ۇزدىك بيزنەس-يدەياعا ارنالعان «Coca-Cola بەلەستەرى» جوباسىنىڭ جەڭىمپازى، اۋىلدىق جەردىڭ 20 ايەلىنەن تۇراتىن قازاقستاندىق دەلەگاسياسى، بەيجىڭدە «جاسىل ءومىر — جاقسى ءومىر» دەگەن تاقىرىپتا وتەتىن ەحرو-2019 حالىقارالىق كورمەسىنىڭ ءىس-شارالارىنا قاتىسادى. ساپار بارىسىندا 8-13 ماۋسىم ارالىعىندا ايەلدەر كاسىپكەرلىگىن قولداۋ باعىتىندا تاجىريبە الماسۋ، تابىستى جوبالار تۇساۋكەسەرى، اۋىل شارۋاشىلىعى مەن جىلىجاي بيزنەسىندە جۇمىس ىستەيتىن ءىسىن جاڭا باستاعان كاسىپكەرلەردىڭ كاسىپورىندارىنا بارۋ جوسپارلانعان. بۇگىن ەلورداداعى ۇلتتىق باسپا ءسوز كلۋبىندا وسى تاقىرىپقا قاتىستى ارنايى پرەسس-كونفەرەنسيا ءوتتى.
EXPO-2019 كورمەسىنە قاتىسۋ-2012 جىلدان باستاپ قازاقستاندا «الەۋمەتتىك ديناميكا» جانە «جاسىل ەكونوميكا جانە G-Globalدى دامىتۋ كواليسياسى» ۇكىمەتتىك ەمەس ۇيىمدارىنىڭ ايەلدەردى بيزنەس نەگىزدەرىنە وقىتۋ جوباسىن بەلسەندى قولدايتىن Coca-Cola كومپانياسىنىڭ حالىقارالىق قايىرىمدىلىق قورىنىڭ ارقاسىندا جۇزەگە اسىپ وتىر. ساپاردى ۇيىمداستىرۋشى سەرىكتەستەر جىبەك جولىنىڭ حالىقارالىق ساۋدا پالاتاسى (جۇڭگو) مەن «Expo&Women» حالىقارالىق ۇيىمى.
ەحرو-2019 حالىقارالىق كورمەسى «جاسىل ءومىر – جاقسى ءومىر» ۇرانىمەن بەيجىڭدە 2019 جىلدىڭ 28 ءساۋىرى مەن 7 قازانى ارالىعىندا وتەدى. 162 كۇن ىشىندە وعان 110 ەلدىڭ وكىلدەرى مەن حالىقارالىق ۇيىمدار قاتىسادى. ەحرو-2019 «استانا ەحرو-2017» كورمەسىنىڭ تاقىرىبىن جالعاستىرا وتىرىپ ادامزاتتىڭ «جاسىل» دامۋعا ۇمتىلۋىنىڭ جاڭاشىل ۇلگىسىن ناسيحاتتايدى. «Coca-Cola بەلەستەرى» جوباسى Coca-Cola قورىنىڭ قولداۋىمەن قازاقستاندا ءوتىپ جاتقان ايەلدەر فورۋمى اياسىندا ەحرو-2017 بەلسەندى قاتىسۋشىسى بولدى.
«قازاقستانداعى ۇكىمەتتىك ەمەس ۇيىمدار «استانا ەحرو-2017» «بولاشاق ەنەرگياسى» تاقىرىبىنا ۇلكەن نازار اۋدارادى، كورمە يدەيالارىن ودان ءارى ىلگەرىلەتۋدە قوماقتى جۇمىستار جۇرگىزۋدە. قازاقستان ايەلدەرىن ەكولوگيا، يننوۆاسيا، «جاسىل ەكونوميكا» باعىتىنداعى جوبالاردى ىسكە اسىرۋعا تارتۋ- «Expo & Women» ۇيىمىنىڭ نەگىزگى باعىتى. سوندىقتان، ءبىز بەيجىڭدەگى كورمەگە «Coca-Cola بەلەستەرى» جوباسى جەڭىمپازدارىنىڭ قاتىسۋىنا ۇسىنىس تاستادىق. دەلەگاسيا قۇرامىنا 2013 جىلدان باستاپ بىلتىرعى 2018 جىلعا دەيىنگى ارالىقتا «جاسىل تەحنولوگيالاردى» وندىرىستە بەلسەندى قولدانىپ، جاڭا جۇمىس ورىندارىن اشىپ، اۋىلدا تۇراقتى بيزنەس قۇرعان اۋىل ايەلدەرىنىڭ ىشىنەن شىققان جەڭىمپازدار كىردى»، - دەيدى ق ر پرەزيدەنتى جانىنداعى «جاسىل ەكونوميكاعا» كوشۋ جونىندەگى كەڭەستىڭ مۇشەسى، «Expo&Women» حالىقارالىق ۇيىمى پرەزيديۋمىنىڭ ءتوراعاسى سالتانات راقىمبەكوۆا.
«Coca-Cola بەلەستەرى» جوباسى اياسىندا 6 جىلدا 11 مىڭنان استام ايەل بيزنەستى جۇرگىزۋ نەگىزدەرىن وقىتۋدان وتۋگە، قازاقستاندىق اۋىلداردا تابىستى قولدانىلاتىن «جاسىل» تەحنولوگيالاردى دامىتۋدىڭ قۇرالدارىمەن تانىسۋعا مۇمكىندىك الدى. Coca-Cola حالىقارالىق قورىنىڭ قارجىلاي قولداۋىنىڭ ارقاسىندا 50-دەن استام ايەل ۇزدىك بيزنەس-يدەيا بايقاۋىندا گرانتتار جەڭىپ الىپ، جەكە بيزنەسىن دامىتىپ، قوسىمشا 130 جۇمىس ورنىن اشتى.
«ءبىز قازاقستانداعى «Coca-Cola بەلەستەرى» جوباسىن ماقتان تۇتامىز. جوبا كورسەتىلگەن تالاپتارعا تولىعىمەن ساي، سونىمەن قاتار، وقىتۋ ترەنينگتەرىنە قاتىسۋ، مەنتورلىق جانە باستاپقى قارجىلىق كومەك الۋ ارقىلى ءوز بيزنەسىن قۇرىپ دامىتۋعا مۇمكىندىك بەرۋ سياقتى يدەيالىق ماقساتىنا جەتكەن»،-دەدى ورتالىق ازيا مەن كاۆكاز ەلدەرىندەگى Coca-Cola كومپانياسىنىڭ كورپوراتيۆتىك بايلانىستار جانە كوممۋنيكاسيالار جونىندەگى مەنەدجەرى الەكساندرا اككيرمان.
Coca-Cola كومپانياسىنىڭ بۇكىل الەمدەگى ايەلدەردى قولداۋ جونىندەگى 5by20 باعدارلاماسى 2020 جىلعا قاراي 5 ميلليون كاسىپكەر ايەل ءۇشىن ەكونوميكالىق مۇمكىندىكتەردى دامىتۋعا باعىتتالعان. الەمنىڭ بارلىق ايەلدەرى Coca-Cola كومپانياسىنىڭ بيزنەس-جۇيەسىنىڭ ىرگەلى نەگىزدەرىن قۇرايدى، ونىڭ شەڭبەرىندە كاسىپكەر ايەلدەرگە-فەرمەرلەردەن باستاپ قولونەرشىلەرگە دەيىن كومەك كورسەتۋ باعدارلامالارى جۇزەگە اسىرىلادى. 5by20 باعدارلاماسى ارقىلى كومپانيا بيزنەستە تابىسقا جەتۋ جولىندا ايەلدەر تاپ بولاتىن وزەكتى ماسەلەلەردى شەشۋگە كومەكتەسەدى. بۇل باستاما ايەلدەرگە ىسكەرلىك داعدىلار، قارجىلىق قىزمەتتەر تۋرالى وقۋ كۋرستارىنا جانە تابىستى بيزنەستى ىسكە اسىرۋدا تالىمگەرلەردىڭ كەڭەستەرىن الۋدى ۇسىنادى.
«كاسىبىن ەندى باستاعان قازاقستاندىق ايەلدەردىڭ ەحرو-2019 شاراسىنا قاتىسۋى جوبامىزدىڭ بولىنبەس بولشەگى. ءبىز ايەلدەرگە ءوز قاراجاتىن جيناۋعا،ءوز ءىسىن باستاۋعا، سول ارقىلى ەكونوميكالىق تۇراقتىلىققا قول جەتكىزۋگە بولاتىنىن بەيجىڭدە وتەتىن كورمەگە جولداما ۇتىپ الۋ جەڭىسىمەن جىگەرلەندىرگىمىز كەلەدى. بۇل ءسوزسىز باسقا ايەلدەرگە دە ۇلگى بولادى»-دەيدى «الەۋمەتتىك ديناميكا» قوعامدىق قورىنىڭ ديرەكتورى ەلەنا وجگو.
سوڭعى جىلداردىڭ قورىتىندىسى بويىنشا اۋىلدىق جەرلەردە ناتيجەلى جۇمىسپەن قامتۋدى ارتتىرۋ جانە ايەلدەر كاسىپكەرلىگىن دامىتۋدا قازاقستان قابىلداپ جاتقان شارالار بۇۇ ايەلدەر جاعدايى جونىندەگى كوميسسياسى تاراپىنان وڭ باعا الدى. قازاقستان ايەلدەرىن بيزنەسكە تارتۋدا بۇرىنعىسىنشا اگرارلىق سالا باسىم بولىپ وتىر، وعان ەكونوميكادا جۇمىسپەن قامتىلعان ايەلدەردىڭ جالپى سانىنان ءوزىن-وزى جۇمىسپەن قامتىعانداردىڭ 17% - ى تيەسىلى.
«بەرىلگەن گرانتتى مەن اسىل تۇقىمدى ءىرى قاراعا قاتتى ايازدا كومەكتەسەتىن جەم-ازىق داقىلدارىن ساتىپ الۋعا جۇمسادىم. قازىرگى ۋاقىتتا مەن قارابۇلاق اۋىلىنىڭ بازاسىنداعى «بالكونداعى سيىر» جەكە جوباسىن ازىرلەۋمەن اينالىسامىن. جوبانى جۇزەگە اسىرۋ - اۋىلدى جاڭعىرتۋ، ونىڭ تۇراقتى دامۋى، قوسىمشا جۇمىس ورىندارىن قۇرۋ سياقتى ماڭىزدى ماسەلەلەردى شەشەدى. ەحرو-2019 - عا بارىپ كەلگەن سوڭ، «جاسىل ەكونوميكا» بويىنشا اۋىل تۇرعىندارىنا سەمينارلار وتكىزەمىن،-دەيدى دەلەگاسيا وكىلى، «ولجاس» شارۋا قوجالىعىنىڭ باسشىسى (اقمولا وبلىسى، قارابۇلاق اۋىلى)، «Coca Cola بەلەستەرى-2017» جوباسىنىڭ جەڭىمپازى، اۋىل ايەلدەرىنىڭ ءبىرىنشى قازاقستاندىق فورۋمىنىڭ دەلەگاتى گۇلمايرا بايماقوۆا.
