا ارتا ءتۇستى. سوندىقتان، ايماق ەلدەرىمەن بايلانىسقا جاڭا كوزقاراس، جاڭاشا قادام جاساۋ كەرەك بولدى. ەكى جىل ىشىندە ەو ديپلوماتتارى مەن ايماق ەلدەرىنىڭ ماماندارى قۇجاتتى دايىنداۋعا بەلسەندى تۇردە اتسالىسىپ، جاڭا يدەيالار مەن سونى مازمۇندى ۇسىنىستار جولدادى. جاڭا ستراتەگيا ورتالىق ازيا مەن ەو ىنتىماقتاستىعىن جاڭا دەڭگەيگە شىعارارىنا سەنىم مول. جاڭا قۇجاتتى ەو كەڭەسى ماۋسىم ايىندا ماقۇلداپ، 7 شىلدەدە بىشكەكتە وتەتىن ورتالىق ازيا ەلدەرىنىڭ سىرتقى ىستەر مينيسترلەرىمەن كەزدەسۋدە ەو ديپلوماتياسىنىڭ باسشىسى فەدەريكا موگەريني رەسمي تۇردە تانىستىرادى دەپ جوسپارلانعان.
يتاليانىڭ بارلىق ايماعىندا سۋ تاسقىنىنا بايلانىستى ەسكەرتۋ جاريالاندى، ال فرانسيانىڭ حالقى جارىقسىز قالدىردى، دەپ حابارلايدى Euronews.
يتالياداعى تولاسسىز جاۋىن ەلدە لاي تاسقىندارىن تۋدىردى. ەڭ قاتتى زارداپ شەككەن ايماق — ەميليا-رومانيا. بولونيادا تابيعات اپات سالدارىنان ءبىر بالا قايتىس بولدى، ونى تاسقىن سۋ اۆتوكولىكپەن بىرگە اعىزىپ اكەتكەن.
ال فرانسيانىڭ ورتالىق بولىگىندەگى سۋ تاسقىندارى ۇلكەن شىعىن اكەلىپ، ەلەكتر ەنەرگياسىن ءوشىردى. فرانسيا بيلىگىنىڭ حابارلاۋىنشا كەيبىر ايماقتارىندا 48 ساعات ىشىندە 700 مم جاۋىن-شاشىن جاۋعان، بۇل پاريجدەگى جىلدىق نورمادان دا كوپ.
فرانسيانىڭ ىشكى ىستەر مينيسترلىگى ءپاريجدىڭ زارداپ شەككەن ايماقتارعا قوسىمشا 1500 قۇتقارۋشى جىبەرگەنىن حابارلادى.
ورتالىق ەۋروپا ەلدەرىندە قاتتى داۋىل، نوسەر جاڭبىر سالدارىنان چەحيا، پولشا اۆستريانىڭ اۋماعىن سۋ باسىپ، رۋمىنيانىڭ اۋىلدارى تۇتاستاي سۋعا كەتكەن، دەپ حابارلايدى BBC.
قازىرگە دەيىن 16 ادامنىڭ دەنەسى تابىلعان.
پولشا ەو-دان كومەك سۇراماق. تۋسك ۇكىمەتى توتەنشە جاعداي جاريالادى.
ەلدە مىڭداعان ادامدار ەۆاكۋاسيالاندى. كوپتەگەن جولداردى سۋ باسىپ، پوەزدار ءجۇرىسىن توقتتاتتى.
دۋناي وزەنى تاسىپ، سلوۆاكيانىڭ كونە قالاسى براتيسلاۆا سۋعا كەتتى. جەرگىلىكتى باق-تىڭ حابارلاۋىنشا، سۋدىڭ بيىكتىگى 9 مەترگە جەتكەن، الدا بۇدان دا ارى كوتەرىلەدى دەيدى.
دۋنايدىڭ تومەنگى اعىسىندا ورنالاسقان ۆەنگريا الداعى كۇندەرى بولاتىن سۋ تاسقىنىنا دايىندالىپ جاتىر. دۋنايدىڭ جاعاسىنداعى 500 شاقىرىمداي اۋماقتى سۋ باسۋ ءقاۋپى بار. وزەن تاۋلىك سايىن ءبىر مەترگە بيىكتەۋدە.
بۋداپەشت مەرياسى ميلليون قاپشىققا قۇم تولتىرىپ سۋ تاسقىنىنان قورعاۋ شارالارىن جاسادى. ۆەنگريانىڭ پرەمەر-مينيسترى ۆيكتور وربان بۇكىل شەتەلدىك ساپارلارىن كەيىنگە شەگەردى. چەحيانىڭ ەسەنيك قالاسىنا وتكەن بەيسەنبىدەن بەرى ورتاشا ايلىق نورمادان 5 ەسە كوپ جاۋىن-شاشىن جاۋدى. اۆستريانىڭ سانكت-پولتەن قالاسىنا 4 كۇندە 1950 جىلدىڭ كۇزىنەن بەرى جاۋماعان كوپ جاڭبىر جاۋدى. رۋمىنيانىڭ شىعىسىنداعى اۋىلدار تۇتاستاي سۋعا كەتتى.
مەملەكەت باسشىسى قاسىم-جومارت توقايەۆتىڭ شاقىرۋىمەن گەرمانيانىڭ فەدەرالدى كانسلەرى قازاقستانعا رەسمي ساپارمەن كەلدى. استانا قالاسىنىڭ اۋەجايىندا ولاف ءشولستى قازاقستان پرەمەر-مينيسترى ولجاس بەكتەنوۆ قارسى الدى.
گەرمانيانىڭ فەدەرالدى كانسلەرى ولاف شولس «ورتالىق ازيا + گەرمانيا» ەكىنشى سامميتىنە قاتىسادى، ونىڭ شەڭبەرىندە ساۋدا-ەكونوميكالىق ءوزارا ءىس-قيمىل مەن بىرلەسكەن ينۆەستيسيالىق جوبالاردى ىسكە اسىرۋدى قوسا العاندا، كەڭ اۋقىمدى باعىتتار بويىنشا ستراتەگيالىق ىنتىماقتاستىق پەن ارىپتەستىك ماسەلەلەرىن تالقىلاۋ جوسپارلانۋدا.
گەرمانيا قازاقستاننىڭ ماڭىزدى ساۋدا جانە ينۆەستيسيالىق سەرىكتەسى سانالادى. بيىلعى 7 ايدا ءوزارا ساۋدا كولەمى 2023 جىلدىڭ سايكەس كەزەڭىمەن سالىستىرعاندا 13%-عا ءوسىپ، $2،3 ملرد-تى قۇرادى. وتكەن جىلدىڭ قورىتىندىسى بويىنشا گەرمانيادان قازاقستانعا تىكەلەي ينۆەستيسيالار كولەمى 64%-عا ۇلعايىپ، $770 ملن-عا جەتتى. قاراجاتتىڭ نەگىزگى بولىگى باسىمدىق بەرىلىپ وتىرعان ەكونوميكانىڭ شيكىزاتتىق ەمەس سەكتورىن دامىتۋعا باعىتتالعان.
